གང་འདྲ་ཞིག་ལ་གྲོང་གསེབ་ཀྱི་ཡུལ་སྐོར་དངུལ་བུན་ཟེར་རམ།
གྲོང་གསེབ་ཀྱི་ཡུལ་སྐོར་དངུལ་བུན་ནི་ཞིང་དུད་ཀྱིས་གྲོང་གསེབ་ཀྱི་ཡུལ་སྐོར་གཉེར་སྐྱོང་རྣམ་གྲངས་ལ་མ་དངུལ་གཏོང་རྒྱུ་རྨང་གཞིར་བྱས་ནས་ཁྱད་ལྡན་གྲོང་རྡལ་ཆུང་གྲས་དང་། སྤྲོ་གསེང་གྲོང་གསེབ་མཛེས་ཤོས། ཞིང་འབྲོག་ཐོན་ལས་གྲོང་ཚོ་སྟོབས་ཆེན་འཛུགས་སྐྲུན་བཅས་ལ་སྐུལ་འདེད་གཏོང་རོགས་བྱེད་པའི་ཐད་གཡར་བར་ཟེར།
གྲོང་གསེབ་ཀྱི་ཡུལ་སྐོར་དངུལ་བུན་གྱིས་ཉེ་འཁོར་གྱི་མཛེས་ལྗོངས་ཁུལ་དང་། ཞིང་འབྲོག་ཁུལ་དུ་ལྟ་སྐོར་དང་གླིང་ཁ་གཏོང་ས་སོགས་ཁྱད་ལྡན་ཐོན་ཁུངས་ལ་བཟའ་བཏུང་དང་། ཞག་སྡོད། རོལ་རྩེད་སོགས་ཞབས་ཞུ་མཁོ་འདོན་གྱི་མ་འཇོག་དགོས་མཁོ་སྐོང་ཐུབ།
གྲོང་གསེབ་ཀྱི་ཡུལ་སྐོར་དངུལ་བུན་རེ་ཞུ་ཇི་ལྟར་བྱེད་དགོས་སམ།
“གངས་ལྗོངས་ཞིང་ཕན་eདངུལ་བུན”དེ་དྲ་ཐོག་ནས་གཡར་ཆོག་པ་དང་དངུལ་བུན་གཡར་མཁན་གྱི་གཉེར་སྐྱོང་དུས་འཁོར་དང་། ས་ཁོངས་ཀྱི་ལེགས་ཆ། གཉེར་སྐྱོང་བྱ་ཡུལ་སོགས་ཀྱི་རྒྱུ་རྐྱེན་ལ་ཕྱོགས་བསྡུས་བསམ་གཞིག་བྱས་ནས། ཞིང་ལས་དངུལ་ཁང་གི་ཕ་ལམ་བྱང་བུ་དང་། གསེར་བྱང་། དངུལ་བྱང་། ཟངས་བྱང་བཅས་དང་། དེ་བཞིན《གནད་སྨིན་དབུལ་སྐྱོར་གྱི་དངུལ་བུན་བྱང་བུ》ཡོད་མཁན་གྱི་ཞིང(འབྲོག)པར་ཡིད་རྟོན་དངུལ་བུན་བསྡོམས་འབོར་སྒོར་ཁྲི་30གཏོང་རྒྱུ་དང་ལོ་3འཁོར་རྒྱུག་བྱས་ནས་སྤྱོད་ཆོག་གི་ཡོད།
གྲོང་གསེབ་ཀྱི་ཡུལ་སྐོར་དངུལ་བུན་གྱི་ད་ཆ་དང་མ་འོངས།
“གངས་ལྗོངས་ཀྱི་ཞིང་ཕན་eདངུལ་བུན—གྲོང་གསེབ་ཀྱི་ཡུལ་སྐོར་དངུལ་བུན”ཐོག་མའི་ནང་ལྷ་ས་གྲོང་ཁྱེར་གྱི་ཆུ་ཤུར་རྫོང་ཉིང་ལག་དངུལ་ཁང་དང་། སྟོད་ལུང་བདེ་ཆེན་ཆུས་ཉིང་ལག་དངུལ་ཁང་། སྟག་རྩེ་ཆུས་ཉིང་ལག་དངུལ་ཁང་། ལྷུན་གྲུབ་རྫོང་ཉིང་ལག་དངུལ་ཁང་སོགས་ཀྱིས་རྫོང་དང་ཆུས་བདུན་ལ་རིམ་རྩིས་བྱས་ན་དངུལ་བུན་ཐེངས་102དང་དངུལ་སྒོར་ཁྲི་1810གཡར་འདུག
ཕྱིས་སུ། ཞིང་ལས་དངུལ་ཁང་གིས་ཡིད་རྟོན་དངུལ་བུན་གྱི་མ་དངུལ་གཡར་ཚད་མུ་མཐུད་མང་དུ་བཏང་ནས། ཡིད་རྟོན་དངུལ་བུན་གྱི་ཐོན་རྫས་གསར་གཏོད་ཀྱིས་དབུལ་སྒྲོལ་འགག་སྒྲོལ་ལ་རམ་འདེགས་བྱས་ཏེ་ལྷ་སའི་གྲོང་ཁྱེར་དང་གྲོང་གསེབ་ཀྱི་ཡུལ་སྐོར་ལས་རིགས་བྱ་གཞག་འཕེལ་རྒྱས་ལ་སྐུལ་འདེད་གཏོང་རྒྱུ་རེད་འདུག
རྩོམ་སྒྲིག་པ། བདེ་སྒྲོལ།