རིམས་འགོག་སྨན་ཁབ་ཐད་ཀྱི་གཏམ་བཟང་།
སྤེལ་དུས 2021-04-26
ཡོང་ཁུངས། ཀྲུང་གོའི་བོད་ལྗོངས་དྲ་བ།
རྩོམ་པ་པོ། འབྲུག་རྒྱལ་མཁར་གྱིས་བསྒྱུར།
ཀྲུང་ནན་ཧྲན་གྱིས་རང་རྒྱལ་གྱིས་ནུས་ཤུགས་ཡོད་རྒུས་གཞན་འགྱུར་གྱི་ནད་དུག་ལ་དམིགས་པའི་རིམས་འགོག་སྨན་ཁབ་གསར་པ་ཞིབ་འཇུག་གསར་སྤེལ་བྱེད་བཞིན་ཡོད་ཅེས་བསྟན།
ཟླ4པའི་ཚེས24ཉིན་སྤེལ་བའི་ཀྲུང་གོའི་བཟོ་སྐྲུན་ཁང་གི2021ལོའི་གསོ་རིག་ཚན་རིག་གི་གླེང་སྟེགས་སྟེང་དུ། ཡོན་ཧྲི་ཀྲུང་ནན་ཧྲན་གྱིས་དྲ་ཐོག་སྙན་ཞུ་ཕུལ་ནས་ཏོག་གསར་གློ་ཚད་རིམས་འགོག་སྨན་ཁབ་ཞིབ་འཇུག་གསར་སྤེལ་བྱེད་སྐབས་མི་སྒེར་གྱི་རྣམ་པ་ཅན་དང་གནད་སྨིན་སྔོན་འགོག་ལ་དོ་སྣང་བྱེད་དགོས་པ་དང་། མིག་སྔར་འཕྲད་པའི་འགལ་བ་གཙོ་བོ་ནི་ནད་དུག་གཞན་འགྱུར་ཡིན་པས་རང་རྒྱལ་གྱིས་ནུས་ཤུགས་ཡོད་རྒུས་གཞན་འགྱུར་བྱས་པའི་ནད་དུག་ལ་དམིགས་པའི་རིམས་འགོག་སྨན་ཁབ་ཞིབ་འཇུག་གསར་སྤེལ་བྱེད་བཞིན་ཡོད་ཅེས་བཤད་པ་རེད། ཇི་ལྟར་བྱས་ནས་ནད་དུག་འགོས་པའི་སྲུང་སྐྱོབ་ནུས་པ་ཆེ་རུ་གཏོང་དགོས་ཤེ་ན། “དེ་ནི་འཛམ་གླིང་རང་བཞིན་གྱི་ཞིབ་འཇུག་གི་ལས་གཞི་ཞིག་རེད། གལ་ཏེ་རེ་གཉིས་སམ་ཡང་ན་གཅིག་གྱུར་སྒོས་སྤྱོད་ཐུབ་ལ་ཁྱབ་གདལ་ཡང་གཏོང་ཐུབ་པའི་དམིགས་ཚད་རྙེད་ཚེ་རིམས་འགོག་སྨན་ཁབ་ཞིབ་འཇུག་གསར་སྤེལ་བྱ་རྒྱུར་ཕན་ཐོགས་ཆེན་པོ་ཡོད”ཅེས་བསྟན་པ་རེད།