ལི་ཁེ་ཆང་གིས་ཨོ་སི་ཁྲུ་རི་ཡའི་ཙུང་ལི་ཁུའུ་ཨར་ཚི་དང་གྲོས་མོལ་མཛད། པདྨ་ཚེ་བརྟན་དང་ཁོའི《ལག་དམར》ཅེས་པའི་གློག་བརྙན་དེ་རྒྱལ་ཡོངས་ནས་དངོས་སུ་བསྟན། འཛམ་གླིང་ཐོག་གི་ས་བབ་མཐོ་ཤོས་ཀྱི་ཕུག་ལམ་རིང་ཤོས་སུ་རླངས་འཁོར་ཤར་གཏོང་ཐུབ་པ། སྐབས་གཉིས་པའི་རྒྱུད་གཅིག་ལམ་གཅིག་གི་རྒྱལ་སྤྱིའི་མཉམ་ལས་མཐོ་རིམ་གླེང་སྟེགས་ཀྱི་སྒྲོག་སྒོར་དབུ་ཚོགས་འཚོགས་པ་དང་། ཞི་ཅིན་ཕིང་གིས་གཙོ་སྐྱོང་གནང་བ་མ་ཟད་ཤིས་ཚིག་གནང་བ། ཞི་ཅིན་ཕིང་གིས་དབྱི་ཊ་ལིའི་ཙུང་ལི་ཁུང་ཐེ་དང་མཇལ་འཛོམས་གནང་བ། “རྒྱུད་གཅིག་ལམ་གཅིག”གི་སྐོར་གླེང་སྐབས་བོད་ལྗོངས་མི་དམངས་ཀྱིས་ཅི་ཟེར་རམ། བོད་ལྗོངས་ཀྱི་དགེ་འདུན་པ་བཅུ་གཉིས་ལ་བོད་བརྒྱུད་ནང་བསྟན་དགེ་ལུགས་པའི་ཆེས་མཐོའི་མཚན་གནས་དགེ་བཤེས་ལྷ་རམས་པ་ཐོབ། ཁྲུང་ཆིང་གྲོང་ཁྱེར་ཝན་ཀྲོའུ་ཁུལ་འབྲི་ཆུའི་ཟམ་ཆེན་གཉིས་པའི་སྟེང་བགྲོད་པའི་སྤྱི་སྤྱོད་རླངས་འཁོར་ཞིག་འབྲི་ཆུའི་ནང་དུ་ལྷུང་བ། མཚོ་སྔོན་གོར་མོ་གྲོང་ཁྱེར་འབྲི་ཆུའི་ཆུ་འགོ་གྲོང་ཚོར་ཕར་རོགས་ཚུར་གཅེས་ཀྱིས་བདེ་སྐྱིད་ལྡན་པའི་འཚོ་བ་སྐྱེལ་བ། དཔལ་དགེའི་ཆུ་བསྐྱིལ་མཚེའུའི་འཕྲིན་གསར།
ཀྲུང་གོའི་བོད་ལྗོངས་དྲ་བ། > མདུན་ཤོག > ཚན་རྩལ་ཁྱབ་སྤེལ།

རང་རྒྱལ་གྱི་ཆེས་མཐོའི་ཚན་རིག་ལག་རྩལ་བྱ་དགའ་ཇེ་མཐོར་བཏང་བ།

སྤེལ་དུས 2019-04-30 ཡོང་ཁུངས། མཚོ་སྔོན་བོད་ཡིག་གསར་འགྱུར། རྩོམ་པ་པོ།

རང་རྒྱལ་གྱི་ཆེས་མཐོའི་ཚན་རིག་ལག་རྩལ་བྱ་དགའ་མི་རེར་སྒོར་ཁྲི800བར་ཇེ་མཐོར་བཏང་བ།
          རྒྱལ་ཁབ་ཀྱི་ཆེས་མཐོའི་ཚན་རིག་ལག་རྩལ་བྱ་དགའི་དངུལ་གྱི་ཚད་གཞི་མི་རེར་སྒོར་ཁྲི500ནས་ཇེ་མཐོར་བཏང་སྟེ་མི་རེར་སྒོར་ཁྲི800སྟེར་རྒྱུ་ཡིན་པ་དང་། བྱ་དགའི་དངུལ་ཡོད་ཚད་བྱ་དགའ་ཐོབ་མཁན་མི་སྒེར་ལ་དབང་རྒྱུ་རེད། གསར་འགོད་པས་རྒྱུས་ལོན་བྱས་པ་ལྟར་ན། ཚན་རྩལ་པུའུ་དང་ནོར་སྲིད་པུའུ་ཡིས《རྒྱལ་ཁབ་ཀྱི་ཚན་རིག་ལག་རྩལ་བྱ་དགའི་དངུལ་གྱི་ཚད་གཞི་སྙོམ་སྒྲིག་སྐོར་གྱི་བརྡ་སྦྱོར》དཔར་འགྲེམ་བྱས་ནས་བྱ་དགའི་དངུལ་གྱི་ཚད་གཞི་སྙོམ་སྒྲིག་བྱས་པ་རེད། 
          ཐེངས་འདིའི་བྱ་དགའི་དངུལ་སྙོམ་སྒྲིག་ནི་རྒྱལ་ཁབ་ཀྱི་ཆེས་མཐོའི་ཚན་རིག་ལག་རྩལ་བྱ་དགའ་བཙུགས་པའི་ལོ་ངོ20ཡི་ཚུན་དུ། ཐོག་དང་པོར་བྱ་དགའི་དངུལ་གྲངས་དང་གྲུབ་ཚུལ་སྙོམ་སྒྲིག་བྱས་པ་ཡིན་པས། ཏང་དང་རྒྱལ་ཁབ་ཀྱིས་རང་རྒྱལ་གྱི་ཚན་རྩལ་བྱ་བ་སྒྲུབ་མཁན་རྣམས་ལ་སྐུལ་ལྕག་དང་ཐུགས་ཁུར་གནང་བ་མཚོན་ཡོད།

          དེའི་ནང་དུ་རྒྱལ་ཁབ་ཀྱི་ཆེས་མཐོའི་ཚན་རིག་ལག་རྩལ་བྱ་དགའི་དངུལ་གྱི་ཚད་གཞི་སྙོམ་སྒྲིག་བྱེད་པའི་རྩ་དོན་ཁྲོད། བྱ་དགའི་དངུལ་གྲངས60%ཇེ་མཐོར་བཏང་བ་ལས་གཞན་ད་དུང་བྱ་དགའི་དངུལ་གྱི་བགོ་བཤའི་གྲུབ་ཚུལ་ཡང་སྙོམ་སྒྲིག་བྱས་ཡོད། ཇུས་གཞིའི་སྟེང་བྱ་དགའི་དངུལ་ཡོད་ཚད་བྱ་དགའ་ཐོབ་མཁན་མི་སྒེར་ལ་དབང་བ་དང་མི་སྒེར་གྱིས་བཀོལ་སྤྱོད་བྱེད་ཆོག་པ་བཏོན་ཡོད།
          1999ལོར་རྒྱལ་ཁབ་ཀྱི་ཆེས་མཐོའི་ཚན་རིག་ལག་རྩལ་བྱ་དགའ་འཛུགས་པའི་སྐབས་སུ། བྱ་དགའི་སྒོར་ཁྲི500ཡི་ནང་སྒོར་ཁྲི50མི་སྒེར་ལ་དབང་བ་དང་། སྒོར་ཁྲི450ཚན་རིག་ཞིབ་འཇུག་གྲོན་དངུལ་དུ་སྤྱོད་དགོས་པར་གཏན་འཁེལ་བྱས་ཡོད། དེང་སྐབས་རང་རྒྱལ་གྱི་ཚན་རིག་ཞིབ་འཇུག་མི་སྣའི་ཚན་རིག་ཞིབ་འཇུག་གྲོན་དངུལ་གྱི་ལམ་བུ་རྒྱ་ཇེ་ཆེར་སོང་ཡོད། དེ་མིན་གཞན་ད་རུང་། རྒྱལ་སྤྱིའི་རྒྱུན་སྲོལ་གཞིར་བཟུང་ན། བྱ་དགའི་དངུལ་ཡོད་ཚད་བྱ་དགའ་ཐོབ་མཁན་མི་སྒེར་ལ་དབང་བ་ནི་རྒྱལ་སྤྱིའི་ཐོག་སྐད་གྲགས་ཆོད་པའི་ཚན་རིག་བྱ་དགའ་སྟེར་བའི་ཡོངས་ཁྱབ་ཀྱི་བྱེད་ཐབས་ཤིག་རེད།

          རྒྱལ་ཁབ་ཀྱི་ཆེས་མཐོའི་ཚན་རིག་ལག་རྩལ་བྱ་དགའི་དངུལ་གྱི་ཚད་གཞི་སྙོམ་སྒྲིག་བྱེད་པའི་དུས་མཚུངས་སུ། རྒྱལ་ཁབ་ཀྱི་རང་བྱུང་ཚན་རིག་བྱ་དགའ་དང་། རྒྱལ་ཁབ་ཀྱི་ལག་རྩལ་གསར་གཏོད་བྱ་དགའ། རྒྱལ་ཁབ་ཀྱི་ཚན་རིག་ལག་རྩལ་སྔོན་ཐོན་བྱ་དགའ་བཅས་བྱ་དགའ་ཆེན་པོ་གསུམ་གྱི་བྱ་དགའི་དངུལ་གྱི་ཚད་གཞི་མཉམ་དུ་འོས་འཚམ་གྱིས་སྙོམ་སྒྲིག་བྱས་པ་དང་། སྙོམ་སྒྲིག་གི་རྩ་དོན་ནི་བྱ་དགའི་དངུལ50%ཇེ་མཐོར་གཏོང་རྒྱུ་རེད། དམིགས་བསལ་རིམ་པའི་བྱ་དགའི་དངུལ་གྱི་ཚད་གཞི་སྔོན་གྱི་སྒོར་ཁྲི100ནས་སྒོར་ཁྲི150བར་དང་། བྱ་དགའ་ཨང་དང་པོའི་བྱ་དགའི་དངུལ་སྔོན་གྱི་སྒོར་ཁྲི20ནས་སྒོར་ཁྲི30བར། བྱ་དགའ་ཨང་གསུམ་པའི་བྱ་དགའི་དངུལ་སྔོན་གྱི་སྒོར་ཁྲི10ནས་སྒོར་ཁྲི15བར་སྙོམ་སྒྲིག་བྱ་རྒྱུ་རེད།
རྩོམ་སྒྲིག་པ། རྡོ་རྗེ།