ཀྲུང་གུང་ཀྲུང་དབྱང་གཞུང་དོན་ཐིང་དང་རྒྱལ་སྲིད་སྤྱི་ཁྱབ་ཁང་གཞུང་དོན་ཐིང་གིས། 《གྲོང་གསེབ་བཅོས་སྐྱོང་ལ་ཤུགས་སྣོན་དང་ལེགས་སུ་གཏོང་རྒྱུའི་སྐོར་གྱི་མཛུབ་ཁྲིད་བསམ་འཆར》བཀྲམ་པ། ཞི་ཅིན་ཕིང་གིས་ཅིན་ཀྲེང་ཨེན་དང་གྲོས་མོལ་གནང་བ། ཞི་ཅིན་ཕིང་ཅིན་ཀྲེང་ཨེན་གྱིས་བཤམས་པའི་དགའ་བསུ་ཞུ་བའི་གསོལ་སྟོན་ལ་ཕེབས་པ། ལི་ཁེ་ཆང་གིས་ཨོ་སི་ཁྲུ་རི་ཡའི་ཙུང་ལི་ཁུའུ་ཨར་ཚི་དང་གྲོས་མོལ་མཛད། པདྨ་ཚེ་བརྟན་དང་ཁོའི《ལག་དམར》ཅེས་པའི་གློག་བརྙན་དེ་རྒྱལ་ཡོངས་ནས་དངོས་སུ་བསྟན། འཛམ་གླིང་ཐོག་གི་ས་བབ་མཐོ་ཤོས་ཀྱི་ཕུག་ལམ་རིང་ཤོས་སུ་རླངས་འཁོར་ཤར་གཏོང་ཐུབ་པ། སྐབས་གཉིས་པའི་རྒྱུད་གཅིག་ལམ་གཅིག་གི་རྒྱལ་སྤྱིའི་མཉམ་ལས་མཐོ་རིམ་གླེང་སྟེགས་ཀྱི་སྒྲོག་སྒོར་དབུ་ཚོགས་འཚོགས་པ་དང་། ཞི་ཅིན་ཕིང་གིས་གཙོ་སྐྱོང་གནང་བ་མ་ཟད་ཤིས་ཚིག་གནང་བ། ཞི་ཅིན་ཕིང་གིས་དབྱི་ཊ་ལིའི་ཙུང་ལི་ཁུང་ཐེ་དང་མཇལ་འཛོམས་གནང་བ། “རྒྱུད་གཅིག་ལམ་གཅིག”གི་སྐོར་གླེང་སྐབས་བོད་ལྗོངས་མི་དམངས་ཀྱིས་ཅི་ཟེར་རམ། བོད་ལྗོངས་ཀྱི་དགེ་འདུན་པ་བཅུ་གཉིས་ལ་བོད་བརྒྱུད་ནང་བསྟན་དགེ་ལུགས་པའི་ཆེས་མཐོའི་མཚན་གནས་དགེ་བཤེས་ལྷ་རམས་པ་ཐོབ།
ཀྲུང་གོའི་བོད་ལྗོངས་དྲ་བ། > མདུན་ཤོག > གསར་འགྱུར་མེ་ལོང་།

བོད་ལྗོངས་ནང་བསྟན་སློབ་གྲྭ་ཆེན་མོས་མཐར་ཕྱིན་སློབ་མའི་སློབ་ཐོན་མཛད་སྒོ་འཚོགས་པ་དང་། སྒྲུབ་ཁང་ཐུབ་བསྟན་མཁས་གྲུབ་ཀྱིས་སློབ་བུ་རྣམས་ལ་ལྷག་བསམ་དྲོན་མོའི་ཞལ་གདམས་གནང་བ།

སྤེལ་དུས 2019-06-28 ཡོང་ཁུངས། ཀྲུང་གོའི་བོད་ལྗོངས་དྲ་བ། རྩོམ་པ་པོ། འབྲུག་རྒྱལ་མཁར་གྱིས་བསྒྱུར།
མཐར་ཕྱིན་མཛད་སྒོའི་ཡུལ་དངོས།
             ཀྲུང་གོའི་བོད་ལྗོངས་དྲ་བའི་འཕྲིན། ཟླ་6པའི་ཚེས་26ཉིན། བོད་ལྗོངས་ནང་བསྟན་སློབ་གྲྭ་ཆེན་མོའི་2015ལོའི་ཡོན་གནས་འཛིན་གྲྭ་དང་སྐབས་དང་པོའི་གྲ་སྒྲིག་འཛིན་གྲྭའི་སློབ་ཐོན་མཛད་སྒོ་དེ་སློབ་གྲྭའི་ཚོམས་ཆེན་དུ་སྤེལ།
             ཐེངས་འདིའི་མཐར་ཕྱིན་སློབ་མའི་ཁྲོད་དུ་སྐབས་དང་པོའི་གྲ་སྒྲིག་འཛིན་གྲྭའི་སློབ་མ་91ལ་དམའ་རིམ་སྒོམ་རམས་པའི་བསླབ་གནས་དང་། 2015ལོའི་ཡོན་གནས་འཛིན་གྲྭའི་སློབ་མ་82ལ་འབྲིང་རིམ་ཤེས་རམས་པའི་སློབ་གནས། སློབ་མ་47ལ་ཀྲུང་གོའི་ནང་བསྟན་མཐུན་ཚོགས་ཀྱི་བོད་ལྗོངས་ཡན་ལག་ཚོགས་པ་དང་བོད་ལྗོངས་ནང་བསྟན་སློབ་གྲྭ་ཆེན་མོ་ཐུན་མོང་གིས་འབྲིང་རིམ་མཉེས་ཐང་སྔགས་རམས་པའི་བསླབ་གནས་བཅས་བསྩལ་བ་རེད། 
             རྒྱུས་ལོན་བྱས་པ་ལྟར་ན། སྐབས་འདིའི་མཐར་ཕྱིན་འཛིན་གྲྭའི་སློབ་མས་འཛིན་གྲྭ་བགོ་སྟངས་དང་སློབ་གཉེར་གྱི་བླང་བྱ་ལྟར་དུ། ཆོས་ཕྱོགས་ནས་ཆོས་ལུགས་ཀྱི་ཆོ་ག་དང་རྨང་གཞིའི་ཤེས་བྱར་བྱང་ཆུབ་ལ། གཞུང་བཀའ་པོད་ལྔ་ཁོང་དུ་ཆུད་པ། གསང་སྔགས་ཀྱི་གསུང་རབ་ལ་མངའ་བརྙེས་པ་སོགས་ཤེས་ཚད་མི་འདྲ་བ་དུ་མར་སླེབས་ཡོད་པ་དང་། ཚན་རིག་རིག་གནས་ཐད་རྒྱ་ཡིག་རྒྱ་སྐད་དང་། བོད་ཡིག སྙན་ངག་རིག་པ། ལོ་རྒྱུས། རྒྱལ་གཅེས་ལོ་རྒྱུས། ཁྲིམས་ལུགས། སྲིད་ཇུས། གློག་ཀླད། བོད་ཡིག་བཏགས་ཐབས། དེང་རབས་དོ་དམ་དང་དགོན་པའི་དོ་དམ་བཅས་ནང་བྱན་ཆུད་པའི་ཆུ་ཚད་ལ་ཐོན་ཡོད་འདུག
             “སློབ་བུ་རྣམ་པ་མཐར་ཕྱིན་རྗེས་སློབ་གྲྭ་དང་ཁ་བྲལ་ནས་རྒྱང་ཐག་རིང་པོ་ག་ཙམ་དང་དུས་ཚོད་རིང་པོ་ཅི་ཙམ་འགོར་ཀྱང་། བོད་ལྗོངས་ནང་བསྟན་སློབ་གྲྭ་ཆེན་མོ་ནི་ནམ་ཡང་ཁྱེད་ཅག་གི་མ་ཡུམ་སློབ་གྲྭ་ཡིན་ངེས། ཇི་སྲིད་དུ་ཁྱེད་ཅག་གི་འཚར་ལོངས་ལ་མིག་གིས་འཚོས་ནས་ཡོད་ཅིང་། ཇི་སྲིད་དུ་ཁྱེད་ཅག་གིས་བླངས་པའི་གྲུབ་འབྲས་ལ་གཟི་བརྗིད་ཀྱི་སྣང་བས་ཁེངས་ནས་ཡོད།”ཅེས་བོད་རང་སྐྱོང་ལྗོངས་སྲིད་གྲོས་ཀྱི་ཀྲུའུ་ཞི་གཞོན་པའམ་བོད་ལྗོངས་ནང་བསྟན་སློབ་གྲྭ་ཆེན་མོའི་སློབ་གཙོ་སྒྲུབ་ཁང་ཐུབ་བསྟན་མཁས་གྲུབ་ཀྱིས་དེ་ལྟར་དུ་བཀའ་སློབ་གནང་བྱུང་། མཐར་ཕྱིན་སློབ་མས་ཀྱང་མ་ཡུམ་སློབ་གྲྭའི་མཚན་སྙན་སྲུང་བ་དང་། མ་ཡུམ་སློབ་གྲྭ་དྲིལ་སྒྲོག་བྱ་བའི་འོས་འགན་ནམ་ལས་འགན་འཁུར་ཡོད། 
             སྒྲུབ་ཁང་ཐུབ་བསྟན་མཁས་གྲུབ་ཀྱིས་གསུངས་དོན། མཐར་ཕྱིན་སློབ་མ་རྣམ་པས་ལྟ་ཚུལ་ལེགས་པོ་ཡིད་ལ་འཇགས་ཟིན་པ་རྣམས་ཉིན་རྒྱུན་གྱི་འཚོ་བའི་ཁྲོད་རྒྱུན་འཁྱོངས་ཡོད་པར་བྱ་བ་དང་། བསླབས་པའི་ཤེས་བྱ་རྣམས་ལག་ལེན་བྱེ་བྲག་ནང་བཀོལ་ཐུབ་པར་བྱ་བ། རང་ཉིད་ཀྱི་འཇོན་ཐང་རྣམས་དམ་པའི་ཆོས་སྤེལ་བ་དང་དོ་དམ། ཞབས་ཞུ། དད་ལྡན་མང་ཚོགས་ལ་སྣེ་ཁྲིད་ཡང་དག་པར་བྱ་བ་བཅས་ཀྱི་ཁྲོད་མངོན་པར་བྱེད་དགོས། རང་རྟོགས་ཀྱིས་སོ་སོའི་དགོན་པ་དང་རྫོང་། གྲོང་ཁྱེར། ལྗོངས་བཅས་ཀྱིས་སྤེལ་བའི་བརྗོད་དོན་གཙོ་བའི་ལག་ལེན་སློབ་གསོའི་བྱ་འགུལ་ནང་ལེགས་པར་ཞུགས་པ་དང་། ཕྱོགས་ཐམས་ཅད་ནས་བོད་ལྗོངས་ནང་བསྟན་སློབ་གྲྭ་ཆེན་མོའི་མཐར་ཕྱིན་སློབ་མའི་ཆབ་སྲིད་ཀྱི་གོ་རྟོགས་མཐོན་པོ་དང་ཆོས་ཀྱི་སློབ་སྦྱོང་བཟང་པོ། ཕྱོགས་བསྡུས་བྱང་ཚད་ལེགས་པོ་བཅས་ཕྱིར་མངོན་པར་བྱས་ཏེ། རང་སྒེར་དང་མ་ཡུམ་སློབ་གྲྭར་གཟི་བརྗིད་ཀྱི་སྣོན་མ་བྱེད་དགོས།