རྒྱལ་སྲིད་སྤྱི་ཁྱབ་ཁང་གཞུང་དོན་ཐིང་གིས《སྨན་བཅོས་འཕྲོད་བསྟེན་ཁྱབ་ཁོངས་ཀྱི་ཀྲུང་དབྱང་དང་ས་གནས་ནོར་སྲིད་ཀྱི་འགན་དབང་དང་གཏོང་སྒོའི་འགན་འཁྲི་དབྱེ་བའི་སྒྱུར་བཅོས་ཇུས་གཞི》(གཤམ་དུ《ཇུས་གཞི》ཞེས་བསྡུ་རྒྱུ)བཀྲམ་ནས་2019ལོའི་ཟླ་1ཚེས་1ཉིན་ནས་བཟུང་ལག་ལེན་བསྟར་རྒྱུ་རེད་འདུག
《ཇུས་གཞིའི》ནང་སྤྱི་པའི་འཕྲོད་བསྟེན་དང་། སྨན་བཅོས་འགན་བཅོལ། འཆར་ལྡན་བུ་བཙའ། ནུས་པ་འཛུགས་སྐྱོང་བཅས་ཕྱོགས་བཞིའི་ཐད་ཀྱི་གཏོང་སྒོའི་འགན་འཁྲི་དབྱེ་རྒྱུ་ཁ་གསལ་བཟོས་ཡོད།
མདོར་བསྡུས་ནས་བརྗོད་ན། ཕྱོགས་བཞིའི་ཐད་ཀྱི་གནད་དོན་དེ་དག་ཀྲུང་དབྱང་ནོར་སྲིད་དང་ས་གནས་ནོར་སྲིད་ཀྱིས་ཐུན་མོང་ཐོག་འགན་འཁུར་རྒྱུ་རེད།
གཞན་ཡང་འཕྲོད་བསྟེན་བདེ་ཐང་ཨུ་ལྷན་གྱིས་གཏན་འབེབས་གསར་པ་ཁྱབ་བསྒྲགས་བྱས་ནས་འཆར་ལྡན་བུ་བཙའི་གཞི་རིམ་མཛུབ་ཁྲིད་སི་དང་། འཆར་ལྡན་བུ་བཙའི་ཁྱིམ་ཚང་འཕེལ་རྒྱས་སི། ཕྱོགས་མིའི་འཆར་ལྡན་བུ་བཙའི་ཞབས་ཞུ་དོ་དམ་སི་བཅས་འཆར་ལྡན་བུ་བཙའི་སི་3མེད་པར་བཟོ་རྒྱུ་རེད་འདུག
གོང་གསལ་གྱི་སྲིད་ཇུས་ལག་བསྟར་བྱས་ཚེ་ང་ཚོར་ཕན་པ་གང་ཞིག་ཐོབ་པ་དང་། བོད་ཀྱི་ཚད་གཞི་དེ་གང་ནས་འཛིན་དགོས་སམ་ཞེ་ན།
གཏོང་སྒོའི་འགན་དེ་ཀྲུང་དབྱང་གིས་རིམ་དབྱེའི་འགན་བགོས་བྱེད་ཐབས་ལག་ལེན་བསྟར་རྒྱུ།
རིམ་པ་དང་པོ། ནང་སོག་དང་། ཀོང་ཤིས། ཁྲུང་ཆིང་། སི་ཁྲོན། ཀུའེ་ཀྲོའུ། ཡུན་ནན། བོད་ལྗོངས། ཧྲའན་ཤིས། ཀན་སུའུ། མཚོ་སྔོན། ཉིང་ཞ། ཤིན་ཅང་བཅས་ཞིང་ཆེན(རང་སྐྱོང་ལྗོངས་དང་ཐད་གཏོགས་གྲོང་ཁྱེར)12ཚུད་པ་དང་ཀྲུང་དབྱང་གིས་འགན་80%འཁུར་རྒྱུ་རེད་འདུག
སྨན་བཅོས་འགན་བཅོལ་ཐད་སྤྱི་པའི་འཕྲོད་བསྟེན་ཕུད། གྲོང་ཁྱེར་དང་གྲོང་གསེབ་ཀྱི་གྲོང་མིར་ཡང་འབྲེལ་ཡོད་ཀྱི་གཞི་རྩའི་སྨན་བཅོས་འགན་བཅོལ་སྐྱེལ་བའི་ཁ་གསབ་ཀྱང་ཡོད།
གྲོང་ཁྱེར་དང་གྲོང་གསེབ་ཀྱི་སྨན་བཅོས་རོགས་སྐྱོབ་དང་ནད་གཞི་འཕྲལ་སྡོམ་རོགས་སྐྱོབ་ཚུད་ཡོད།
ཀྲུང་དབྱང་དང་ས་གནས་ཀྱི་རིམ་དབྱེའི་འགན་བགོས་བསྡུར་གྲངས་དེ།
རིམ་པ་དང་པོ། 8:2དང་། རིམ་པ་གཉིས་པ། 6 :4 རིམ་པ་གསུམ་པ། 5 :5 རིམ་པ་བཞི་པ། 3:7 རིམ་པ་ལྔ་པ། 1:9བཅས་རེད།
འཆར་ལྡན་བུ་བཙའི་རོགས་སྐྱོར་འགན་ལེན།
བུ་བཙའི་ཁ་གསབ་ཐད་རྣམ་གྲངས་གཙོ་བོ་ཁག་གསུམ་ཡོད་པ་སྟེ།
1.གྲོང་གསེབ་ཀྱི་འཆར་ལྡན་བུ་བཙའི་ཁྱིམ་ཚང་ཁག་གཅིག་གི་བྱ་དགའི་རོགས་སྐྱོར།
2.འཆར་ལྡན་བུ་བཙའི་ཁྱིམ་ཚང་གི་དམིགས་བསལ་རོགས་སྐྱོར།
3.འཆར་ལྡན་བུ་བཙའི“ཕྲུ་གུ་ཉུང་བཙའ་དང་མགྱོགས་མྱུར་ཕྱུག་འགྱུར”གྱི་ཁ་གསབ།
ཀྲུང་དབྱང་དང་ས་གནས་ཀྱི་རིམ་དབྱེའི་ཁག་བགོས་ཀྱི་བསྡུར་གྲངས་དེ།
རིམ་པ་དང་པོ། 8:2དང་། རིམ་པ་གཉིས་པ། 6:4 རིམ་པ་གསུམ་པ། 5:5 རིམ་པ་བཞི་པ། 3:7 རིམ་པ་ལྔ་པ། 1:9 བཅས་ཡིན།
མིག་སྔར་《ཇུས་གཞིའི》ནང་ཀྲུང་དབྱང་གིས།
གོང་གསལ་གྱི་ནང་དོན་ཁག་གསུམ་ཕུད། ཀྲུང་དབྱང་ནོར་སྲིད་དང་ས་གནས་ནོར་སྲིད་ཀྱིས་གཏོང་སྒོའི་འགན་འཁྲི་ཐུན་མོང་ཐོག་འཁུར་རྒྱུ་དང་། དེ་སྔའི་འཆར་ལྡན་བུ་བཙའི་རྣམ་གྲངས་གཞི་རྩའི་སྤྱི་པའི་འཕྲོད་བསྟེན་ཞབས་ཞུའི་སྤྱི་འདོམས་བཀོད་སྒྲིག་ནང་འཇུག་རྒྱུ་ཁ་གསལ་བཟོས་པ་དང་།
གཞན་ཡང་ད་དུང་འཆར་ལྡན་བུ་བཙའི་རོགས་སྐྱོར་འགན་ལེན་ཁ་གསབ་རྒྱལ་ཁབ་ཀྱི་རྨང་གཞིའི་ཚད་གཞི་བཟོས་པ་དང་འབྲེལ་དཔལ་འབྱོར་དང་སྤྱི་ཚོགས་འཕེལ་རྒྱས་ཕྱིན་པར་གཞིགས་ནས་རིམ་གྱིས་མཐོ་རུ་གཏོང་རྒྱུ།
