པར་སློག་བརྒྱབ་པའི་ཁ་ཆེམས་ཡི་གེར་བཅའ་ཁྲིམས་ཀྱི་ནུས་པ་ཐོན་སྲིད་དམ།
སྤེལ་དུས 2020-06-24
ཡོང་ཁུངས། ཁྲིམས་གསལ་མེ་ལོང་།
རྩོམ་པ་པོ།
གཏན་འབེབས་ལྟར་ན།
ཁ་ཆེམས་ཡི་གེ་པར་སློག་རྒྱག་སྐབས། དཔང་པོ་བྱེད་མཁན་གཉིས་ཡན་གྱིས་ཡུལ་དངོས་སུ་དཔང་རྟགས་བྱེད་དགོས་པ་མ་ཟད། ཁ་ཆེམས་འཇོག་མཁན་དང་དཔང་པོ་བྱེད་མཁན་གྱིས་ཁ་ཆེམས་ཡི་གེའི་ཤོག་གྲངས་མི་རེ་ངོ་རེར་མིང་རྟགས་འགོད་དགོས་པ་དང་། ལོ་དང་ཟླ་བ་ཚེས་གྲངས་བཅས་ཚང་མ་གསལ་པོ་འགོད་དགོས།
གསལ་འགྲེལ།
ཁ་ཆེམས་ཡི་གེ་པར་སློག་བརྒྱབ་ན་བཅའ་ཁྲིམས་ཀྱི་ནུས་པ་ཐོན་སྲིད་དམ་ཞེ་ན། འཚོ་བ་དངོས་ནང་། རྒྱུན་དུ་ཁ་ཆེམས་ཡི་གེ་པར་སློག་རྒྱག་པ་མཐོང་རྒྱུ་ཡོད་མོད། འོན་ཀྱང་རྟག་ཏུ་འདིར་རྩོད་གཞི་མང་པོ་ཐོན་གྱི་ཡོད། དེར་བརྟེན། དམངས་དོན་ཁྲིམས་གཞུང་ནང་དངོས་ཡོད་ཀྱི་དགོས་མཁོ་དང་བསྟུན་ནས་ལན་བརྒྱབ་ཡོད་ལ། ཁ་ཆེམས་ཡི་གེ་པར་སློག་བརྒྱབ་པར་བཅའ་ཁྲིམས་ཀྱི་ནུས་པ་ཐོན་མིན་ཐད་དབྱེ་མཚམས་གསལ་པོ་ཕྱེ་ཡོད་པ་དང་། ཁ་ཆེམས་ཡི་གེ་པར་སློག་རྒྱག་པར་ངེས་པར་དུ་ཚང་དགོས་པའི་ཆ་རྐྱེན་ཁ་གསལ་བཏོན་ཡོད་པས། ཁྲིམས་འཛུགས་ཀྱི་སྟོང་ཆ་བསྐངས་ཡོད་པ་མ་ཟད། དུས་རབས་འཕེལ་རྒྱས་ཀྱི་དགོས་མཁོ་དང་ཡང་བསྟུན་ཡོད་པ་རེད།