བོད་ལྗོངས་གཞིས་ཀ་རྩེའི་འབྲོང་པ་མཐའ་མཚམས་དོ་དམ་རུ་ཆེན་གྱི་སྒྲོག་འགྲེལ་ཡན་ལག་རུ་ཁག་གིས་ཁོངས་གཏོགས་ཁུལ་གྱི་མདུན་ས་དང་པོར་བསྐྱོད་དེ་ཀྲུང་དབྱང་གི་བོད་ལྗོངས་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་བདུན་པའི་དགོངས་དོན་སྒྲོག་འགྲེལ་གནང་བ་རེད།
སྤེལ་དུས 2020-09-17
ཡོང་ཁུངས། ཀྲུང་གོའི་བོད་ལྗོངས་དྲ་བ།
རྩོམ་པ་པོ། པདྨ་ཚེ་རིང་གིས་བསྒྱུར།
ཀྲུང་གོའི་བོད་ལྗོངས་དྲ་བའི་འཕྲིན། ཀྲུང་དབྱང་གི་བོད་ལྗོངས་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་བདུན་པའི་དགོངས་དོན་དྲིལ་བསྒྲགས་དོན་འཁྱོལ་བྱ་རྒྱུ་བསྟུད་མར་སྐུལ་འདེད་བཏང་ནས། མང་ཚོགས་ཚང་མས་ཚོགས་འདུའི་དགོངས་དོན་ཤེས་རྟོགས་ཡོང་བ་འགན་ལེན་བྱ་ཆེད། ཉེ་ལམ་བོད་རང་སྐྱོང་ལྗོངས་གཞིས་ཀ་རྩེ་མཐའ་མཚམས་དོ་དམ་ཉིང་ལག་རུ་ཁག་འབྲོང་པ་མཐའ་མཚམས་དོ་དམ་རུ་ཆེན་གྱིས་ཀྲུང་དབྱང་གི་བོད་ལྗོངས་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་བདུན་པའི་དགོངས་དོན་སྒྲོག་འགྲེལ་ཡན་ལག་རུ་ཁག་བཙུགས་ནས། ཁོངས་གཏོགས་ཁུལ་གྱི་མདུན་ས་དང་པོར་བསྐྱོད་དེ་སྒྲོག་འགྲེལ་ལས་དོན་སྤེལ་བ་རེད།
འབྲོག་པ་ཚོར་ཀྲུང་དབྱང་གི་བོད་ལྗོངས་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་བདུན་པའི་དགོངས་དོན་སྒྲོག་འགྲེལ་བྱེད་བཞིན་པ།
རུ་ཆེན་གྱི་སྒྲོག་འགྲེལ་ཡན་ལག་རུ་ཁག་གིས་ཀྲུང་དབྱང་གི་བོད་ལྗོངས་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་བདུན་པའི་དགོངས་དོན་བརྒྱུད་རིམ་ལྡན་པའི་སྒོ་ནས་གུང་བསྒྲིགས་ཏེ་སློབ་ཁྲིད་ཀྱི་ནང་དོན་བཟོས་པ་མ་ཟད། དྲིལ་བསྒྲགས་ལག་དེབ་བཟོས་ནས་ཁོངས་གཏོགས་ཁུལ་གྱི་ ཁྲོམ་གཞུང་དང་འབྲོག་ར། དགོན་སྡེ། སློབ་གྲྭ་སོགས་སུ་བསྐྱོད་དེ་ཚོགས་འདུའི་དགོངས་དོན་སྒྲོག་འགྲེལ་བྱས། སྒྲོག་འགྲེལ་བྱེད་པའི་རིང་ལ་མི་དམངས་ཉེན་རྟོག་པས་ཀྲུང་དབྱང་གི་བོད་ལྗོངས་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་དྲུག་པ་འཚོགས་ཚུན་བོད་ལྗོངས་ཀྱི་བྱ་གཞག་ཁག་ལ་ཐོབ་པའི་འོད་སྟོང་འཕྲོ་བའི་གྲུབ་འབྲས་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཀྲུང་དབྱང་གི་བོད་ལྗོངས་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་བདུན་པའི་ཐོག་གནང་བའི་གསུང་བཤད་གལ་ཆེན་དང་། “ངེས་པར་དུ་བྱེད་དགོས་པ་བཅུའི”ཚན་རིག་དང་མཐུན་པའི་གོ་དོན་སོགས་ཀྱི་ནང་དོན་ལ་གོ་བདེའི་འགྲེལ་བཤད་ཞིབ་ཅིང་ཕྲ་བ་ཞིག་བྱས་པ་རེད།
འབྲོག་པ་ཚོར་ཀྲུང་དབྱང་གི་བོད་ལྗོངས་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་བདུན་པའི་དགོངས་དོན་སྒྲོག་འགྲེལ་བྱེད་བཞིན་པ།
འབྲོག་པ་ཚོར་ཀྲུང་དབྱང་གི་བོད་ལྗོངས་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་བདུན་པའི་དགོངས་དོན་སྒྲོག་འགྲེལ་བྱེད་བཞིན་པ།
ཐེངས་འདིའི་སྒྲོག་འགྲེལ་ལས་དོན་སྤེལ་བའི་རིང་ལ། མི་དམངས་ཉེན་རྟོག་པ་ཚོས་ཏང་ཀྲུང་དབྱང་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཐུགས་ཁུར་དང་གཟིགས་སྐྱོང་གནང་བ་དེ་དུས་ཐོག་ཏུ་མང་ཚོགས་ཀྱི་སེམས་སུ་བཞག་ནས། བོད་ལྗོངས་ཀྱི་མི་རིགས་ཁག་གི་མི་དམངས་ཀྱིས་ཏང་གི་བཀའ་ལ་ཉན་པ་དང་། ཏང་གི་བཀའ་དྲིན་ཚོར་བ། ཏང་གི་རྗེས་སུ་འབྲང་བ་བཅས་ཀྱི་བསམ་བློའི་རང་རྟོགས་དང་། བྱ་སྤྱོད་ཀྱི་རང་རྟོགས་སྔར་བས་ཇེ་བརྟན་དུ་བཏང་སྟེ། མང་ཚོགས་ཀྱིས་“མི་རིགས་མཐུན་སྒྲིལ་ལ་ཤུགས་སྣོན་བརྒྱབ་ནས་མཛེས་སྡུག་ལྡན་པའི་བོད་ལྗོངས་འཛུགས་སྐྲུན་བྱེད་པའི”དམིགས་ཚད་ལ་འབད་འཐབ་ཀྱིས་སྤྲོ་སེམས་འཁོལ་བ་བྱ་རྒྱུར་སྐུལ་སྤེལ་བཏང་ཡོད་པ་རེད།
