བོད་ལྗོངས་ཀྱིས་རྒན་གསོ་འགན་བཅོལ་ཚན་པའི་འཇལ་དངུལ་སྡུར་ཚད་དམའ་རུ་བཏང་བ།
སྤེལ་དུས 2019-05-21
ཡོང་ཁུངས། ཀྲུང་གོའི་བོད་ཀྱི་གསར་འགྱུར་དྲ་བ།
རྩོམ་པ་པོ།
ཉེ་ཆར། གསར་འགོད་པས་རང་སྐྱོང་ལྗོངས་མི་སྤྱི་ཐིང་ནས་ཤེས་རྟོགས་བྱས་པ་ལྟར་ན། བོད་ལྗོངས་ཀྱིས་ཟླ་5ཚེས་1ཉིན་ནས་རྒན་གསོ་འགན་བཅོལ་ཚན་པའི་འཇལ་དངུལ་སྡུར་ཚད་དམའ་རུ་བཏང་སྟེ་དུས་མཚམས་རང་བཞིན་གྱི་སྒོ་ནས་ལས་ཤོར་འགན་བཅོལ་དང་ལས་རྨས་འགན་བཅོལ་གྱི་དངུལ་ཚད་མུ་མཐུད་དམའ་རུ་གཏོང་མཁན་ཡིན་པ་རེད།
2019ལོའི་ཟླ་5ཚེས་1ཉིན་ནས་ལག་བསྟར་བྱས་པའི《བོད་རང་སྐྱོང་ལྗོངས་ཀྱི་སྤྱི་ཚོགས་འགན་བཅོལ་དངུལ་ཚད་དམའ་རུ་གཏོང་བའི་ཕྱོགས་བསྡུས་ཇུས་གཞིའི》ནང་། ཁེ་ལས་ཀྱི་ལས་བཟོའི་གཞི་རྩའི་རྒན་གསོ་འགན་བཅོལ་ཚན་པའི་འཇལ་དངུལ་སྡུར་ཚད་ད་ལྟ་ལག་བསྟར་བྱེད་པའི19%ནས་16%བར་གཅོག་རྒྱུ་དང་། ལས་ཁུངས་བྱ་གཞག་ཚན་པའི་གཞི་རྩའི་རྒན་གསོ་འགན་བཅོལ་ཚན་པའི་འཇལ་དངུལ་བསྡུར་ཚད་དེ་ད་ལྟ་ལག་བསྟར་བྱེད་པའི་20%ནས་16%བར་གཅོག་རྒྱུ། ལས་ཤོར་འགན་བཅོལ་གྱི་དུས་མཚམས་རང་བཞིན་གྱི་དངུལ་ཚད་ཉུང་གཏོང་གི་དུས་ཡུན་2020ལོའི་ཟླ་4ཚེས་30ཉིན་བར་རིང་དུ་བཏང་ནས་སྤྱིའི་དངུལ་ཚད་ལྟར་1%ལག་བསྟར(ཚན་པ་དང་མི་སྒེར་གྱི་འཇལ་དངུལ་གྱི་དངུལ་ཚད་སོ་སོར་0.5%ཡིན་པ)བྱ་རྒྱུ། མུ་མཐུད་ལས་རྨས་འགན་བཅོལ་གྱི་དངུལ་ཚད་དམའ་རུ་གཏོང་བའི་སྲིད་ཇུས་2020ལོའི་ཟླ་4ཚེས་30ཉིན(བཟོ་སྐྲུན་དང་། གཏེར་རི། རྡོ་རྒྱུ་ལས་སྣོན་ཁེ་ལས་བཅས་ཀྱི་ལས་རྨས་རྣམ་གྲངས་ཀྱི་འགན་བཅོལ་ལ་ཞུགས་པའི་ཐོ་འགོད་ཚུད་མེད)བར་ལག་བསྟར་བྱེད་རྒྱུ་སྟེ། ད་ལྟ་ལག་བསྟར་བྱེད་པའི་དངུལ་ཚད་0.2%ནས་1.9%ཡི་རྨང་གཞིའི་ཐོག་50%དམའ་རུ་བཏང་ནས་0.1%ནས0.95%བར་གཅོག་རྒྱུ་རེད་ཅེས་བསྟན་ཡོད།
རྩོམ་སྒྲིག་པ། རིན་སྒྲོལ།