དཔྱིད་གསར་རིང་གཞི་རིམ་དུ་སྐྱོད་ཅེས་པའི་དྲོ་སྐྱིད་གྲོང་ཚོའི་བདེ་སྐྱིད་འཚོ་བ།
སྤེལ་དུས 2019-02-11
ཡོང་ཁུངས། བོད་ལྗོངས་འཕྲིན་དྲ།
རྩོམ་པ་པོ། སྣང་རྡོས་བསྒྲིགས།
དཔྱིད་གསར་རིང་གཞི་རིམ་དུ་སྐྱོད་ཅེས་པའི་བཅར་འདྲི་ཚོགས་པ་ཉེ་དུས་ལྷོ་ཁ་ས་ཁུལ་ཟངས་རི་རྫོང་དྲོ་སྐྱིད་གྲོང་ཚོར་སླེབས་པ་དང་། གྲལ་བསྟར་འགྲིག་པའི་བཀོད་སྒྲིག་ཁང་པ་རེ་རེ་དང་བཀོད་པ་གཙང་ཞིང་རྒྱ་ཆེ་བའི་གྲོང་ཚོའི་ལམ་བུ་ལས་དེ་ཁུལ་མང་ཚོགས་ཚོའི་ད་ལྟའི་འཚོ་བའི་གནས་བབ་རོབ་ཙམ་ཤེས་ཐུབ། དྲོ་སྐྱིད་གྲོང་ཚོ་ནི་གནས་སྤོས་དབུལ་སྐྱོར་གྱི་གྲོང་ཚོ་གསར་པ་ཞིག་ཡིན་ཅིང། སྤྱི་ལོ ༢༠༡༧ དང་ ༢༠༡༨ ལོར་ཁྱོན་གནས་སྤོས་བྱས་ཡོང་བའི་དབུལ་པོའི་དུད་ཁྱིམ ༡༠༤ ལ་མི་གྲངས ༤༢༡ ཡོད་པའི་ནང་གཱ་དང་ཡིག་ཚགས་བཟོས་པའི་དུད་ཁྱིམ ༩༡ ཡོད་པའི་ནང་མི་གྲངས ༣༧༩ ཡོད། ད་ལྟ་མང་ཚོགས་ཚོས་ལོ་གསར་གྱི་དགའ་སྤྲོའི་དཔལ་ལ་རོལ་བཞིན་ཡོད།
དྲོ་སྐྱིད་གྲོང་ཚོའི་གནས་སྤོས་ས་ཚིགས་སུ་གཅིག་གྱུར་འཆར་འགོད་བྱས་ཏེ་ཆུ་དང་གློག ལམ། འཕྲིན་གཏོང་། གྲོང་ཚོ་ཨུ་ལྷན། བུ་བཅོལ་ཁང་། སྒོ་རྩིས་ཚོང་ཁང་སོགས་སྤྱི་པའི་སྒྲིག་བཀོད་ཁག་ཀྱང་འཐུས་སྒོ་ཚང་པོ་ཡོད་པའི་ཁར། གྲོང་ཚོ་དེར་ཐོན་ལས་ཐད་ནས་དབུལ་སྐྱོར་བྱེད་ཤུགས་ཆེ་རུ་བཏང་སྟེ་ཚད་གཞི་མཐོ་བའི་ས་ཞིང་མུའུ ༤༣༠ གསར་སྦོལ་བྱས་པ་དང་དྲོད་ཁང་ ༡༦༠ བརྒྱབ་པ་མ་ཟད་ཞིང་ནང་ཆུ་བེད་སྒྲིག་བཀོད་ཆ་ལག་ཆ་ཚང་དུ་སྐྲུན་པ་སོགས་བྱས་ཏེ། དཔལ་འབྱོར་ཤིང་འབྲས་འདེབས་འཛུགས་དང་རྩྭ་འདེབས་པའི་རྣམ་གྲངས་ལག་བསྟར་བྱས་པས་དབུལ་སྐྱོར་གནས་སྤོས་ཁུལ་གྱི་དབུལ་ཕོངས་མང་ཚོགས་དེ་དག་ལ་ལས་ཀར་འགྲོ་ས་ཡོད་པ་དང་མ་འོངས་པར་ཡོངས་འབབ་ཀྱི་བརྟེན་ས་ཡོད་པའི་དམིགས་ཚད་སྒྲུབ་བཞིན་ཡོད།།