གཞོན་ནུ་མ་ཚོར་བཏང་བའི་དྲན་སྐུལ།
ཉེ་ཆར། གཞོན་ནུ་མ་བསད་པའམ་ཡང་ན་སྐྱེས་མ་ཐག་པའི་ཕྲུ་གུ་དམར་འབྱར་བསྐྱུར་བའི་གྱོད་གཞི་མང་པོ་ཐོན་འདུག
ཕྲུ་གུ་གསོ་འགན་མ་ཁུར་བར་བསྐྱུར་བའི་ནག་ཉེས་ཞེས་པ་ནི།
གསོ་འགན་ཡོད་མཁན་གྱིས་ལོ་ན་རྒས་པ་དང་། ལོ་ན་ཕྲ་བ། ནད་ཕོག་པའམ་དེ་མིན་རང་ཚུགས་ཀྱི་འཚོ་བ་སྐྱེལ་ནུས་བྲལ་བའི་སྐྱེ་བོ་བཅས་གསོ་སྐྱོང་དང་ལེན་མི་བྱེད་པའི་ཉེས་སྤྱོད་ཚབས་ཆེན་ལ་གོ་དགོས།
རྐང་བཙུགས་ནས་མི་བསད་པའི་ནག་ཉེས་ཞེས་པ་ནི།
ཁྲིམས་དང་མ་མཐུན་པར་རྐང་བཙུགས་ནས་མི་གཞན་གྱི་ཚེ་སྲོག་འཕྲོགས་པའི་བྱ་སྤྱོད་ལ་ཟེར། རྐང་བཙུགས་ནས་མི་བསད་པའི་ནག་ཉེས་ནི་སྤྱི་དམངས་ཀྱི་མི་ལུས་དང་དམངས་གཙོའི་དབང་ཆར་བཙན་གནོད་བྱས་པའི་ཉེས་པའི་རིགས་སུ་གཏོགས། དེ་ནི་ཀྲུང་གོའི་ཉེས་ཁྲིམས་ནང་གི་ཉེས་གསོག་བྱ་སྤྱོད་ཀྱི་ངོ་བོ་སྡུག་ཤོས་ཉུང་ཤས་གྲས་ཀྱི་ཡ་གྱལ་ཞིག་ཡིན་ཞིང་། སྤྱིར་བཏང་ལྟར་ན་ལྕི་བ་ནས་མྱུར་བའི་ཉེས་ཆད་གཅོད་སྲིད།
སྦྲུམ་འགོག་བྱ་ཐབས།
གཅིག སྦྲུམ་འགོག་ཨ་ལོང་། སྦྲུམ་འགོག་ཐུབ་ཅིང་བདེ་ཐང་འགན་སྲུང་གི་ནུས་པ་ཡོད།
གཉིས། སྦྲུམ་འགོག་སྨན་ཟ་བ། ལྷག་པར་དུ་ལུས་འདྲེས་བྱུང་རྗེས་སྦྲུམ་འགོག་སྨན་ཟ་དགོས།
གལ་ཏེ་ཕྲུ་གུ་འཁོར་ཚེ་འདི་ལྟར་བྱོས།
གཅིག རང་གི་ཨ་མའམ་ཡང་ན་འབྲེལ་བ་ཟབ་པའི་མི་ལ་བརྗོད་དགོས། (ཁོ་མོར་རོགས་རམ་བྱེད་པ་ལས་སྐྱོན་འཛུགས་དང་གཤེ་གཤེ་གཏོང་མི་རུང)
གཉིས། ངེས་པར་དུ་སྨན་ཁང་ཚད་ལྡན་དུ་འགྲོ་དགོས།(ཁོ་མོར་རོགས་རམ་བྱེད་པ་ལས་དམའ་འབེབས་གཏོང་མི་རུང)
གསུམ། ཕྲུ་གུའི་པ་ཕར་བརྗོད་ནས་མཉམ་དུ་གནད་དོན་ཐག་གཅོད་དགོས་པའི་རེ་བ་འདོན་དགོས།(ཁོ་མོ་དང་མཉམ་དུ་འགན་འཁུར་བ་ལས་གཟུར་འབྱོལ་བྱ་མི་རུང)
བཞི། སྤྱི་ཚོགས་སུ་ཕྲུ་གུ་གསོ་ཉར་ལས་ཁུངས་དང་བྱམས་བརྩེ་ཅན་མང་པོ་ཡོད་པ་ཤེས་དགོས།