ལྷ་སའི་རྒྱལ་ཁབ་ཀྱི་ས་རིས་མཚོན་རྟགས་ཐོན་རྫས་ཀྱི་རིན་ཐང་སྒོར་དུང་ཕྱུར་13ཙམ་ཟིན་པ།
སྤེལ་དུས 2018-08-15
ཡོང་ཁུངས། བོད་ལྗོངས་ཉིན་ཚགས།
རྩོམ་པ་པོ། རྡོ་རྗེས་བསྒྲིགས།
ཉིན་ཤས་གོང་གསར་འགོད་པར་ལྷ་ས་གྲོང་ཁྱེར་ནས་ཤེས་རྟོགས་བྱུང་བར། མིག་སྔའི་བར་ལྷ་ས་གྲོང་ཁྱེར་དུ་ཐོན་རྫས་7ལ་རྒྱལ་ཁབ་ཀྱི་ས་རིས་མཚོན་རྟགས་ཐོན་རྫས་སྲུང་སྐྱོང་གི་དཔང་བདེན་ར་སྤྲོད་ཐོབ་ནས་སྲུང་སྐྱོང་ཁྱབ་ཁོངས་གྲོང་ཁྱེར་ཡོངས་ལ་ཁྱབ་པ་དང་ཐོན་རྫས་རིན་ཐང་སྒོར་དུང་ཕྱུར་13ཙམ་ཟིན་ནས་ཞིང་འབྲོག་པར་འབབ་འཕར་ཡོང་རྒྱུར་སྐུལ་འདེད་གཏོང་བ་དང་གནད་སྨིན་དབུལ་སྐྱོར་ལ་རམ་འདེགས་བྱེད་པ་སོགས་ཐད་ནུས་པ་གལ་ཆེན་ཐོན་ཡོད་པ་རེད།
ཤེས་རྟོགས་བྱུང་བར་གཞིགས་ན། རྒྱལ་ཁབ་ཀྱི་ས་རིས་མཚོན་རྟགས་ནི་རྒྱལ་སྤྱིའི་ཐོག་ཀུན་ཏུ་ཁྱབ་པའི་ཤེས་བྱའི་བདག་དབང་ལམ་ལུགས་ཤིག་ཡིན་པ་དང་། ཉོ་ཚོང་ཁྲོད་དེ་ནི་སྤུས་ཚད་དང་། ཁྱད་ཆོས། མཚན་སྙན་བཅས་ཀྱི་འགན་ལེན་ཞིག་རེད། ལྷ་ས་གྲོང་ཁྱེར་སྤུས་ཚད་ལྟ་སྐུལ་ཅུས་ཀྱི་ཏང་ཙུའི་ཧྲུའུ་ཅི་ཅུས་ཀྲང་ཚེ་རིང་སྒྲོལ་དཀར་གྱིས་ངོ་སྤྲོད་བྱས་པར། ལྷ་ས་དེ་བོད་ཀྱི་ལྟེ་བའི་གྲོང་ཁྱེར་ཞིག་ཡིན་པའི་ངོས་ནས་ཐུན་མིན་ཁྱད་ཆོས་ལྡན་པའི་ས་གཤིས་ཀྱི་ཆ་རྐྱེན་དང་རིག་གནས་ཀྱིས་ཞིང་འབྲོག་ཐོན་རྫས(འདམ་གཞུང་གི་འབྲི་གཡག)དང་། ཀྲུང་ལུགས་སྨན་རྒྱུ(ཁ་ཆེ་ཤ་སྐམ) བོད་སྨན(བོད་ལུགས་སྨན་རྫས) ཡང་བའི་བཟོ་ལས་ཐོན་རྫས(སྙེ་མོའི་སྤོས) བཏུང་བྱ(ཆུ་དམར་ལུང་གཏེར་ཆུ) བཟའ་བཅའ་ལས་སྣོན(རྒུ་རུམ་རྩམ་པ) བཟོ་རྩལ་ཐོན་རྫས(བོད་རུམ)སོགས་ཀྱི་རྒྱལ་ཁབ་ཀྱི་ས་རིས་མཚོན་རྟགས་ཐོན་རྫས་ཀྱི་ཐོན་ཁུངས་རིགས་7སྐྱེད་སྲིང་བྱས་པ་དེའི་ནང་ལྷ་ས་གྲོང་ཁྱེར་ས་གཙང་བདེ་ཐང་ཐོན་ལས་ཀྱི་སྨན་རྫས་དང་། བཏུང་བྱ། བཟའ་བཅའ། རྒྱན་ཆ་བཅས་ཀྱི་སྲོལ་རྒྱུན་ལེགས་ཆའི་ཐོན་ལས་ཚུད་ཡོད་པ་རེད།
ཚེ་རིང་སྒྲོལ་དཀར་གྱིས་ས་རིས་མཚོན་རྟགས་ཀྱི་ཐོན་རྫས་སྲུང་སྐྱོང་བྱས་པ་དེས་ལྷ་སའི་ཁྱད་ལྡན་ཐོན་རྫས་ཀྱི་ཟུར་སྣོན་རིན་ཐང་ནུས་ལྡན་ངང་མཐོ་རུ་ཕྱིན་ནས“ཕྱུག་འགྱུར་འབྲི་གཡག”དང་། “ཕྱུག་འགྱུར་སྨན”“ཕྱུག་འགྱུར་ཆུ”“ཕྱུག་འགྱུར་རུམ”ཁག་གཅིག་ཐོན་ཏེ་མང་ཚོགས་དབུལ་པོ་དབུལ་སྒྲོལ་ཕྱུག་འགྱུར་ཡོང་རྒྱུར་གནད་སྨིན་རོགས་རམ་བྱེད་ཐུབ་པ་བྱུང་ཡོད་ཅེས་བཤད།