གནས་མཆོག་ལྷ་སར་མཐུན་སྒྲིལ་མེ་ཏོག་རབ་ཏུ་བཞད་། ཆོས་དབྱིངས་སྐྱིད་ཀྱིས་ཡང་རྒྱལ་སྤྱིའི་འགྲན་སྡུར་ལས་ཨང་དང་པོ་བླངས། ཀྲུང་གོའི་མི་རིགས་སྐད་ཡིག་ཡིག་སྒྱུར་ཅུས་ཀྱིས་བོད་ཡིག་རིག་ནུས་ཡིག་སྒྱུར་མཉེན་ཆས་ཁྱབ་སྤེལ་ཚོགས་འདུ་སྤོས་ལྡན་གྲོང་དུ་འཚོགས་པ། ཚོགས་ཆེན་བཅུ་དགུ་པའི་དགོངས་དོན་མཛུབ་ཁྲིད་དུ་བྱས་ཏེ། ཆོས་ལུགས་དང་སྤྱི་ཚོགས་རིང་ལུགས་ཀྱི་སྤྱི་ཚོགས་གཉིས་འཚམ་མཐུན་ཡོང་པ་བྱ་དགོས། ནུབ་བྱང་དགེ་འོས་སློབ་ཆེན་གྱིས་དགེ་འོས་སློབ་མ་བགྲང་ལས་འདས་པ་བསྐྱངས་པ། གཞིས་རྩེ་གྲོང་ཁྱེར་གྱི་གཞུང་ལམ་ཐོག་རླངས་འཁོར་ཤར་གཏོང་ཐུབ་ཚད་སྤྱི་ལེ་ཁྲི་1.7ཟིན་པ། ལོ་རྒྱུས་ཡུན་རིང་ལྡན་པའི་ཞོ་ལེགས་ཀྱི་བོད་ཤོག བོད་ལྗོངས་གཞིས་རྩེས་གླུ་ལེན་གར་འཁྲབ་ཀྱིས་གནམ་ལོ་གསར་པ་བསུ་བ། ལྕགས་ལམ་སྡེ་ཁག་གིས་སྦྲེལ་མཐུད་དྲ་བ་བརྒྱུད་ནས་ཟས་རིགས་མངག་ཉོའི་ཞབས་ཞུ་རིམ་སྤོར་བྱས་ཏེ། མེ་འཁོར་མ་བསྐོར་གོང་གི་ཆུ་ཚོད་གཅིག་གི་སྔོན་དུ་མངག་ཉོ་བྱས་ཆོག་པ། ལྷ་སའི་ཚོགས་འདུ་གཉིས། ལྷ་ས་གྲོང་ཁྱེར་མི་དམངས་འཐུས་ཚོགས་སྐབས་བཅུ་གཅིག་པའི་ཚོགས་འདུ་ཐེངས་གསུམ་པར་གྲོས་གཞི་106འབྱོར།
ཀྲུང་གོའི་བོད་ལྗོངས་དྲ་བ། > མདུན་ཤོག > པར་རིས་གསར་འགྱུར།

ཞི་ཅིན་ཕིང་གིས་ཧྲང་ཧའེ་མཉམ་ལས་རྩ་འཛུགས་ཆིང་ཏའོ་དབུ་ཚོགས་ལ་ཞུགས་མཁན་ཕྱི་ཕྱོགས་ཀྱི་འགོ་ཁྲིད་པར་དགའ་བསུ་ཞུས་པ།

སྤེལ་དུས 2018-06-11 ཡོང་ཁུངས། ཤིན་ཧྭ་གསར་འགྱུར་ཁང་། རྩོམ་པ་པོ། སངས་སྐྱབས་ཀྱིས་བསྒྲིགས།
ཟླ་6ཚེས་9ཉིན་རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་ཆིང་ཏའོ་རྒྱལ་སྤྱིའི་གྲོས་ཚོགས་ལྟེ་གནས་སུ་གསོལ་སྟོན་བཤམས་ནས་ཧྲང་ཧའེ་མཉམ་ལས་རྩ་འཛུགས་ཆིང་ཏའོ་དབུ་ཚོགས་ལ་ཞུགས་མཁན་ཕྱི་ཕྱོགས་ཀྱི་འགོ་ཁྲིད་པར་དགའ་བསུ་ཞུས་ཤིང་། འདི་ནི་ཞི་ཅིན་ཕིང་གིས་ཤིས་ཚིག་གསུང་པའི་གནས་ཚུལ་ཡིན་པ།
ཟླ་6ཚེས་9ཉིན་རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་ཆིང་ཏའོ་རྒྱལ་སྤྱིའི་གྲོས་ཚོགས་ལྟེ་གནས་སུ་གསོལ་སྟོན་བཤམས་ནས་ཧྲང་ཧའེ་མཉམ་ལས་རྩ་འཛུགས་ཆིང་ཏའོ་དབུ་ཚོགས་ལ་ཞུགས་མཁན་ཕྱི་ཕྱོགས་ཀྱི་འགོ་ཁྲིད་པར་དགའ་བསུ་ཞུས་ཤིང་། འདི་ནི་ཞི་ཅིན་ཕིང་དང་ཕྱི་རྒྱལ་གྱི་འགོ་ཁྲིད་པས་ཞིབ་བྲིས་རི་མོ་ཆེ་གྲས《མེ་ཏོག་རབ་ཏུ་བཞད་པའི་བསྐལ་བཟང་དུས》ཞེས་པའི་མདུན་དུ་དྲན་རྟེན་ལྷན་བཞུགས་འདྲ་པར་བསྐྱོན་པའི་གནས་ཚུལ་ཡིན་པ།
            ཤིན་ཧྭ་གསར་འགྱུར་ཁང་ཆིང་ཏའོ་ནས་ཟླ་6ཚེས་9ཉིན་གློག་འཕྲིན་འབྱོར་གསལ། ཚེས་9ཉིན་རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་ཆིང་ཏའོ་རྒྱལ་སྤྱིའི་གྲོས་ཚོགས་ལྟེ་གནས་སུ་གསོལ་སྟོན་བཤམས་ནས་ཧྲང་ཧའེ་མཉམ་ལས་རྩ་འཛུགས་ཆིང་ཏའོ་དབུ་ཚོགས་ལ་ཞུགས་མཁན་ཕྱི་ཕྱོགས་ཀྱི་འགོ་ཁྲིད་པར་དགའ་བསུ་ཞུས་པ་རེད།
            དགོང་མོའི་ཆུ་ཚོད་7དང་སྐར་མ་10ཡོལ་ཙམ་ལ་ཧྲང་ཧའེ་མཉམ་ལས་རྩ་འཛུགས་ཆིང་ཏའོ་དབུ་ཚོགས་ལ་ཞུགས་མཁན་ཧྲང་ཧའེ་མཉམ་ལས་རྩ་འཛུགས་ཀྱི་ཁོངས་མིའི་རྒྱལ་ཁབ་དང་། ལྟ་ཞིབ་པའི་རྒྱལ་ཁབ་ཀྱི་འགོ་ཁྲིད་པ། དེ་བཞིན་རྒྱལ་སྤྱིའི་རྩ་འཛུགས་ཀྱི་འགན་ཁུར་བ་བཅས་སྔ་རྗེས་སུ་ཕེབས་འབྱོར་བྱུང་ཞིང་། རླངས་འཁོར་རུ་ཁག་མཚོ་འགྲམ་ལམ་ཆེན་ནས་རིམ་པས་མདུན་དུ་སྐྱོད་པ་དང་། སྐུ་མགྲོན་ཚོ་གློག་འོད་ཅན་གྱི་ས་གདན་དམར་པོའི་ཐོག་ནས་གསོལ་སྟོན་ཚོམས་ཆེན་ཕྱོགས་སུ་ཕེབས་པ། རྒྱལ་ཁབ་ཁག་གི་རྒྱལ་དར་དང་རྒྱལ་སྤྱིའི་རྩ་འཛུགས་ཀྱི་དར་ཆ་གསོལ་སྟོན་ཚོམས་ཆེན་གྱི་གཞུང་སྒོའི་ཐོག་འོད་འགྱེད་རྣམ་པའི་ཐོག་ནས་མངོན་པར་བྱས་ཡོད་པ་རེད། འགྲོ་ལམ་གྱི་གཡས་གཡོན་གཉིས་སུ་ས་གནས་དེ་གའི་གཞོན་ནུ་ལོ་ཆུང་ཚོས་སྤྲོ་སེམས་རབ་ཏུ་འཁོལ་བའི་ངང་ལག་ནང་གི་རྒྱལ་དར་དང་། ལྒང་བུ་ཁྲ་ཁྲ། འོད་འཚེར་དབྱུག་པ་སོགས་གཡུག་གཡུག་བྱེད་པ་དང་དགའ་སྤྲོ་འཁོལ་བའི་ཞབས་བྲོ་འཁྲབ་ནས་ཕྱོགས་བཞིའི་སྐུ་མགྲོན་དགའ་བས་བསུས་པ་རེད།
            ཞི་ཅིན་ཕིང་དང་ཕྱི་རྒྱལ་གྱི་འགོ་ཁྲིད་པས་ཞིབ་བྲིས་རི་མོ་ཆེ་གྲས《མེ་ཏོག་རབ་ཏུ་བཞད་པའི་བསྐལ་བཟང་དུས》ཞེས་པའི་མདུན་དུ་དྲན་རྟེན་ལྷན་བཞུགས་འདྲ་པར་བསྐྱོན་པ་རེད།
            ལྒང་བཞུ་དང་གློག་འོད་སྣ་ཚོགས་ཀྱིས་བརྒྱན་པའི་གསོལ་མགྲོན་ཚོམས་ཆེན་གྱི་བཞུགས་གྲལ་མགྲོན་པོས་ཁེངས་ཤིང་། སྙན་འཇེབས་ལྡན་པའི་མགྲོན་བསུའི་གླུ་དབྱངས་ཁྲོད་ཞི་ཅིན་ཕིང་དང་སྐུ་མགྲོན་ཚོ་ལྷན་དུ་གསོལ་སྟོན་ཚོམས་ཆེན་དུ་ཕེབས་པ་རེད།
            ཞི་ཅིན་ཕིང་གིས་ཤིས་ཚིག་གསུང་སྐབས་ཀྲུང་གོ་སྲིད་གཞུང་དང་ཀྲུང་གོའི་མི་དམངས་ཀྱི་ཚབ་ཞུས་ནས་རྒྱལ་ཁབ་ཁག་གི་འགོ་ཁྲིད་པ་དང་རྒྱལ་སྤྱིའི་རྩ་འཛུགས་ཀྱི་འགན་འཁུར་བར་སྤྲོ་སེམས་འཁོལ་བའི་དགའ་བསུ་ཞུས་ཤིང་། ཁོང་གིས་ཧྲན་ཏུང་ནི་ཁུང་ཙེའི་ཕ་ཡུལ་དང་རུའུ་ལུགས་རིག་གནས་དར་ཡུལ་ཞིག་ཡིན། རུའུ་ལུགས་ཀྱི“ཞི་མཐུན”འདུ་ཤེས་དང“ཧྲང་ཧའེ་ཡི་སྙིང་སྟོབས”གཉིས་ལ་མཚུངས་པའི་ཆ་ཧ་ཅང་མང་པོ་ཡོད། “ཧྲང་ཧའེ་ཡི་སྙིང་སྟོབས”ཀྱི་སྣེ་ཁྲིད་འོག་ཧྲང་ཧའེ་མཉམ་ལས་རྩ་འཛུགས་ལ་བདེ་འཇགས་དང་། དཔལ་འབྱོར། མི་ཆོས་སོགས་ཀྱི་མཉམ་ལས་ཁྱབ་ཁོངས་སུ་གཡུར་ཟའི་འབྲས་བུ་ཐོབ་པ་མ་ཟད། ད་དུང་ལམ་སྲོལ་འཛུགས་སྐྱོང་ཐད་ལོ་རྒྱུས་རང་བཞིན་གྱི་གོམ་པའང་སྤོས་ཡོད། ད་ཆ་ཧྲང་ཧའེ་མཉམ་ལས་རྩ་འཛུགས་འདི་ཉིད་ས་ཁུལ་གྱི་བདེ་འཇགས་སྲུང་སྐྱོང་བྱེད་པ་དང་། ཐུན་མོང་འཕེལ་རྒྱས་ལ་སྐུལ་འདེད་གཏོང་བ། གོ་ལ་ཧྲིལ་པོའི་བཅོས་སྐྱོང་འཐུས་སྒོ་ཚང་དུ་གཏོང་བ་བཅས་ཀྱི་སྟོབས་ཤུགས་གལ་ཆེན་ཞིག་ཏུ་གྱུར་ཡོད་ཅེས་གསུངས་པ་རེད།
            ཞི་ཅིན་ཕིང་གིས་ཆིང་ཏའོ་ནི“གཡོར་གྲུའི་ཕ་ཡུལ”གྲགས་ཅན་ཞིག་ཡིན་ཞིང་། གྲུ་གཟིངས་མང་དག་ཅིག་དེ་ག་ནས་རླུང་གཡོར་བསྒྲེངས་ཏེ་ཕུགས་བསམ་དོན་དུ་གཉེར་བར་ཐོན་གྱི་ཡོད། སང་ཉིན་ང་ཚོས་འདི་གར་ཧྲང་ཧའེ་མཉམ་ལས་རྩ་འཛུགས་ཀྱི་ཁོངས་མི་མང་དུ་བཏང་རྗེས་ཀྱི་དབུ་ཚོགས་ཐོག་མ་འཚོགས་ཏེ། རྩ་འཛུགས་འདིའི་འབྱུང་འགྱུར་འཕེལ་རྒྱས་ཀྱི་འཆར་གཞི་ཕྱོགས་ཡོངས་ནས་འགོད་རྒྱུ་ཡིན། ང་ཚོས་ཆིང་ཏའོ་དབུ་ཚོགས་འགོ་འཛུགས་སར་བྱས་ཏེ“ཧྲང་ཧའེ་ཡི་སྙིང་སྟོབས”ཀྱི་རླུང་གཡོར་མཐོན་པོར་བསྒྲེངས་ནས་ཧྲང་ཧའེ་མཉམ་ལས་རྩ་འཛུགས་ཀྱི་རྒྱང་སྐྱོད་ལམ་བུ་གསར་པའི་ཐོག་ཐུན་མོང་ཐོག་སྐྱོད་འགོ་འཛུགས་དགོས་ཞེས་ནན་བཤད་གནང་བ་རེད།
            གསོལ་སྟོན་བག་ཕེབས་ཞི་མཐུན་གྱི་རྣམ་པའི་ཁྲོད་བཤམས་ཤིང་། ཞི་ཅིན་ཕིང་གིས་རྒྱལ་ཁབ་ཁག་གི་འགོ་ཁྲིད་པ་དང་མཛའ་བརྩེའི་ངང་བཀའ་མོལ་གནང་བ་མ་ཟད། ད་དུང་ཐུན་མོང་ཐོག་ས་ཁུལ་དེ་གའི་རྒྱལ་ཁབ་ཁག་དར་རྒྱས་གོང་འཕེལ་དང་མི་དམངས་བདེ་སྐྱིད་ཁམས་བཟང་དང་། ཧྲང་ཧའེ་མཉམ་ལས་རྩ་འཛུགས་ཀྱི་འབྱུང་འགྱུར་དེ་བས་མཛེས་སྡུག་ལྡན་པ། ཆིང་ཏའོ་ཡི་དབུ་ཚོགས་ཐུགས་གྲ་ལེགས་སྒྲིག་ཡོང་བ་བཅས་ཀྱི་སྨོན་འདུན་ཡང་ཞུས་པ་རེད།
            གསོན་སྟོན་མཇུག་འགྲིལ་རྗེས་ཞི་ཅིན་ཕིང་དང་སྐུ་མགྲོན་ཚོ་གསོལ་སྟོན་ཚོམས་ཆེན་གྱི་ཕྱི་རོལ་གྱི་ལྗོངས་གཟིགས་སྒང་དུ་ཕེབས་ནས་ཕུའུ་ཧྲན་མཚོ་ཁུག་གི་མཚོ་ངོས་སུ《ཐག་རིང་ནས་ཕེབས་པའི་སྐུ་མགྲོན》ཞེས་པའི་གློག་འོད་ཅན་གྱི་ཚོན་ཁྲའི་ཤོག་སྦག་སྒྱུ་རྩལ་འཁྲབ་སྟོན་བྱས་པར་གཟིགས་པ་རེད།
            ཏིང་ཤུའེ་ཞང་དང་། དབྱང་ཅེ་ཁྲེ། ཝང་དབྱི། ཀྲའོ་ཁེ་ཀྲེ། ཧོ་ལི་ཕུང་སོགས་གོང་གསལ་བྱེད་སྒོར་ཞུགས་པ་རེད།