ཁྲུང་ཆིང་གྲོང་ཁྱེར་ཝན་ཀྲོའུ་ཁུལ་འབྲི་ཆུའི་ཟམ་ཆེན་གཉིས་པའི་སྟེང་བགྲོད་པའི་སྤྱི་སྤྱོད་རླངས་འཁོར་ཞིག་འབྲི་ཆུའི་ནང་དུ་ལྷུང་བ། མཚོ་སྔོན་གོར་མོ་གྲོང་ཁྱེར་འབྲི་ཆུའི་ཆུ་འགོ་གྲོང་ཚོར་ཕར་རོགས་ཚུར་གཅེས་ཀྱིས་བདེ་སྐྱིད་ལྡན་པའི་འཚོ་བ་སྐྱེལ་བ། དཔལ་དགེའི་ཆུ་བསྐྱིལ་མཚེའུའི་འཕྲིན་གསར། འབྲི་ཆུའི་འགག་འཁྱིལ་མཚེའུ་གཞི་རྩའི་ཆ་ནས་རྒྱུན་རྣམ་སླར་གསོ་བྱུང་བ་དང་རོགས་སྐྱོབ་གོ་རིམ་ལྡན་པའི་ངང་བྱེད་བཞིན་ཡོད་པ། གནས་མཆོག་ལྷ་སར་མཐུན་སྒྲིལ་མེ་ཏོག་རབ་ཏུ་བཞད་། ཆོས་དབྱིངས་སྐྱིད་ཀྱིས་ཡང་རྒྱལ་སྤྱིའི་འགྲན་སྡུར་ལས་ཨང་དང་པོ་བླངས། ཀྲུང་གོའི་མི་རིགས་སྐད་ཡིག་ཡིག་སྒྱུར་ཅུས་ཀྱིས་བོད་ཡིག་རིག་ནུས་ཡིག་སྒྱུར་མཉེན་ཆས་ཁྱབ་སྤེལ་ཚོགས་འདུ་སྤོས་ལྡན་གྲོང་དུ་འཚོགས་པ། ཚོགས་ཆེན་བཅུ་དགུ་པའི་དགོངས་དོན་མཛུབ་ཁྲིད་དུ་བྱས་ཏེ། ཆོས་ལུགས་དང་སྤྱི་ཚོགས་རིང་ལུགས་ཀྱི་སྤྱི་ཚོགས་གཉིས་འཚམ་མཐུན་ཡོང་པ་བྱ་དགོས། ནུབ་བྱང་དགེ་འོས་སློབ་ཆེན་གྱིས་དགེ་འོས་སློབ་མ་བགྲང་ལས་འདས་པ་བསྐྱངས་པ། གཞིས་རྩེ་གྲོང་ཁྱེར་གྱི་གཞུང་ལམ་ཐོག་རླངས་འཁོར་ཤར་གཏོང་ཐུབ་ཚད་སྤྱི་ལེ་ཁྲི་1.7ཟིན་པ།
ཀྲུང་གོའི་བོད་ལྗོངས་དྲ་བ། > མདུན་ཤོག > པར་རིས་གསར་འགྱུར།

སྐབས་བཅུ་གཉིས་པའི་ཀྲུང་གོའི་མཁའ་སྐྱོད་འགྲེམ་སྟོན་འགོ་ཚུགས་པ།

སྤེལ་དུས 2018-11-07 ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས། རྩོམ་པ་པོ། དབང་འདུས།

          སྐབས་བཅུ་གཉིས་པའི་ཀྲུང་གོའི་མཁའ་སྐྱོད་འགྲེམ་སྟོན་སྤྱི་ཙེས་6ཉིན་འགོ་ཚུགས་པ་དང་། རྒྱལ་ཁབ་དང་ས་ཁུལ་43གྱི་འགྲེམ་སྟོན་ནང་ཞུགས་མཁན་ཚོང་འགྲུལ་770འགྲེམ་སྟོན་ནང་ཞུགས་ཡོད་པ་རེད། ཚར་གཅོད་20རྟགས་ཅན་དང་། སྐྱེལ་འདྲེན་20རྟགས་ཅན། ཚར་གཅོད་10Bརྟགས་ཅན་གྱི་འདེད་ཤུགས་ཕྱོགས་ཚད་ཞིབ་བཤེར་གནམ་གྲུ་སོགས་ལྗིད་འདེགས་གནམ་གྲུའི་རིགས་འགྲེམ་སྟོན་ཐོག་མངོན་པ་མ་ཟད་འཕུར་སྐྱོད་ཁྱད་རྩལ་འཁྲབ་སྟོན་བྱས་ཡོད་པ་རེད།
          ཐེངས་དང་པོ་ཕྱོགས་ཚད་སྒུལ་བྱེད་འཕྲུལ་འཁོར་བསྒར་བའི་ཚར་གཅོད10Bརྟགས་ཅན་གྱིས་འགྲེམ་སྟོན་ཁུལ་དུ་དུག་སྦྲུལ་ཀླད་ཁྲ་ཅན་གྱི་འཕྲུལ་སྒུལ་དང་། ཐོ་བ་ར་མགོ་ཅན་གྱི་འཕྲུལ་སྒུལ། ཚངས་ཕྱེད་མེད་པའི་སྒུལ་འཕྲུལ་ཞེས་པ་བཅས་འགུལ་སྟངས་གཙོ་བོའི་འཁྲབ་སྟོན་རྣམ་གྲངས་གསུམ་བྱས་ཡོད་པ་རེད། དམག་དོན་རིགས་གཅིག་མཁས་པ་ཧྥུ་ཆན་ཧྲའོ་ཡིས་10Bརྟགས་ཅན་གྱིས་ངོ་མཚར་ཆེ་བའི་འཁྲབ་སྟོན་བྱས་པ་དེའི་ཐོག་ནས། རང་རྒྱལ་འདི་ཉིད་ཨ་རི་དང་། ཨུ་རུ་སུའི་རྗེས་སུ་ཕྱོགས་ཚད་ལག་རྩལ་ཁོང་དུ་ཆུད་མཁན་རྒྱལ་ཁབ་ཨང་གསུམ་པ་དེ་ཡིན་པ་གསལ་བཤད་ཐུབ་ཡོད་ཅེས་གསུངས་ཡོད་པ་རེད།

          དེ་མིན་ད་དུང་འགྲེམ་སྟོན་ཐོག་མངོན་ཐེངས་དང་པོ་ཡིན་པ་ནི། ཀྲུང་གོའི་ཚོང་འཕུར་ཀུང་སིས་ཨུ་རུ་སུའི་མཉམ་འབྲེལ་མཁའ་སྐྱོད་བཟོ་སྐྲུན་ཚོགས་པ་དང་ལྷན་དུ་ཞིབ་བཟོ་བྱས་པའི་CR929རྟགས་ཅན་གྱི་ཐག་རིང་ཞེང་ཚད་ཆེ་བའི་འགྲུལ་སྐྱེལ་གནམ་གྲུ་ཆེ་གྲས་ཀྱི་དཔེ་དབྱིབས་གནམ་གྲུ་ཡིན་ཞིང་། དེ་ནི་ CR929རྟགས་ཅན་གྱི་བསྡུར་ཚད་གཅིག་དང་གཅིག་ཡིན་པའི་གནམ་གྲུའི་དཔེ་དབྱིབས་རྒྱལ་སྤྱིའི་ཐོག་འགྲེམ་ཐེངས་དང་པོ་ཡིན་པ་རེད། ཀྲུང་གོའི་བཟོ་སྐྲུན་ཁང་གི་ཡོན་ཧྲི། རྒྱལ་སྲིད་སྤྱི་ཁྱབ་ཁང་གནམ་གྲུ་ཆེ་གྲས་རིགས་གཅིག་མཁས་པ་ཨུ་ཡོན་ལྷན་ཁང་གི་ཀྲུའུ་རེན་ཀྲང་ཡན་ཀྲུང་གིས་གསར་འགོད་པའི་བཅར་འདྲི་དང་ལེན་གནང་སྐབས། CR929རྟགས་ཅན་གྱི་གནམ་གྲུའི་ཐོག་ནས་ང་ཚོ་དངོས་སུ་ཞེང་ཚད་ཆེ་བའི་གནམ་གྲུ་ཞིབ་བཟོ་བྱེད་པའི་དུས་མཚམས་གསར་པར་སླེབས་པ་མཚོན་ཡོད་ཅེས་ངོ་སྤྲོད་གནང་ཡོད་པ་རེད།

          དེ་མིན་ད་དུང་ཚར་གཅོད་20རྟགས་ཅན་གྱི་གནམ་གྲུ་སླར་ཡང་མཁའ་སྐྱོད་འགྲེམ་སྟོན་ཐོག་མངོན་ཡོད་ཅིང་། གནམ་གྲུ་གསུམ་དཔུང་སྒྲིག་གཅིག་བྱས་པའི་རྣམ་པའི་ཐོག་ནས་འགུལ་སྟངས་རབ་དང་རིམ་པའི་འཁྲབ་སྟོན་བྱས་ཡོད་པ་རེད། ཚར་གཅོད་20རྟགས་ཅན་གྱི་སྤྱི་ཁྱབ་ཇུས་འགོད་པ་ཡང་ཝེ་ནས། མ་འོངས་པར་ཚར་གཅོད་20རྟགས་ཅན་གྱི་གནམ་གྲུ་སྔར་བས་སྤུས་ལེགས་སུ་འགྱུར་རྒྱུ་རེད་ཅེས་ངོ་སྤྲོད་གནང་ཡོད་པ་རེད།