ཅ་དངོས་དབྱུག་པའམ་ཟགས་ནས་གནོད་འཚེ་བཟོས་པར་ཁྲིམས་འགན་ཁུར་དགོས་འདུག
སྤེལ་དུས 2020-06-24
ཡོང་ཁུངས། ཁྲིམས་གསལ་མེ་ལོང་།
རྩོམ་པ་པོ།
གཏན་འབེབས་ལྟར་ན།
ཐོག་བརྩེགས་ཁང་ཆེན་ནས་དངོས་པོ་དབྱུག་མི་ཆོག ཐོག་བརྩེགས་ཁང་ཆེན་ནས་དངོས་པོ་དབྱུག་པའམ་ཡང་ན་ཟགས་ནས་མི་གཞན་ལ་གནོད་འཚེ་བཟོས་ཚེ། དབང་གནོད་མཁན་གྱིས་ཁྲིམས་བཞིན་འགན་འཁྲི་འཁུར་དགོས། ཡིན་ནའང་། བརྟག་དཔྱད་བྱས་ཀྱང་དབང་གནོད་མཁན་སུ་ཡིན་མིན་གསལ་པོ་མི་ཤེས་པའི་རིགས་དང་། རང་ཉིད་གནོད་འཚེ་གཏོང་མཁན་མིན་པ་ར་སྤྲོད་ཐུབ་པ་ཕུད། གནོད་འཚེ་བཟོ་སྲིད་པའི་ཐོག་བརྩེགས་ཁང་ཆེན་བེད་སྤྱོད་བྱེད་མཁན་གྱིས་ཁ་གསབ་སྤྲོད་དགོས། གནོད་འཚེ་བཟོ་སྲིད་པའི་ཐོག་བརྩེགས་ཁང་ཆེན་བེད་སྤྱོད་བྱེད་མཁན་གྱིས་ཁ་གསབ་སྤྲད་རྗེས། དབང་གནོད་མཁན་གྱི་ས་ནས་སྐྱིན་ཚབ་འདེད་དབང་ཡོད།
གསལ་འགྲེལ།
མཐོ་ས་ནས་དངོས་པོ་དབྱུག་པའམ་ཟགས་ནས་མི་གཞན་ལ་རྨས་སྐྱོན་ཕོག་པ་དང་རྒྱུ་ནོར་གྱི་གྱོང་གུན་བྱུང་བའི་གནས་ཚུལ་གྱིས་མི་མང་པོ་ཞིག་ལ་སྐྲག་སྣང་བཟོ་གི་ཡོད། འོ་ན“མགོ་སྟེང་གི་བདེ་འཇགས”ཇི་ལྟར་སྲུང་དགོས་སམ་ཞེ་ན། དམངས་དོན་ཁྲིམས་གཞུང་ནང་གཏན་འབེབས་འདི་འདྲ་བྱས་པ་ལས། མཐོ་ས་ནས་དངོས་པོ་དབྱུག་པའམ་ཟགས་ནས་མི་གཞན་ལ་གནོད་འཚེ་བཟོས་པར། གལ་ཏེ་འགན་འཁྲི་བ་གསལ་པོ་མ་ཤེས་ཚེ། ཐོག་བརྩེགས་ཁང་དེའི་ཁང་བདག་ཚང་མས་སྐྱིན་ཚབ་འཇལ་དགོས་བཟོ་ཡོད་པ་བསྟན་ཡོད། དེས་གནོད་འཚེ་ཕོག་མཁན་ལ“ཐ་སྐྱོང”འགན་ལེན་བྱེད་པ་དང་དུས་མཚུངས། ཁ་གསབ་སྤྲོད་མཁན་གྱིས་སྐྱིན་ཚབ་འདེད་པར་བཅའ་ཁྲིམས་ཀྱི་གཞི་འཛིན་ས་མཁོ་འདོན་བྱས་ཡོད།