▶ ཁོང་གིས་སྒྲོག་འགྲེལ་ཁ་གསལ་ཞིང་གོ་བདེ་བ་ཞིག་གནང་གི་འདུག
སྤེལ་དུས 2020-07-09
ཡོང་ཁུངས། བོད་ལྗོངས་ཉིན་ཚགས།
རྩོམ་པ་པོ།
ད་ལོ་ནི་ཕྱོགས་ཡོངས་ནས་འབྱོར་འབྲིང་སྤྱི་ཚོགས་བསྐྲུན་པའི་རྒྱལ་ཁ་ཕུ་ཐག་གཅོད་པ་དང་དབུལ་སྒྲོལ་འགག་སྒྲོལ་གྱི་དམག་འཐབ་ལ་རྒྱལ་ཁ་ལེན་པའི་ལོ་རེད་ལ། “སྣང་ཆེན་བཞི་དང་དགའ་ཞེན་བཞིའི”མང་ཚོགས་ཀྱི་སློབ་གསོ་ལག་ལེན་བྱེད་སྒོའི“གྲུབ་འབྲས་བརྟན་དུ་གཏོང་བའི་ལོ”ཡང་རེད། ཁྲིད་མཁས་སྦྱོང་ཟབ་མངོན་གསལ་དོད་པོ་ཡོང་བ་དང་། རྒྱ་ཆེའི་མང་ཚོགས་ལ་ཕན་པ་གང་ནས་ཐོབ་པ་དང་ཕན་པ་གང་ནས་བྱུང་བ་ཤེས་སུ་འཇུག་པ་དང་། ཏང་གི་བཀའ་དྲིན་ཚོར་བ་དང་། ཏང་གི་བཀའ་ལ་ཉན་པ། ཏང་གི་རྗེས་སུ་འབྲང་བ་བཅས་ཀྱི་ཡིད་ཆེས་དང་ཆོད་སེམས་སྔར་བས་བརྟན་དུ་གཏོང་ཆེད། ལྷོ་ཁའི་གཞུང་ཕྱོགས་སྐད་འཕྲིན་གྱིས་ཟླ་7ཚེས་7ཉིན་ནས་བཟུང་ལྷོ་ཁ་གྲོང་ཁྱེར་གྱི“སྣང་ཆེན་བཞི་དང་དགའ་ཞེན་བཞིའི”རྐང་འཛིན་སྒྲོག་འགྲེལ་པའི་དུས་མཚམས་གཉིས་པའི་སྒྲོག་འགྲེལ“མཐུན་སྒྲིལ་ལ་སྣང་ཆེན་གྱིས་མེས་རྒྱལ་ལ་དགའ་ཞེན་བྱེད”ཅེས་པའི་བརྙན་ལམ་རིམ་པས་བཞིན་སྟོན་རྒྱུ་རེད་འདུག་པས། ཚང་མས་དོ་སྣང་གནང་རོགས།