རང་ལྗོངས་ཀྱི“ན་སོ་དར་ལ་མ་བབས་པའི་མིའི་ལྟ་སྲུང་རྟེན་གཞི”ཐོག་མ་བཙུགས་པ།
སྤེལ་དུས 2019-02-14
ཡོང་ཁུངས། བོད་ལྗོངས་ཁྲིམས་ལུགས་ཚགས་པར།
རྩོམ་པ་པོ། ཚེ་རིང་གིས་བསྒྲིགས།
ཉེ་ཆར། ལྷ་ས་གྲོང་ཁྱེར་ཁྲེང་ཀོན་ཆུས་མི་དམངས་ཞིབ་དཔྱོད་ཁང་གིས་བོད་ལྗོངས་ཞོལ་འདོད་དཔལ་ལས་རིགས་རྩལ་ནུས་གསོ་སྦྱོང་སློབ་གྲྭ་དང་མཉམ་དུ་བོད་ཀྱི“ན་སོ་དར་ལ་མ་བབས་པའི་མིའི་ལྟ་སྲུང་རྟེན་གཞི”ཐོག་མ་བཙུགས་པ་རེད།
“ན་སོ་དར་ལ་མ་བབས་པའི་མིའི་ལྟ་སྲུང་རྟེན་གཞིས”ཞིབ་དཔྱོད་ལས་ཁུངས་གཙོ་ཁྲིད་དུ་བྱས་ཏེ་འདྲ་མཉམ་དང་། བརྩི་མཐོང་། གསང་སྲུང་བཅས་ཀྱི་སྔོན་འགྲོའི་ཆ་རྐྱེན་འོག་རྟེན་གཞིའི་ལྟ་སྲུང་པས་ལྟ་ཞིབ་དང་། ལྟ་སྐུལ། སྲུང་སྐྱོང་། ཡོ་བསྲང་བཅས་ཀྱི་བྱེད་ཐབས་བརྒྱུད། ཞིབ་དཔྱོད་ལས་ཁུངས་ཀྱིས་ཟུར་སྣོན་ཆ་རྐྱེན་བཏོན་ནས་ཞུ་གཏུག་མ་བརྒྱབ་པའི“སློབ་ཤོར་དང་། ལས་ཤོར། ལང་ཤོར”བཅས་ཀྱི་ཉེས་གསོག་དང་འབྲེལ་བ་ཡོད་པའི་ན་སོ་དར་ལ་མ་བབས་པའི་མིར་དུས་ཡུན་ཟླ་དྲུག་ནས་ལོ་གཅིག་བར་གྱི་དམིགས་སའི་རང་བཞིན་གྱི་རོགས་རམ་སློབ་གསོ་རྒྱག་རྒྱུ་རེད། དེ་ཐོག་ནས་རང་ལྗོངས་ཀྱི་ཉེས་གསོག་དང་འབྲེལ་བ་ཡོད་པའི་ན་སོ་དར་ལ་མ་བབས་པའི་མིར་རོགས་སྐྱོབ་དེ་བས་ལེགས་པ་ཐོབ་རྒྱུ་ཡིན་པ་མཚོན་ཡོད།
ལྷ་ས་གྲོང་ཁྱེར་ཁྲེང་ཀོན་ཆུས་མི་དམངས་ཞིབ་དཔྱོད་ཁང་གི་ཞིབ་དཔྱོད་དཔོན་འཇིགས་མེད་ཀྱིས་བོད་ལྗོངས་ཞོལ་འདོད་དཔལ་སློབ་གྲྭ་ནི་ཁྲེང་ཀོན་ཆུས་ཞིབ་དཔྱོད་ཁང་གིས་དོ་དམ་ཚད་ལྡན་དང་། སྤྱི་ཚོགས་ཀྱི་འགན་འཁྲི་འཁུར་སེམས་ཆེ་བ་མ་ཟད། ལྟ་སྲུང་གི་ཆ་རྐྱེན་ལྡན་པའི་སྤྱི་ཚོགས་ཚན་པའི་ཁྲོད་ནས་གདམ་གསེས་ནན་པོ་བྱས་པའི་མཉམ་ལས་བྱ་ཡུལ་ཞིག་ཡིན་པས་ཚན་པ་དེ་དང་ལྟ་སྲུང་རྟེན་གཞི་འཛུགས་རྒྱུར་མིང་རྟགས་བཀོད་པ་དེ་ནི“སློབ་གསོ་དང་། བློ་འགུགས། སྐྱོབ་རོགས”བཅས་ཀྱི་བྱེད་ཕྱོགས་ཕྱོགས་ཡོངས་ནས་ལག་བསྟར་དོན་འཁྱོལ་བྱེད་པའི་བྱེད་ཐབས་ནུས་ལྡན་ཞིག་རེད་ཅེས་ངོ་སྤྲོད་བྱས།