ཁ་པར་ནང་གཉེན་ཆས་འདི་ཕབ་ན་སྤྱི་ཚོགས་འགན་སྲུང་གཱའི་ལས་སྒོ་གཉེར་ཐུབ།
སྤེལ་དུས 2019-08-28
ཡོང་ཁུངས། སེམས་ཀྱི་ཞིང་ཁམས།
རྩོམ་པ་པོ།
ཁྱེད་ཀྱིས་ཁ་པར་ནང་ལྷ་སའི་སྤྱི་ཚོགས་འགན་སྲུང་གཱ་ཡི་APP(拉萨掌上社保APP)གཉེན་ཆས་འདི་ཕབ་ལེན་བྱས་ཚེ། སྔོན་ཆད་ལྟར་ཡི་གེ་བརྗེས་མི་དགོས་པར་ཁ་པར་ངོས་ནས་རྒྱ་བོད་ཡི་གེ་གཉིས་མངོན་ཡོང་།
ལྷ་ས་གྲོང་ཁྱེར་གྱི་སྤྱི་ཚོགས་འགན་སྲུང་འདྲི་རྩད་ལས་སྟེགས་ཀྱིས་ལྷ་ས་གྲོང་ཁྱེར་གྱི་སྤྱི་ཚོགས་འགན་སྲུང་གི་འདྲི་རྩད་ཞབས་ཞུར་ཆེད་མངགས་དོ་ཁུར་བྱས་ནས། “ཚེ་གང་ཐོ་འགོད་དང་། ཚེ་གང་འགན་སྲུང་། ཚེ་གང་ཞབས་ཞུ”བཅས་ཀྱི་རྩ་དོན་གཞིར་བཟུང་སྟེ། ཁྱེད་ལ་སྤྱི་ཚོགས་འགན་སྲུང་གི་མི་སྒེར་གྱི་ཁེ་དབང་ཟིན་ཐོ་ཞིབ་ཕྲ་གསལ་འགྲེལ་བྱ་རྒྱུ།
ལས་ཁུངས་ལ་འདྲི་དགོས་མེད་ལ། སྤྱི་ཚོགས་འགན་སྲུང་སྒྲུབ་གཉེར་སྒྲིག་གཞིར་ཡང་འགྲོ་མི་དགོས་པར། ལག་ཐོགས་ཁ་པར་ནང་སྤྱི་ཚོགས་འགན་སྲུང་གི་ཆ་འཕྲིན་འདྲི་རྩད་བྱེད་ཐུབ་ཀྱི་ཡོད། འགན་སྲུང་ལ་ཞུགས་པའི་ཆ་འཕྲིན་དང་། ཁྲལ་འཇལ་ཆ་འཕྲིན། གསར་འགྱུར་སྲིད་ཇུས་བཅས་ཅི་ཞིག་དགོས་ན་ཚང་མ་ཡོད་ཅིང་། སྤྱི་ཚོགས་འགན་སྲུང་གི་དོགས་འདྲིར་དྲ་ཐོག་ནས་ལན་རྒྱག་པ་དང་། དམིགས་བཙུགས་སྨན་ཁང་ལ་དུས་ཐོག་ཏུ་བསྟེན་ཆོག་པ་སོགས་ཀྱི་བྱེད་ནུས་མང་པོ་ལྡན་པས་ཁྱེད་ཀྱིས་ཚོད་ལྟ་ལན་གཅིག་གནང་ཆོག
བྱེད་ནུས་དང་པོ།
སྤྱི་ཚོགས་འགན་སྲུང་གི་དངུལ་འཇལ་བའི་ཆ་འཕྲིན་འདྲི་རྩད་ཞབས་ཞུ་ཡོད་པས། མི་སྒེར་གྱི་ཆ་འཕྲིན་དང་། སྤྱི་ཚོགས་འགན་སྲུང་ལ་ཞུགས་པའི་གནས་ཚུལ། འགན་སྲུང་དངུལ་འཇལ་བའི་གྲངས་གཞི་ཞིབ་ཕྲ་སོགས་འདྲི་རྩད་བྱེད་ཐུབ་ལ། ད་དུང་དུས་ཐོག་ཏུརང་གི་སྨན་བཅོས་གཱ་ཡི་འཛད་སྤྱོད་ཀྱི་གནས་ཚུལ་ཞིབ་ཕྲ་དང་དངུལ་་ལྷག་མ་སོགས་ཀྱི་ཆ་འཕྲིན་ཡང་བལྟ་ཐུབ།
བྱེད་ནུས་གཉིས་པ།
གློག་རྡུལ་སྤྱི་ཚོགས་འགན་སྲུང་གཱ་རེ་ཞུའི་ཞབས་ཞུ་མཁོ་འདོན་བྱེད་ཐུབ། གལ་སྲིད་གཱ་འཁྱེར་རྒྱུ་ལུས་ན། གློག་རྡུལ་སྤྱི་ཚོགས་འགན་སྲུང་གཱ་ནང་འབྲེལ་ཡོད་སྤྱི་ཚོགས་འགན་སྲུང་གི་ལས་སྒོ་གཉེར་ཆོག
བྱེད་ནུས་གསུམ་པ།
སྤྱི་ཚོགས་འགན་སྲུང་གི་སྤྱི་བསྒྲགས་དང་ལེན་བྱ་ཐུབ། APPལ་ཡོད་པའི་ལྷ་ས་གྲོང་ཁྱེར་གྱི་འགན་སྲུང་སྲིད་ཇུས་དང་རྒྱུན་ལྡན་དྲི་བ་དྲིས་ལན་དག་འཕྲུལ་མིས་ལན་རྒྱག་གི་ཡོད་པས། རྒྱུན་དུ་འཕྲད་པའི་གནད་དོན་ལ་འཕྲལ་མར་ལན་རྒྱག་གི་ཡོད།
བྱེད་ནུས་བཞི་པ།
འགན་སྲུང་ནང་ཞུགས་པའི་ཆ་འཕྲིན་དྲ་ཐོག་ནས་འདྲི་རྩད་དང་། འགན་སྲུང་ནང་ཞུགས་པའི་ཟིན་ཐོ་ཞིབ་ཕྲ་དུས་ཐོག་ཏུ་ལྟ་བའི་བྱེད་ནུས་ལྡན།
རྩོམ་སྒྲིག་པ། རིན་སྒྲོལ།