Adobe After Effects CC 2017 ནང་བོད་ཡིག་ལ་རྒྱབ་སྐྱོར་ཐོབ་པའི་གནས་ཚུལ།

          རྒྱུས་ལོན་བྱས་པ་ལྟར་ན། ཉེ་ཆར། Adobe ཡིས་བྱ་རིམ་གསར་བསྒྱུར་བྱས་ཏེ་ལེགས་བཅོས་བྱས་པ་དང་། དེའི་ཁྲོད་དུ་ Adobe After Effects CC 2017 ནང་བོད་ཡིག་ལ་རྒྱབ་སྐྱོར་ཐོབ་པའི་གནས་ཚུལ་ཐོན་འདུག

 

          སྔོན་མའི་པར་གཞི་དག་གིས་བོད་ཡིག་ལ་རྒྱབ་སྐྱོར་མ་ཐོབ་པས་གློག་བརྙན་གྱི་ལས་ལ་འཇུག་པའི་མི་སྣ་དག་ལ་དཀའ་ངལ་འཕྲད་ཡོད་སྟབས། ད་ཐེངས་བོད་ཡིག་ལ་རྒྱབ་སྐྱོར་ཐོབ་པ་འདི་ནི་གཏམ་བཟང་ཞིག་ཏུ་བརྩི་ཆོག་གི་ཡོད།

 

          དེ་ཡང་ Adobe After Effects CC 2017 མཉེན་ཆས་ཀྱི་པར་གཞི་གསར་ཤོས་ཏེ 14.2 ནས་བརྩམས་ཏེ་རྗེས་མའི་བྱ་རིམ་ག་འདྲ་གསར་བསྒྱུར་བྱས་ཀྱང་བོད་ཡིག་ལ་རྒྱབ་སྐྱོར་ཐོབ་པའི་རྩ་དོན་ལ་འགྱུར་བ་གཏོང་གི་མ་རེད།

Adobe After Effects CC 2017 མཉེན་ཆས་ཀྱི་པར་གཞི 14.2 ཅན།

          མཉེན་ཆས་ཁ་ཕྱེས་ཚར་རྗེས། ཐོག་མའི་འདེམས་ཚན་ནང་གི་རིགས་དབྱེ་ཁྲོད་དུ་ཡི་གེའི་མ་འཕྲུལ་དེ་ཨེ་ཤེ་ཡ་ལྷོ་མ་དང་དཀྱིལ་དབུས་སྟེང་ལ་བཞག་ཚེ་ད་གཟོད་བོད་ཡིག་ལ་རྒྱབ་སྐྱོར་ཐོབ་པ་རེད། གཤམ་གྱི་དཔེ་རིས་ལྟར།