སྨན་བཅོས་འགན་སྲུང་གི་ཁ་གསབ་རོགས་དངུལ་འདི་སྤར་འདུག
སྤེལ་དུས 2020-06-23
ཡོང་ཁུངས། བོད་ལྗོངས་ཉིན་ཚགས།
རྩོམ་པ་པོ།
ཉེ་ཆར། རྒྱལ་ཁབ་སྨན་བཅོས་འགན་སྲུང་ཅུས་ཀྱིས་ནོར་སྲིད་པུའུ་དང་རྒྱལ་ཁབ་ཁྲལ་དོན་སྤྱི་ཁྱབ་ཅུས་དང་མཉམ་དུ《2020ལོའི་གྲོང་ཁྱེར་དང་གྲོང་གསེབ་ཀྱི་གྲོང་མིའི་གཞི་རྩའི་སྨན་བཅོས་འགན་སྲུང་གི་ལས་དོན་ཡག་པོ་བསྒྲུབ་རྒྱུའི་སྐོར་གྱི་བརྡ་ཐོ》བཀྲམ་པ་རེད།
《བརྡ་ཐོའི》ནང་བསྟན་དོན། གྲོང་ཁྱེར་དང་གྲོང་གསེབ་ཀྱི་གྲོང་མིའི་གཞི་རྩའི་སྨན་བཅོས་འགན་སྲུང་མ་དངུལ་གྲབས་གསོག་གི་ཚད་གཞི་མཐོ་རུ་དང་ཐོབ་ཐང་གི་འགན་སྲུང་ལམ་སྲོལ་འཐུས་ཚང་དུ་གཏོང་དགོས།
2020ལོར་གྲོང་མིའི་སྨན་བཅོས་འགན་སྲུང་མི་སྒེར་གྱི་ཆ་སྙོམས་ནོར་སྲིད་ཁ་གསབ་རོགས་དངུལ་ཚད་གཞི་སྒོར་30མང་དུ་བཏང་ནས། མི་རེར་ལོ་རེར་སྒོར་550ལས་མི་དམའ་བ་བྱ་རྒྱུ་དང་། མི་སྒེར་གྱིས་འགན་སྲུང་དངུལ་འཇལ་བའི་ཚད་གཞི་ཡང་དུས་གཅིག་ཏུ་སྒོར་30མཐོ་རུ་གཏོང་དགོས།
གྲོང་ཁྱེར་དང་གྲོང་གསེབ་ཀྱི་གྲོང་མིའི་གཞི་རྩའི་སྨན་བཅོས་འགན་སྲུང་དང་ནད་ཆེན་གྱི་འགན་བཅོལ་གྱི་ཐོབ་ཐང་འགན་སྲུང་བྱེད་ཚད་བརྟན་དུ་བཏང་སྟེ། སྲིད་ཇུས་ཀྱི་ཁྱབ་ཁོངས་ནང་ནད་ཁང་དུ་སྡོད་པའི་འགྲོ་གྲོན་གཏོང་ཚད་70%ཟིན་པ་དང་། ནད་ཆེན་གྱི་འགན་བཅོལ་དངུལ་གཏོང་བའི་ཚད་གཞི་དམའ་རུ་བཏང་ནས། གྲོང་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་ཀྱི་ཕྱེད་ཀར་སླེབས་པ་བཟོས་ཏེ། སྲིད་ཇུས་ཀྱི་ཁྱབ་ཁོངས་ནང་སྨན་རིན་སྤྲོད་པའི་ཚད་གཞི་60%བར་མཐོ་རུ་གཏོང་དགོས།