བྱ་གཞག་གཏོད་མཁན་སློབ་ཐོན་སློབ་མ་174ལ་ཁ་གསབ་སྒོར་ཁྲི་180སྤྲད་འདུག
སྤེལ་དུས 2020-04-03
ཡོང་ཁུངས། བོད་ལྗོངས་ཉིན་ཚགས།
རྩོམ་པ་པོ།
མཐོ་སློབ་སློབ་ཐོན་སློབ་མ་སོགས་ན་གཞོན་ཚོགས་པའི་ལས་ཞུགས་ལས་གཏོད་ལ་སྐུལ་འདེད་བཏང་ནས་རྒྱ་ཆེའི་སློབ་ཐོན་སློབ་མའི་ལས་འཚོལ་ལས་གཏོད་ཀྱི་ཁུར་པོ་ཡང་དུ་གཏོང་བ་དང་། རང་བརྟེན་ལས་གཏོད་ལས་ཞུགས་ཀྱི་གོ་སྐབས་མང་དུ་གཏོང་ཆེད། རང་སྐྱོང་ལྗོངས་ངལ་རྩོལ་ལས་ཞུགས་ཞབས་ཞུ་ཅུས་ཀྱིས་སློབ་གྲྭ་ཐོན་ཡང་ལས་ཀ་རག་མེད་པའི་རང་སྐྱོང་ལྗོངས་ཀྱི་མཐོ་སློབ་སློབ་ཐོན་སློབ་མའི་རང་བརྟེན་ལས་གཏོད་བྱེད་མཁན་ལ་ཁ་གསབ་ཁྱོན་སྒོར་ཁྲི་180ལྷག་སྤྲད་པ་རེད།
《བོད་རང་སྐྱོང་ལྗོངས་ཀྱི་མཐོ་སློབ་སློབ་ཐོན་སློབ་མའི་ལས་གཏོད་འགོ་འཛུགས་མ་དངུལ་གྱི་རྒྱབ་སྐྱོར་དང་། ལས་གཉེར་ཁང་གཡར་བའི་ཁང་རིན་དང་། ཆུ་རིན། གློག་རིན། སྤྱི་ཚོགས་འགན་བཅོལ། གཞི་རྩའི་འཚོ་བའི་འགྲོ་གྲོན་བཅས་ཀྱི་ཁ་གསབ་ལག་བསྟར་ཞིབ་སྲོལ》(བོད་མི་སྤྱི་སྤེལ([2017]ཡིག་ཨང་142པ)གྱི་བླང་བྱ་གཞིར་བཟུང་། རང་ལྗོངས་ཀྱི་མཐོ་སློབ་སློབ་ཐོན་སློབ་མ་རང་སྐྱོང་ལྗོངས་རིམ་པའི་ལས་གཏོད་གསོ་སྐྱོང་རྟེན་གཞི་དང་། ཀུན་གཏོད་བར་མཐོངས་སམ་ཡང་ན་མངོན་འགྱུར་བར་མཐོངས་སུ་ལས་གཏོད་བྱེད་མཁན་ལ་མི་རེར་ལོ་རེར་གཞི་རྩའི་འཚོ་བའི་ཁ་གསབ་མང་ཤོས་སྒོར་ཁྲི་2རག་གི་ཡོད་པ་དང་ཁ་གསབ་སྤྲོད་ཡུན་རིང་ཤོས་ལོ་2ཡིན་པ་རེད།
རང་སྐྱོང་ལྗོངས་ངལ་རྩོལ་ལས་ཞུགས་ཞབས་ཞུ་ཅུས་ཀྱི་འབྲེལ་ཡོད་འགན་འཁུར་བས་ངོ་སྤྲོད་བྱས་དོན། དེ་ནི་རང་ལྗོངས་ཀྱིས་མཐོ་སློབ་སློབ་ཐོན་སློབ་མའི་རང་བརྟེན་ལས་གཏོད་ཀྱི་གཞི་རྩའི་འཚོ་བའི་ཁ་གསབ་སྤྲོད་ཐེངས་དང་པོ་ཡིན་པ་དང་། ད་ལྟ་ཚང་མ་སྤྲད་ཟིན་ཅིང་། ལྷ་སའི་ཚན་རྩལ་ཀུན་གཏོད་བར་མཐོངས་དང་། ཆབ་མདོའི་ཁམས་པའི་མུ་ཏིག་ཀུན་གཏོད་བར་མཐོངས། བོད་ལྗོངས་སློབ་ཆེན་ཕུགས་འདུན་མངོན་འགྱུར་གྱི་སློབ་ཆེན་སློབ་མའི་ལས་གཏོད་གསོ་སྐྱོང་རྟེན་གཞི། སྣེ་གསུམ་པའི་ཀུན་གཏོད་བར་མཐོངས་བཅས་རང་སྐྱོང་ལྗོངས་རིམ་པའི་གཉིས་གཏོད་གཞི་རྟེན་4ཡི་མཐོ་སློབ་སློབ་ཐོན་སློབ་མ་174ལ་ཁ་གསབ་རག་ཡོད།
རྩོམ་སྒྲིག་པ།སྣང་རྡོར།