ཏང་རྩ་འཛུགས་ཀྱིས་སྣེ་ཁྲིད་ནས་འཕེལ་རྒྱས་ལ་སྐུལ་འདེད་བཏང་བ།
སྤེལ་དུས 2019-02-14
ཡོང་ཁུངས། ཀྲུང་གོའི་བོད་ཀྱི་གསར་འགྱུར་དྲ་བ།
རྩོམ་པ་པོ། སངས་སྐྱབས་ཀྱིས་བསྒྲིགས།
འདི་ནི་གྲོང་མིར་ཁེ་འབབ་བགོ་བཞིན་པ།
ཉེ་བའི་ལོ་ཤས་རིང་། ལྷ་ས་གྲོང་ཁྱེར་གྱིས་ཞིང་འབྲོག་པ་སྒྲིག་འཛུགས་བྱས་ཏེ་ཕྱིར་གླ་པར་བསྐྱོད་རྒྱུ་དང་ཕྱུག་འགྱུར་འབབ་འཕར་ཡོང་བ་བྱ་རྒྱུ་དེ་གཞི་རིམ་རྩ་འཛུགས་དང་གྲོང་སྡོད་ལས་དོན་རུ་ཁག་གི་འཕྲལ་དུ་སྒྲུབ་དགོས་པའི་ལས་འགན་གལ་ཆེན་ཞིག་ཏུ་བརྩིས་པའི་ཁར། མང་ཚོགས་ལ་གླ་ཆའི་ཡོང་འབབ་དང་གཉེར་སྐྱོང་ཡོང་འབབ་མང་དུ་གཏོང་རྒྱུའི་ཁྲིད་སྟོན་ཡང་བྱས་ནས་གྲོང་གསེབ་དར་རྒྱས་གཏོང་བའི་ཁྲོད་ཀྱི་ཏང་རྩ་འཛུགས་ཀྱི་ལྟེ་བའི་ནུས་པ་དངོས་འབྲེལ་ཐོན་པར་བྱས་ཡོད།
ཆུ་ཤུར་རྫོང་རྣམ་གླིང་ཤང་རྣམ་གླིང་གྲོང་ཚོའི་ཏང་ཀྲི་པུས་མང་ཚོགས་ཀྱི་སྣེ་ཁྲིད་ནས་མཉམ་སྡེབ་དཔལ་འབྱོར་འཕེལ་རྒྱས་ཤུགས་ཆེན་བཏང་བ་དང་། ས་གནས་དེ་གའི་མང་ཚོགས་རང་ཁྱིམ་གྱི་སྒོ་རྩར་ལས་ཞུགས་འབབ་འཕར་ཡོང་རྒྱུར་སྐུལ་འདེད་བཏང་བ། 2019ལོའི་ལོ་འགོར་གྲོང་མིར་ཁེ་འབབ་སྒོར་ཁྲི་33ལྷག་ཙམ་བགོས་པ་བཅས་ལས་གཞི་རིམ་ཏང་རྩ་འཛུགས་ཀྱི་གོང་བུ་འགྲིལ་ཤུགས་དང་དམག་འཐབ་བྱེད་ཤུགས་སྔར་བས་ཆེ་རུ་སོང་ཡོད།