ད་ནས་བཟུང་སྐྱེད་ཆེའི་བུ་ལོན་བཏང་ན་ཁྲིམས་འགལ་རེད་འདུག
སྤེལ་དུས 2020-06-11
ཡོང་ཁུངས། ཁྲིམས་གསལ་མེ་ལོང་།
རྩོམ་པ་པོ།
གཏན་འབེབས་ལྟར་ན།
སྐྱེད་ཆེའི་བུ་ལོན་གཏོང་རྒྱུ་གཏན་འགོག་བྱས་ནས། སྐྱེད་ཀའི་ཚད་གཞི་རྒྱལ་ཁབ་ཀྱི་འབྲེལ་ཡོད་གཏན་འབེབས་ལས་འགལ་མི་ཆོག
གཡར་འཛིན་ནང་སྐྱེད་ཀ་སྤྲོད་པའི་ཁ་ཆད་བཞག་མེད་ན། སྐྱེད་ཀ་མེད་པར་བརྩི་རྒྱུ།
གཡར་འཛིན་ནང་སྐྱེད་ཀ་སྤྲོད་པའི་ཁ་ཆད་གསལ་པོ་མེད་པ་དང་། དོ་བདག་དང་ཁ་གསབ་ཀྱི་གྲོས་མཐུན་མ་བཞག་པའི་རིགས་ལ། ས་གནས་དེ་རང་ངམ་ཡང་ན་དོ་བདག་གི་ཉོ་ཚོང་བྱེད་སྟངས་དང་། ཉོ་ཚོང་གོམས་གཤིས། ཁྲོམ་རའི་སྐྱེད་ཀའི་ཚད་གཞི་སོགས་རྒྱུ་རྐྱེན་ལ་གཞིགས་ནས་སྐྱེད་ཀ་གཏན་འཁེལ་བྱེད་རྒྱུ། མི་དཀྱུས་མའི་དབར་དངུལ་བུན་གཡར་རེས་བྱས་ན་སྐྱེད་ཀ་མེད་པར་བརྩི་རྒྱུ།
གསལ་འགྲེལ།
ཉེ་བའི་ལོ་ཤས་རིང“སློབ་གྲྭའི་དངུལ་བུན”དང“བསླུ་བྲིད་དངུལ་བུན”སོགས་ཡང་སེ་ཐོན་ནས་སྐྱེད་ཆེའི་བུན་གཏོང་གི་གནད་དོན་ལ་ཀུན་གྱིས་དོ་ཁུར་བྱེད་ཀྱི་ཡོད། དམངས་དོན་ཁྲིམས་གཞུང་གི་འཆར་ཟིན་ནང་སྐྱེད་ཆེའི་དངུལ་བུན་གཏོང་རྒྱུ་གཏན་འགོག་བྱས་ཡོད་པ་དེ་ཐོག་ནས་རྒྱལ་ཁབ་ཀྱིས་མི་རྣམས་ལ་དངོས་ཚན་དཔལ་འབྱོར་ལ་མ་འཇོག་བྱེད་རྒྱུར་ལྕག་སྐུལ་བྱེད་པ་དང་། དཔལ་འབྱོར་སྤུས་ཚད་མཐོ་པོའི་འཕེལ་རྒྱས་ལ་སྐུལ་འདེད་གཏོང་བ། སྐྱེད་ཆེའི་དངུལ་བུན་གཡར་བ་ལས་བྱུང་བའི་སྤྱི་ཚོགས་ཀྱི་གནད་དོན་མི་ཉུང་བ་ཐག་གཅོད་བྱེད་པ་མཚོན་གྱི་ཡོད།