བོད་ལྗོངས་ཀྱིས་ལས་གཏོད་ལས་ཞུགས་བྱེད་མཁན་རྣམས་ཀྱི་དཔྱ་ཁྲལ་ཉུང་བསྡུའི་སྲིད་ཇུས་ལྟར་ཆག་ཡང་གཏོང་ཚད་ཇེ་མཐོར་གཏོང་རྒྱུ་རེད།
སྤེལ་དུས 2019-04-11
ཡོང་ཁུངས། ཀྲུང་གོའི་བོད་ལྗོངས་དྲ་བ།
རྩོམ་པ་པོ། པདྨ་ཚེ་རིང་གིས་བསྒྱུར།
ཀྲུང་གོའི་བོད་ལྗོངས་དྲ་བའི་འཕྲིན། གསར་འགོད་པས་རང་སྐྱོང་ལྗོངས་མི་དམངས་སྲིད་གཞུང་རྒྱུན་ལས་ཚོགས་འདུའི་སྟེང་ནས་ཤེས་རྟོགས་བྱུང་གསལ། བོད་ལྗོངས་ཀྱིས་དངུལ་གྲངས་ཆེས་མཐོའི་འཕར་ཚད་བཅད་གྲངས་ཀྱི་ཚད་གཞི་ལྟར། དམག་ཁོངས་ནས་ཕྱིར་བུད་པའི་རང་བརྟེན་ལས་ཞུགས་དམག་མི་དང་གཙོ་གནད་མི་ཚོགས་གཉིས་ཀྱི་ལས་གཏོད་ལས་ཞུགས་ཀྱི་འབྲེལ་ཡོད་དཔྱ་ཁྲལ་ཉུང་བསྡུའི་སྲིད་ཇུས་གཞིར་བཟུང་ནས་དཔྱ་ཁྲལ་ཆག་ཡང་གཏོང་ཚད་ཇེ་མཐོར་གཏོང་རྒྱུ་རེད།
རྒྱུས་ལོན་བྱུང་བ་ལྟར་ན། དམག་ཁོངས་ནས་ཕྱིར་བུད་དེ་རང་བརྟེན་གསར་གཏོད་ལས་ཞུགས་བྱེད་པའི་དམག་མིས་རང་སྒྲུབ་ཁེ་གཉེར་པས་བཟོ་ཚོང་ཐོ་འགོད་བྱས་པའི་ཟླ་དེ་ནས་བཟུང་། ལོ་གསུམ་གྱི་རིང་ལ་ཚོང་ཁང་རེ་རེའི་ལོ་རེར་ཚད་བཀག་མ་དངུལ་སྒོར་12000གི་རྨང་གཞིའི་ཐོག ཡར་འཕར་ཚད་20%ལྟར་ལག་བསྟར་བྱ་རྒྱུ་སྟེ། ལོ་གསུམ་རིང་ཚོང་ཁང་རེ་རེའི་ལོ་རེར་སྒོར་14400ཡི་ཚད་བཀག་རིམ་པ་ལྟར་ལོ་དེར་སྤྲོད་འོས་པའི་གནས་ཐང་འཕར་ཁྲལ་དང་གྲོང་ཁྱེར་སྲུང་སྐྱོང་འཛུགས་སྐྲུན་དཔྱ་ཁྲལ། སློབ་གསོའི་གྲོན་དངུལ་ཟུར་སྣོན། ས་གནས་ཀྱི་སློབ་གསོའི་ཟུར་སྣོན། མི་སྒེར་ལ་ཐོབ་ངེས་ཀྱི་དཔྱ་ཁྲལ་བཅས་ཆག་ཡང་དུ་གཏོང་རྒྱུ་རེད།
ཁེ་ལས་ཀྱིས་རང་བརྟེན་ལས་ཀ་འཚོལ་བའི་དམག་ཁོངས་ནས་ཕྱིར་བུད་པའི་དམག་མི་དབར་ལོ་གཅིག་ཡན་གྱི་ངལ་རྩོལ་གན་རྒྱ་བཞག་ནས་ཁྲིམས་ལྟར་སྤྱི་ཚོགས་འགན་བཅོལ་མ་དངུལ་སྤྲད་ཚེ། དེ་ཡང་ངལ་རྩོལ་གན་རྒྱ་བཞག་ནས་ཁྲིམས་ལྟར་སྤྱི་ཚོགས་འགན་བཅོལ་མ་དངུལ་སྤྲད་པའི་ཟླ་དེ་ནས་ལོ་གསུམ་རིང་མི་རེར་ལོ་རེའི་ཚད་བཀག་མ་དངུལ་སྒོར་6000གི་རྨང་གཞིའི་ཐོག་ཡར་འཕར་ཚད་50%ལྟར་ལག་བསྟར་བྱ་རྒྱུ་སྟེ། དེ་ཡང་ལོ་གསུམ་རིང་དངོས་སུ་བསྡུས་པའི་མི་གྲངས་ལྟར་མི་རེར་ལོ་རེའི་སྒོར་9000གི་ཚད་བཀག་རིམ་པ་ལྟར་ལོ་དེར་དངོས་སུ་སྤྲོད་འོས་པའི་གནས་ཐང་འཕར་ཁྲལ་དང་གྲོང་ཁྱེར་སྲུང་སྐྱོང་འཛུགས་སྐྲུན་དཔྱ་ཁྲལ། སློབ་གསོའི་གྲོན་དངུལ་ཟུར་སྣོན། ས་གནས་ཀྱི་སློབ་གསོའི་ཟུར་སྣོན། མི་སྒེར་ལ་ཐོབ་ངེས་ཀྱི་དཔྱ་ཁྲལ་བཅས་ཆག་ཡང་དུ་གཏོང་རྒྱུ་རེད།
དེ་དང་ཆབས་ཅིག་ཏུ་གཱ་དང་ཡིག་ཚགས་བཟོས་པའི་དབུལ་བོ་དང་།《ལས་ཞུགས་ལས་གཏོད་ཀྱི་དཔང་ཡིག》(མཆན། “རང་བརྟེན་ལས་གཏོད་ཁྲལ་སྡུད་སྲིད་ཇུས་”སམ་“མཐར་ཕྱིན་ལོ་འཁོར་གྱི་རང་བརྟེན་ལས་གཏོད་ཁྲལ་སྡུད་སྲིད་ཇུས།”) ཡང་ན་《ལས་ཞུགས་ལས་ཤོར་དཔང་ཡིག》(མཆན། “རང་བརྟེན་ལས་གཏོད་ཁྲལ་སྡུད་སྲིད་ཇུས”)ཐོགས་པའི་མི་སྣ་ཁེ་གཉེར་བ་སུ་ཞིག་ཡིན་རུང་། རང་སྒྲུབ་ཁེ་གཉེར་བཟོ་ཚོང་ཐོ་འགོད་བྱས་པའི་ཟླ་ནས་བཟུང་སྟེ་ལོ་གསུམ་རིང་ཚོང་ཁང་རེ་རེའི་ལོ་རེའི་ཚད་བཀག་མ་དངུལ་སྒོར་12000གི་རྨང་གཞིའི་ཐོག་ཡར་འཕར་ཚད་20%ལྟར་ལག་བསྟར་བྱ་རྒྱུ་སྟེ། དེ་ཡང་ལོ་གསུམ་རིང་ཚོང་ཁང་རེ་རེའི་ལོ་རེའི་མ་དངུལ་སྒོར་14400ཡི་ཚད་བཀག་རིམ་པ་ལྟར་ལོ་དེར་སྤྲོད་འོས་པའི་གནས་ཐང་འཕར་ཁྲལ་དང་གྲོང་ཁྱེར་སྲུང་སྐྱོང་འཛུགས་སྐྲུན་དཔྱ་ཁྲལ། སློབ་གསོའི་གྲོན་དངུལ་ཟུར་སྣོན། ས་གནས་ཀྱི་སློབ་གསོའི་ཟུར་སྣོན། མི་སྒེར་ལ་ཐོབ་ངེས་ཀྱི་དཔྱ་ཁྲལ་བཅས་ཆག་ཡང་དུ་གཏོང་རྒྱུ་རེད།
ཁེ་ལས་ཀྱིས་བསྡུས་པའི་གཱ་དང་ཡིག་ཚགས་བཟོས་པའི་དབུལ་བོ་དང་། མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ལས་ཁུངས་ཀྱི་སྤྱི་པའི་ལས་ཞུགས་ཞབས་ཞུའི་ལས་ཁུངས་སུ་ལས་ཤོར་ལོ་ཕྱེད་ཡན་དང་《ལས་ཞུགས་ལས་གཏོད་ཀྱི་དཔང་ཡིག》གམ་《ལས་ཞུགས་ལས་ཤོར་གྱི་ཐོ་འགོད་དཔང་ཡིག》(མཆན། “ཁེ་ལས་ཀྱི་ཁྲལ་སྡུད་སྲིད་ཇུས”)ཐོགས་པའི་མི་སྣས་ལོ་གཅིག་ཡན་གྱི་ངལ་རྩོལ་གན་རྒྱ་བཞག་ནས་ཁྲིམས་ལྟར་སྤྱི་ཚོགས་ཀྱི་འགན་བཅོལ་མ་དངུལ་སྤྲད་པའི་ཟླ་ནས་བཟུང་། ལོ་གསུམ་རིང་ཚོང་ཁང་རེ་རེའི་ལོ་རེའི་ཚད་བཀག་མ་དངུལ་སྒོར་6000གི་རྨང་གཞིའི་ཐོག་ཡར་འཕར་ཚད་30%ལྟར་ལག་བསྟར་བྱ་རྒྱུ་སྟེ། དེ་ཡང་ལོ་གསུམ་རིང་ཚོང་ཁང་རེ་རེའི་ལོ་རེའི་མ་དངུལ་སྒོར་7800ཡི་ཚད་བཀག་རིམ་པ་ལྟར་ལོ་དེར་སྤྲོད་འོས་པའི་གནས་ཐང་འཕར་ཁྲལ་དང་གྲོང་ཁྱེར་སྲུང་སྐྱོང་འཛུགས་སྐྲུན་དཔྱ་ཁྲལ། སློབ་གསོའི་གྲོན་དངུལ་ཟུར་སྣོན། ས་གནས་ཀྱི་སློབ་གསོའི་ཟུར་སྣོན། མི་སྒེར་ལ་ཐོབ་ངེས་ཀྱི་དཔྱ་ཁྲལ་བཅས་ཆག་ཡང་དུ་གཏོང་རྒྱུ་རེད།