དགུན་དུས་བོད་ལྗོངས་སུ་གནས་སྐོར་དུ་ཡོང་མཁན་རིམ་བཞིན་ཇེ་མང་དུ་གྱུར། གྲོང་ཚོར་དགུན་ཁའི་གུང་གསེང་གི་གསབ་སྦྱོང་འཛིན་གྲྭ་གཉེར་བ། མཚོ་སྔོན་གྱིས་ཆུ་བོ་དང་མཚོའི“གང་བྱུང་བཞིའི” གནད་དོན་756དག་ཐེར་བྱས་པ། བདེན་འཚོལ་དུས་དེབ་ཐོག་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་ལོ་རྒྱུས་དངོས་གཙོ་རིང་ལུགས་རྒྱུན་འཁྱོངས་ཀྱིས་དེང་རབས་ཀྲུང་གོའི་མར་ཁེ་སི་རིང་ལུགས་འཕེལ་རྒྱས་ཀྱི་མཐོ་ཚད་གསར་པ་རྒྱུན་ཆད་མེད་པར་གཏོད་དགོས་ཞེས་པ་སྤེལ་བ། བོད་རང་སྐྱོང་ལྗོངས་སྲིད་གྲོས་སྐབས་བཅུ་གཅིག་པའི་ཚོགས་འདུ་ཐེངས་གསུམ་པ་གཟབ་རྒྱས་ངང་འགོ་ཚུགས་པ། མང་ཚོགས་ཀྱི“མགྲིན་ཚབ་པ”ཡག་པོ་ཞིག་བྱེད་ཀྱི་ཡིན། “པེ་ཅིང་དུ་འཛོམས་པ”ཞེས་པའི་སྐབས་དང་པོའི་རྒྱལ་སྤྱིའི་ཐང་གའི་སྒྱུ་རྩལ་འགྲེམས་སྟོན་དང་འཛམ་གླིང་ཐང་གའི་སྒྱུ་རྩལ་ཚོགས་ཆེན་པེ་ཅིང་དུ་གཟབ་རྒྱས་ངང་སྤེལ་བ། 2019ལོའི་རྒྱལ་ཡོངས་ཕུལ་བྱུང་དགེ་རྒན་གྱི་གཟེངས་རྟགས་ཐོབ་མཁན་དགེ་རྒན་ལྷ་རྩེ་རྒྱལ། “ཕྱིར་སྐྱོད་དཀའ་བའི”དཀའ་གནད་བསལ་བས་མང་ཚོགས་ལ་སྟབས་བདེ་བྱུང་བ། མང་ཚོགས་ཚོའི་བདེ་ཐང་གི་སྲུང་སྐྱོང་པ།
ཀྲུང་གོའི་བོད་ལྗོངས་དྲ་བ། > མདུན་ཤོག > གསར་འགྱུར་མེ་ལོང་།

བོད་ལྗོངས་མགོ་མང་གྲོང་ཚོའི་འབྲོག་པའི་གདོང་གི་“བདེ་སྐྱིད་ཀྱི་དྲིས་ལན”ལ་ལྟོས།

སྤེལ་དུས 2020-09-16 ཡོང་ཁུངས། ཀྲུང་གོའི་བོད་ལྗོངས་དྲ་བ། རྩོམ་པ་པོ། པད་མ་རྒྱལ་གྱིས་བསྒྱུར།
        ཟླ9པའི་ཚེས14ཉིན་གྱི་སྔ་དྲོ། ནག་ཆུ་གྲོང་ཁྱེར་ཤན་རྩ་རྫོང་སྨད་པ་ཤང་མགོ་མང་གྲོང་ཚོའི་རིག་གནས་ཁང་དུ་མི་ཚོགས་ཀྱིས་ཁེངས་ཤིང་། དེ་ནི་གྲོང་ཚོའི་དབུལ་ཕོངས་དུད་ཁྱིམ་མཉམ་ལས་ཁང་གིས་སྤྱི་སྡོམ་དང་ཁེ་སྤོགས་བགོ་བཤའ་རྒྱག་པའི་མཛད་སྒོ་སྤེལ་བཞིན་པའི་སྒང་རེད། འབྲོག་པ་ཚོའི་གདོང་ལ་བདེ་སྐྱིད་དང་དགའ་སྤྲོའི་འཛུམ་མདངས་ཀྱིས་ཁེངས་ཡོད།
        2016ལོར་དབུལ་ཕོངས་དུད་ཚང་མཉམ་ལས་ཁང་རྩ་འཛུགས་བྱས་པ་ནས་བཟུང་། མགོ་མང་གྲོང་ཚོས་རིམ་རྩིས་བྱས་ན་ཁེ་སྤོགས་སྒོར་ཁྲི70ལྷག་བགོ་བཤའ་བརྒྱབ་ཟིན་པ་དང་། ཚེས14ཉིན་གྱི་སྔ་དྲོར། ཡུལ་དངོས་སུ་ཁེ་སྤོགས་སྒོར་ཁྲི51.52བགོ་བཤའ་བརྒྱབ་ཅིང་། དེའི་ཁྲོད་དུ་བསོད་ནམས་དབང་ཕྱུག་ཚང་ལ་བགོ་བཤའ་སྒོར59877.5ཐོབ་སྟེ་ཆེས་མང་བ་ཡིན། ལག་ནང་གི་དངུལ་ལོར་ལ་བལྟས་ནས་ཚང་མའི་གདོང་ལ་བདེ་སྐྱིད་ཀྱི་མེ་ཏོག་བཞད་སོང་།
        2016ལོར་རྒྱལ་ཡོངས་སུ་དབུལ་སྒྲོལ་འགག་སྒྲོལ་དམག་འཐབ་བརྒྱབ་པའི་དུས་འགོར། སྨད་པ་ཤང་མགོ་མང་གྲོང་ཚོར་བསྡོམས་པས་དུད་ཁྱིམ54ཡོད་པ་དང་། དེའི་ཁྲོད་དབུལ་ཕོངས་དུད་ཁྱིམ25ཡོད། མགོ་མང་གྲོང་ཚོས་དབུལ་ཕོངས་ཀྱི་མི་གྲངས་དུས་ལྟར་སྤུས་ཚད་མཐོན་པོའི་སྒོ་ནས་དབུལ་ཐར་བྱ་བར་མངོན་འགྱུར་བྱ་ཆེད། གྲོང་ཚོའི་ཏང་ཀྲི་པུའུ་ཡིས་ཏང་གི་འགོ་ཁྲིད་རྒྱུན་འཁྱོངས་བྱས་ཏེ། ཡུལ་བབ་དང་བསྟུན་པ་དང་བབ་བསྟུན་སྣེ་ཁྲིད་ཀྱིས་ཡང་དག་པའི་སྒོ་ནས“གནད་སྨིན་དྲུག”གི་བྱ་བའི་བླང་བྱ་དམ་པོར་བཟུང་སྟེ། ཕྱུགས་གཡར་ཕྱུགས་འཇལ་གྱི་རྣམ་གྲངས་དང་ནོར་ལུག་དུས་ཐུང་གི་གསོ་སྤེལ་སོགས་ཀྱི་རྣམ་གྲངས་གནད་སྨིན་གྱིས་བཀོད་སྒྲིག་བྱ་རྒྱུ་དང་། ཚན་རིག་དང་མཐུན་པའི་སྒོ་ནས་རྨང་བརྟན་དམངས་ཕན་གྱི་མ་དངུལ་དང་གྲོང་ཚོའི་ཐུན་མོང་གི་མ་དངུལ་གཅིག་གྱུར་གྱིས་འཆར་འགོད་བྱས་ཏེ། དབུལ་ཕོངས་དུད་ཁྱིམ་གྱི་སྔར་ཡོད་ཕྱུགས་ཟོག་དང་རྩྭ་ས་ཐོན་ཁུངས་སུ་བྱས་ནས་མི་དང་། རྩྭ། ཕྱུགས་བཅས་ཐོན་ཁུངས་ཆེན་པོ་གསུམ་གྱི་རྒྱུ་ཆར་སྐུལ་སྤེལ་དང་སྐུལ་སློང་བྱས་ཏེ། ཏང་འཛུགས་སྐྱོང་དམ་འཛིན་བྱེད་པར་ཤུགས་བརྒྱབ་ནས་དབུལ་སྒྲོལ་ཁྲིད་སྟོན་ལ་སྐུལ་འདེད་བྱ་རྒྱུ་དང་། ཐོན་ཁུངས་ནི་རྒྱུ་ནོར་དང་། མ་རྩ་དེ་མ་རྐང་དང་། འབྲོག་པ་རྣམས་མ་རྐང་འཇོག་མཁན་དུ་བསྒྱུར་བར་སྐུལ་འདེད་མགྱོགས་སུ་བཏང་ནས། གྲོང་ཚོ་དེའི་དམངས་ཡོངས་མ་རྐང་དུ་ཞུགས་པའི་དབང་བའི་ལམ་ལུགས་ཀྱི་དཔལ་འབྱོར་རྩ་འཛུགས་བྱེད་པར་རྨང་གཞི་སྔར་བས་བཏིང་སྟེ་ཉམས་མྱོང་མཁོ་འདོན་བྱས།

        མགོ་མང་གྲོང་ཚོའི་དབུལ་སྒྲོལ་འགག་སྒྲོལ་གྱི་ལས་དོན་ཡག་པོ་ཡོད་མེད་དེ་མང་ཚོགས་ཀྱི་གདོང་གི་འཛུམ་མདངས་ལ་བལྟས་པས་ཤེས།