མཚོ་སྔོན་རྗེ་ཙོང་ཁ་པའི་རིག་གནས་སྒྱུ་རྩལ་ཞིབ་འཇུག་ཚོགས་པའི་ཉིས་སྟོང་བཅོ་བརྒྱད་ལོའི་ལོ་ཚོགས།
སྤེལ་དུས 2018-11-13
ཡོང་ཁུངས། མི་དམངས་དྲ་བ།
རྩོམ་པ་པོ། སངས་སྐྱབས་ཀྱིས་བསྒྲིགས།
མི་དམངས་དྲ་བའི་འཕྲིན། ཟླ་11ཚེས་10ཉིན། མཚོ་སྔོན་རྗེ་ཙོང་ཁ་པའི་རིག་གནས་སྒྱུ་རྩལ་ཞིབ་འཇུག་ཚོགས་པའི་ཉིས་སྟོང་བཅོ་བརྒྱད་ལོའི་ལོ་ཚོགས་སྐུ་འབུམ་རྫོང་མཚོ་སྔོན་པད་མ་འདབ་བརྒྱད་ཀྱི་མངོན་མིན་རིག་གནས་ཤུལ་བཞག་རྒྱུན་འཛིན་དང་ཉམས་ལེན་ལྟེ་གནས་སུ་སྤེལ་བ་དང་། ཞིང་ཆེན་ཕྱི་ནང་ཀུན་གྱི་མཁས་དབང་60ཙམ་ལོ་ཚོགས་སུ་ཞུགས་པ་རེད།
མཚོ་སྔོན་ཞིང་ཆེན་བོད་རིགས་ཞིབ་འཇུག་མཐུན་ཚོགས་ཀྱི་དྲུང་ཡིག་ཆེན་མོ་དང་། མཚོ་སྔོན་རྗེ་ཙོང་ཁ་པའི་རིག་གནས་སྒྱུ་རྩལ་ཞིབ་འཇུག་ཚོགས་པའི་ཚོགས་གཙོའི་ངོ་ཚབ་གཅོད་པ་དོན་གྲུབ་ལགས་ཀྱིས་མཚོ་སྔོན་རྗེ་ཙོང་ཁ་པའི་རིག་གནས་སྒྱུ་རྩལ་ཞིབ་འཇུག་ཚོགས་པས་ལོ་གཅིག་ཙམ་གྱི་རིང་ལ་བསྒྲུབས་ཟིན་པའི་ལས་དོན་ཕྱོགས་བསྡོམས་དང་སང་ལོའི་ལས་དོན་འཆར་གཞི་དང་བཀོད་སྒྲིག་སྐོར་སྙན་ཞུ་ཕུལ་ཞིང་ཚོགས་འདུ་གཙོ་སྐྱོང་མཛད་པ་རེད།
