བོད་ལྗོངས་ཀྱི་ཡར་ཀླུང་གཙང་པོའི་གྲོང་རོང་དུ་འཁྱིལ་ཆུ་ཆགས་ནས་གནོད་འཚེ་ཕོག་པའི་མང་ཚོགས་6000ལྷག་ཕྱིར་འཐེན་བྱས་པ།
སྤེལ་དུས 2018-10-19
ཡོང་ཁུངས། མི་དམངས་དྲ་བ།
རྩོམ་པ་པོ། སངས་སྐྱབས་ཀྱིས་བསྒྲིགས།
མི་དམངས་དྲ་བའི་འཕྲིན། ཟླ་10ཚེས་18ཉིན། ཡར་ཀླུང་གཙང་པོའི་བོད་ལྗོངས་ཉིང་ཁྲིའི་སྨན་གླིང་རྫོང་རྒྱ་ལ་གྲོང་ཚོའི་འཁྱིལ་ཆུའི་གནོད་འགོག་གེགས་སེལ་གྱི་མདུན་ཕྱོགས་བཀོད་འདོམས་པུའུ་ནས་ངོ་སྤྲོད་བྱས་དོན། འཁྱིལ་ཆུའི་ཉེན་ཁའི་གནས་ཚུལ་ཐོན་རྗེས། མིག་སྔའི་བར་སྨིན་གླིང་རྫོང་དང་། མེ་ཏོག་རྫོང་གིས་ཁྱོན་བསྡོམས་མང་ཚོགས་6000ལྷག་གནོད་འཚེ་ཕོག་ཡུལ་ནས་ཕྱིར་འཐེན་བྱས་ཡོད་པ་དང་། མི་སྣ་ཤི་རྨས་ཀྱི་སྙན་ཞུ་འབྱོར་མེད་པ་རེད།
ངོ་སྤྲོད་བྱས་པར་གཞིགས་ན། ཟླ་10ཚེས་17ཉིན་གྱི་ཆུ་ཚོད་5ཡས་མས་སུ། རྒྱ་ལ་གྲོང་ཚོའི་སྨད་རྒྱུད་ནས་སྤྱི་ལེ་7མཚམས་ཀྱི་མི་མེད་ས་ཁུལ་དུ། ཡར་ཀླུང་གཙང་པོའི་གཡོན་འགྲམ་གྱི་རི་ཉིལ་ནས། ཡར་ཀླུང་གཙང་པོ་འགག་སྟེ། ཆུ་ཁ་རྒྱས་པ་དང་། འཁྱིལ་ཆུ་ཐོན་པ་རེད། རི་ཉིལ་བའི་ཁ་ཞེང་ལ་སྨི་150ཡོད་པ་དང་། རིང་ཚད་ལ་སྨི་300ཡོད་ཅིང་། མཐོ་ཚད་སྨི་120དང་། བོངས་ཚད་སྨི་གྲུ་བཞི་ལྷམ་པ་དུང་ཕྱུར་0.054ཡོད། འཁྱིལ་ཆུར་ཆུ་ཚོད་1ལ་ཆུ་སྨི་གྲུ་བཞི་ལྷམ་པ་800ཙམ་གསོག་པ་དང་། མིག་སྔར་ཆུ་གསོག་ཚད་སྨི་གྲུ་བཞི་ལྷམ་པ་དུང་ཕྱུར་3ཟིན་ཡོད། མིག་སྔའི་བར། གནོད་འཚེ་ཕོག་པའི་མི་6000ལྷག་ཡོད་པ་དང་། མི་10000ལ་ཤུགས་རྐྱེན་ཐེབས་ཡོད།