ཀུ་ཤུའི་གློག་ཀླད་དུ༼ ཧི ༽ ་ཡིག་གཏག་ཐབས་ལེགས་བཅོས་བཏང་བ།

          ཀུ་ཤུའི་གློག་ཀླད་ཁྲོད་དུ་སོར་བཞག་གི་གནས་ཚུལ་འོག་ཏུ་བོད་ཡིག་གི་གཏག་ཐབས་སྣ་ཁ་གསུམ་འདུས་ཡོད་པ་དང་། དེ་གསུམ་གྱིས་བོད་ཡིག་སྤྱོད་མཁན་གྱི་འདོད་བློ་ཚིམས་ཀྱི་མེད་སྟབས་ཧི་མ་ལ་ཡའི་མཐེབ་གཞོང་ཡིན་པའི་གཏག་ཐབས་རིགས་ཤིག་བཟོས་ཡོད་པ་རེད།

          ཀུ་ཤུའི་གློག་ཀླད་ཁྲོད་དུ་བེད་སྤྱོད་བྱེད་པའི་ཧི་མ་ལ་ཡའི་མཐེབ་གཞོང་གི་གཏག་ཐབས་ཐོན་རིམ་དང་པོ་དེར་ཀུན་གྱིས་དགའ་བསུ་ཐོབ་པ་དང་ལྷན་དུ་གནད་དོན་ཁ་ཤས་ལྷག་ཡོད་པ་ནི་དཔེར་ན་ཡིག་རྐྱང་མཁོ་ཕབ་དང་སྦྱོར་བའི་སྐབས་སུ་གཏག་ཐབས་གཞན་ལ་བརྗེ་སྒྱུར་བྱེད་དགོས་པའི་དཀའ་ངལ་འཕྲད་པ་ལྟ་བུ། དེར་བརྟེན་ཧི་མ་ལ་ཡའི་མཐེབ་གཞོང་གི་གཏག་ཐབས་ཐོན་རིམ་གཉིས་པ་དེ་ཐོན་ཡོད་པ་རེད།

          ཐོན་རིམ་གཉིས་པ་འདིའི་ནང་དུ་གནད་དོན་དེ་དག་སེལ་ཡོད་པ་མ་ཟད། མཉེན་ཆས་ཧྲིལ་བོ་དེ་ dmg ཁུག་སྒྲིལ་རྣམ་པར་བཅོས་ཏེ་སྒྲིག་འཇུག་བྱེད་སྟངས་ལའང་འགྱུར་བ་བཏང་ཡོད། མཉེན་ཆས་ཧྲིལ་པོ་ཡིག་ཆ་གསུམ་གྱིས་གྲུབ་པ་དང་། རྟགས་རིས་ཡིག་ཆ་དང་། མཐེབ་གཞོང་ཡིག་ཆ། དེ་མིན་མཐེབ་གཞོང་གི་བཀོད་པ PDF ཡིག་ཆའི་རྣམ་པས་མཁོ་སྤྲོད་བྱས་ཡོད་པ་རེད།

          མཉེན་ཆས་སྒྲིག་འཇུག་བྱེད་ཐབས།

          ཡིག་ཆ Himalaya.icns དང Himalaya.keylayout གཉིས་ཡིག་སྣོད Drag here to install ནང་ལ་དྲུད་ནས་སྒྲིག་འཇུག་བྱེད་དགོས།

          དམར་ཐིག་བརྒྱབ་པ་དེ་མནན་ནས་སྒྲིག་འཇུག་བྱོས།

          དེ་ནས་རང་གི་གློག་ཀླད་ཀྱི་གསང་ཨང་ནང་འཇུག་བྱས་ཏེ་མུ་མཐུད་དུ་སྒྲིག་འཇུག་བྱེད་དགོས།

          གཏག་ཐབས་ཁ་སྣོན་བྱེད་སྟངས།

          གཏག་ཐབས་ལ་བསྣུན་ནས་དམར་ཐིག་བརྒྱབ་པ་དེ་མནན་དགོས།

          སྣོན་རྟགས་ལ་བསྣུན་དགོས།

          གོ་རིམ་ལྟར་དམར་ཐིག་བརྒྱབ་པ་དེ་མནན་དགོས།

          གློག་ཀླད་ཁྲོད་ཀྱི་ཧི་ཡིག་གཏག་ཐབས་རྙིང་པ་སུབ་མེད་྇྇ཚེ་དེ་འདྲ་གཉིས་འཆར་པ་དང་། སྤྱིར་བཏང་གཏག་ཐབས་གཉིས་པ་དེ་འདེམས་དགོས་ཀྱི་ཡོད་པ་རེད།

          མཉམ་འཇོག་བྱེད་དགོས་ས།

          1.ཐོན་རིམ་གཉིས་པ་འདི་སྒྲིག་འཇུག་བྱེད་དགོས་ན་སྔོན་ཆད་ཀྱི་ཁྱེད་རང་གི་གློག་ཀླད་ནང་གི་ཧི་ཡིག་གཏག་ཐབས་དེ་སུབ་དགོས།

          2.ཐོན་རིམ་གཉིས་པ་འདི་ནི་ཀུ་ཤུའི་མ་ལག་གསར་ཤོས་ནང་ལ་མ་གཏོགས་ཚོད་ལྟ་བྱས་མེད་པས། གལ་ཏེ་ཁྱེད་རང་གིས་སྤྱོད་བཞིན་པའི་མ་ལག་ནང་ལ་སྒྲིག་འཇུག་བྱེད་མི་ཐུབ་ཚེ། སྔར་བཞིན་ཐོན་རིམ་དང་པོ་དེ་བཀོལ་སྤྱོད་གནང་རོགས།