པཎ་ཆེན་ཨེར་ཏེ་ནི་ཆོས་ཀྱི་རྒྱལ་པོ་མཆོག་གི་བོད་ས་ཕག་ལོའི་ལོ་གསར་གྱི་ཤིས་ཚིག（བརྙན།）
སྤེལ་དུས 2019-02-03
ཡོང་ཁུངས། ཀྲུང་གོའི་བོད་ལྗོངས་དྲ་བ།
རྩོམ་པ་པོ། སྣང་མཛོད་ཀྱིས་བསྒྲིགས།
མཛའ་བརྩེ་ལྡན་པའི་གྲོགས་པོ་རྣམ་པ་ཚོ། ཚང་མ་བཀྲ་ཤིས་བདེ་ལེགས།
དེ་རིང་ངས་ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་དང་། ཀྲུང་གོའི་བོད་ལྗོངས་དྲ་བ་འདི་གཉིས་བརྒྱུད་ནས། རྒྱལ་ཁབ་ཕྱི་ནང་གི་སྤུན་ཟླ་རྣམས་ལ་དཔྱིད་གསར་དུས་ཆེན་དང་བོད་ལོའི་ལོ་གསར་གྱི་འཚམས་འདྲི་ཞུ་རྒྱུ་ཡིན།
འདས་ཟིན་པའི་ལོ་གཅིག་གི་ནང་ལ་འགྲོ་བ་མིའི་རིགས་ཀྱི་ཤེས་རིག་དཔལ་ཡོན་མུ་མཐུད་དེ་གོང་མཐོར་སོང་ཡོད་པ་དང་། རྒྱལ་ཁབ་དང་ས་གནས་ཁག་དབར་ལ་འབྲེལ་བ་གང་མང་བྱས་ཡོད་པ་མ་ཟད། ཁྱིམ་ཚང་རེ་རེ་ལ་ཡང་ཡར་རྒྱས་དང་གྲུབ་འབྲས་མི་དམན་པ་ཐོབ་ཡོད། དེ་བཞིན་མི་སོ་སོའི་སེམས་ཁམས་ཀྱི་ཤེས་བྱ་དང་རྟོག་པ་ཡང་གོང་མཐོར་སོང་ཡོད།
ངའི་རེ་བར་ལོ་གསར་པའི་ནང་ལ་ང་རང་ཚོས་དུས་རབས་འཕེལ་རྒྱས་དང་། ཚན་རིག་གོང་འཕེལ། དུས་བདེ་ལྷིང་འཇགས་བཅས་ཀྱི་གོ་སྐབས་བཟང་པོ་དམ་འཛིན་བྱས་ནས། ང་རང་ཚོའི་ནང་སེམས་འདི་ཉིད་སྔར་བས་ཕུན་སུམ་ཇེ་ལེགས་སུ་བཏང་ནས། སྤྱི་ཚོགས་སྔར་བས་ཡག་ཐོག་ཡག་བརྩེགས་ཡོང་བ་དང་། མི་རིགས་ཁག་གི་མི་དམངས་རྣམས་འཚོ་བ་བདེ་ཞིང་སྐྱིད་པ་ཡོང་བའི་ཆེད་དུ་འབད་བརྩོན་བྱེད་དགོས།
མཚམས་འདིར་ངས་འཛམ་གླིང་ཞི་བདེ་དང་། སྤྱི་ཚོགས་ཞི་མཐུན། ཁྱིམ་ཚང་ཞི་འཇམ། མི་སེམས་ཞི་བར་གནས་པའི་སྨོན་འདུན་ཞུ་རྒྱུ་ཡིན། བཀྲ་ཤིས་བདེ་ལེགས།
