དགུན་དུས་བོད་ལྗོངས་སུ་གནས་སྐོར་དུ་ཡོང་མཁན་རིམ་བཞིན་ཇེ་མང་དུ་གྱུར། གྲོང་ཚོར་དགུན་ཁའི་གུང་གསེང་གི་གསབ་སྦྱོང་འཛིན་གྲྭ་གཉེར་བ། མཚོ་སྔོན་གྱིས་ཆུ་བོ་དང་མཚོའི“གང་བྱུང་བཞིའི” གནད་དོན་756དག་ཐེར་བྱས་པ། བདེན་འཚོལ་དུས་དེབ་ཐོག་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་ལོ་རྒྱུས་དངོས་གཙོ་རིང་ལུགས་རྒྱུན་འཁྱོངས་ཀྱིས་དེང་རབས་ཀྲུང་གོའི་མར་ཁེ་སི་རིང་ལུགས་འཕེལ་རྒྱས་ཀྱི་མཐོ་ཚད་གསར་པ་རྒྱུན་ཆད་མེད་པར་གཏོད་དགོས་ཞེས་པ་སྤེལ་བ། བོད་རང་སྐྱོང་ལྗོངས་སྲིད་གྲོས་སྐབས་བཅུ་གཅིག་པའི་ཚོགས་འདུ་ཐེངས་གསུམ་པ་གཟབ་རྒྱས་ངང་འགོ་ཚུགས་པ། མང་ཚོགས་ཀྱི“མགྲིན་ཚབ་པ”ཡག་པོ་ཞིག་བྱེད་ཀྱི་ཡིན། “པེ་ཅིང་དུ་འཛོམས་པ”ཞེས་པའི་སྐབས་དང་པོའི་རྒྱལ་སྤྱིའི་ཐང་གའི་སྒྱུ་རྩལ་འགྲེམས་སྟོན་དང་འཛམ་གླིང་ཐང་གའི་སྒྱུ་རྩལ་ཚོགས་ཆེན་པེ་ཅིང་དུ་གཟབ་རྒྱས་ངང་སྤེལ་བ། 2019ལོའི་རྒྱལ་ཡོངས་ཕུལ་བྱུང་དགེ་རྒན་གྱི་གཟེངས་རྟགས་ཐོབ་མཁན་དགེ་རྒན་ལྷ་རྩེ་རྒྱལ། “ཕྱིར་སྐྱོད་དཀའ་བའི”དཀའ་གནད་བསལ་བས་མང་ཚོགས་ལ་སྟབས་བདེ་བྱུང་བ། མང་ཚོགས་ཚོའི་བདེ་ཐང་གི་སྲུང་སྐྱོང་པ།
ཀྲུང་གོའི་བོད་ལྗོངས་དྲ་བ། > མདུན་ཤོག > པར་རིས་གསར་འགྱུར།

པཎ་ཆེན་སྐུ་ཕྲེང་བཅུ་གཅིག་པ་མཆོག་གིས་ལྷ་ལྡན་གཙུག་ལག་ཁང་དུ་མཆོད་མཇལ་ཞུས་ནས་འཛམ་གླིང་ཞི་བདེ་དང་རྒྱལ་ཁབ་དར་རྒྱས། མི་དམངས་བདེ་སྐྱིད་ཡོང་བའི་སྐྱབས་འཇུག་ཞུས་པ།

སྤེལ་དུས 2020-08-05 ཡོང་ཁུངས། ཀྲུང་གོ་བོད་ཀྱི་དྲ་བ། རྩོམ་པ་པོ།

ཇོ་བོ་ཤཱཀྱ་མུ་ནེ་དགུང་ལོ་བཅུ་གཉིས་བཞེས་སྐབས་ཀྱི་སྐུ་འདྲ། 
           ཟླ8པའི་ཚེས3ཉིན་གྱི་ཞོགས་པར། རྒྱལ་ཡོངས་སྲིད་གྲོས་ཀྱི་རྒྱུན་ལས་ཨུ་ཡོན་དང་། ཀྲུང་གོའི་ནང་བསྟན་མཐུན་ཚོགས་ཀྱི་ཚོགས་གཙོ་གཞོན་པ། ཀྲུང་གོའི་ནང་བསྟན་མཐུན་ཚོགས་བོད་ལྗོངས་ཡན་ལག་མཐུན་ཚོགས་ཀྱི་ཚོགས་གཙོ་པཎ་ཆེན་ཨེར་ཏི་ནི་ཆོས་ཀྱི་རྒྱལ་པོ་མཆོག་ལྷ་ལྡན་གཙུག་ལག་ཁང་དུ་མཆོད་མཇལ་དུ་ཕེབས་ནས་ཕྱག་མཆོད་དང་ཞལ་འདོན་གནང་བ་དང་། འཛམ་གླིང་ཞི་བདེ་དང་རྒྱལ་ཁབ་དར་རྒྱས་མི་དམངས་བདེ་སྐྱིད་ཡོང་བའི་སྐྱབས་འཇུག་ཞུས་པ་རེད། 
 
 
པཎ་ཆེན་སྐུ་ཕྲེང་བཅུ་གཅིག་པ་མཆོག་གིས་ཇོ་བོ་ཤཱཀྱ་མུ་ནེ་དགུང་ལོ་བཅུ་གཉིས་བཞེས་པའི་སྐུ་འདྲར་མཆོད་མཇལ་གནང་བཞིན་པ། 
 
 
པཎ་ཆེན་སྐུ་ཕྲེང་བཅུ་གཅིག་པ་མཆོག་གིས་ཇོ་བོ་ཤཱཀྱ་མུ་ནེ་དགུང་ལོ་བཅུ་གཉིས་ལ་བཞེས་པའི་སྐུ་འདྲར་མཇལ་ཕྱག་འབུལ་བཞིན་པ།  
          གཙུག་ལག་ཁང་གི་བསང་དུད་ལང་ལོང་དུ་འཕྱུར་བ་དང་མཆོད་མེའི་འོད་སྣང་རབ་ཏུ་འཕྲོ། གཙུག་ལག་ཁང་གི་དགེ་འདུན་པ་ཚོས་ཆོས་ལུགས་ཀྱི་ཆོ་ག་ལྟར་བ་དན་གྱི་རྒྱལ་མཚན་མཐོན་པོར་སྒྲེང་བ་དང་ལག་ཏུ་བོད་སྤོས་བཟུང་ནས། བོད་བརྒྱུད་ནང་བསྟན་གྱི་ཆེས་མཐོ་བའི་ཆོས་ལུགས་ཀྱི་ཆོ་ག་ལྟར་གཙུག་ལག་ཁང་གི་སྒོ་མདུན་གཉིས་སུ་གྲལ་བསྒྲིགས་ནས་པཎ་ཆེན་སྐུ་ཕྲེང་བཅུ་གཅིག་པ་མཆོག་ཕེབས་པར་བསུ་མ་ཞུས། 

པཎ་ཆེན་སྐུ་ཕྲེང་བཅུ་གཅིག་པ་མཆོག་ཇོ་བོ་ཤཱཀྱ་མུ་ནེའི་སྐུ་འདྲར་མཇལ་ནས་འབྲུ་རིགས་སྣ་ལྔའི་ལོ་ལེགས་འབྱུང་བར་སྐྱབས་འཇུག་ཞུ་བཞིན་པ། 
          ཆོས་ཀྱི་དུང་གི་སྒྲ་དབྱངས་གྲགས་པ་དང་བསྟུན་དགེ་འདུན་པ་དག་གི་སྣེ་ཁྲིད་འོག་པཎ་ཆེན་སྐུ་ཕྲེང་བཅུ་གཅིག་པ་མཆོག་གིས་གཙུག་ལག་ཁང་གི་འདུ་ཁང་གཙོར་མཛད་པའི་དགའ་ལྡན་ལྷ་ཁང་དང་། སྤྱན་རས་གཟིགས་ཕྱག་སྟོང་སྤྱན་སྟོང་ལྷ་ཁང་། ཤཱཀྱ་མུ་ནེ་ལྷ་ཁང་བཅས་སུ་མཆོད་མཇལ་ཞུས་ཏེ། སྨོན་ལམ་དང་ཞལ་འདོན་གནང་བཞིན་སྐུ་འདྲར་སྙན་དར་ཕུལ། 

པཎ་ཆེན་སྐུ་ཕྲེང་བཅུ་གཅིག་པ་མཆོག་གིས་ཇོ་བོ་ཤཱཀྱ་མུ་ནེའི་སྐུ་འདྲའི་མདུན་དུ་དགེ་འདུན་རྣམས་ཀྱི་སྣེ་ཁྲིད་དེ་ཆོས་གསུང་བཞིན་པ། 

    པཎ་ཆེན་སྐུ་ཕྲེང་བཅུ་གཅིག་པ་མཆོག་གིས་གཙུག་ལག་ཁང་གི་དགེ་འདུན་པའི་འགྲོ་རོགས་འོག་དགོན་པའི་ལྡེབས་རིས་ལ་གཟིགས་བཞིན་པ།  
          ཐང་རྒྱལ་རབས་ཀྱི་རྒྱ་བཟའ་ཀོང་ཇོས་བོད་གངས་ཅན་གྱི་ལྗོངས་སུ་ཇོ་བོ་ཤཱཀྱ་མུ་ནེ་དགུང་ལོ་བཅུ་གཉིས་ཅན་གྱི་སྐུ་འདྲ་གདན་དྲངས་བའི་སྐུ་མདུན་དུ། པཎ་ཆེན་སྐུ་ཕྲེང་བཅུ་གཅིག་པ་མཆོག་གིས་ལྷག་བསམ་རྣམ་པར་དག་པའི་སྒོ་ནས་ལྷ་སྐུ་ལ་གསེར་ཕྱེ་བྱུགས་པ་དང་། ཕྱག་འཚལ་ཞིང་སྙན་དར་ཕུལ། དེ་ནས་པཎ་ཆེན་སྐུ་ཕྲེང་བཅུ་གཅིག་པ་མཆོག་ཆོས་ཁྲི་ལ་བཞུགས་ནས་སངས་རྒྱས་ཀྱི་སྐུ་འདྲར་གདོང་ཕྱོགས་ཏེ། ཁྲི་བའི་ཕེབས་རོགས་འོག་དགེ་འདུན་པའི་སྣེ་ཁྲིད་དེ་ཞལ་འདོན་གནང་ནས་འཛམ་གླིང་ཞི་བདེ་དང་། རྒྱལ་ཁབ་དར་རྒྱས། མི་དམངས་བདེ་སྐྱིད། དགག་དང་བར་ཆད་སེལ་བ་བཅས་ཀྱི་སྐྱབས་འཇུག་ཞུས་པ་མ་ཟད། ཚོགས་གྲོལ་རྗེས་པཎ་ཆེན་སྐུ་ཕྲེང་བཅུ་གཅིག་པ་མཆོག་གིས་གཙུག་ལག་ཁང་གི་དགེ་འདུན་པ་ཚོར་ཕྱག་དབང་གནང་བ་དང་འབྲེལ་གསོལ་མཆོད་དང་ཞལ་ཟས་ཀྱང་གནང་བ་རེད། 

གཙུག་ལག་ཁང་གི་དགེ་འདུན་པས་ཞལ་འདོན་གསོལ་འདེབས་གནང་བཞིན་པ།