ཉེས་དོན་འགན་འཁྲིའི་ལོ་ཚད་དམའ་རུ་གཏོང་རྩིས་འདུག་པས། ལོ་12ནས་14བར…
སྤེལ་དུས 2020-10-21
ཡོང་ཁུངས། ཁྲིམས་གསལ་མེ་ལོང་།
རྩོམ་པ་པོ།
ཚེས་13ཉིན། ཉེས་ཁྲིམས་དག་བཅོས་འཆར་ཟིན(བཅུ་གཅིག)གྱི་གྲོས་ཞིབ་མ་ཟིན་གཉིས་པ་རྒྱལ་ཡོངས་མི་དམངས་འཐུས་ཚོགས་རྒྱུན་ལས་ཨུ་ལྷན་གྱི་ཚོགས་འདུར་གྲོས་ཞིབ་བྱ་རྒྱུར་ཕུལ་ཡོད། དམིགས་བཙུགས་ཀྱི་གནས་ཚུལ་འོག་དམིགས་བསལ་གྱི་གོ་རིམ་བརྒྱུད། ཁྲིམས་གཏན་འཁེལ་བའི་ཉེས་དོན་འགན་འཁྲིའི་ལོ་ཚད་ཆུང་ཤོས་ཁག་གཅིག་དམའ་རུ་གཏོང་རྩིས་ཡོད་ཅིང་། འཆར་ཟིན་ནང་གཏན་འབེབས་བྱས་དོན། ལོ་བཅུ་གཉིས་ལོན་ཞིང་ལོ་བཅུ་བཞི་ལ་མ་སླེབས་པའི་མིས་རྐང་བཙུགས་ནས་མི་བསད་པ་དང་རྐང་བཙུགས་ནས་རྨས་སྐྱོན་བཏང་བའི་ཉེས་པ་བསགས་པ་དང་། མི་བསད་པ། ཉེས་ཚབས་ཆེ་བའི་རིགས་བཅས་ལ་ཆེས་མཐོའི་མི་དམངས་ཞིབ་དཔྱོད་ཁང་གི་ཞིབ་དཔྱད་ཆོག་མཆན་ཐོབ་རྗེས་ཉེས་དོན་འགན་འཁྲི་འཁུར་དགོས།
དེ་དང་དུས་མཚུངས། འཆར་ཟིན་ནང་ཉེས་ཁྲིམས་བཟོ་བཅོས་དང་ན་སོ་དར་ལ་མ་བབས་པའི་མིའི་ཉེས་གསོག་སྔོན་འགོག་བཅའ་ཁྲིམས་བཟོ་བཅོས་ཀྱི་འབྲེལ་ཡོད་གནད་དོན་ལ་སྤྱི་འདོམས་བསམ་གཞིག་བྱས་ནས། བསྡུ་ཉར་སློབ་གསོ་སྒྱུར་བཀོད་སློབ་གསོར་བཟོ་བཅོས་རྒྱག་རྒྱུ་རེད་འདུག འཆར་ཟིན་ནང་གཏན་འབེབས་བྱས་དོན། ལོ་16ལ་མ་སླེབས་པའི་རྐྱེན་གྱིས་ཉེས་དོན་ཆད་པ་གཅོད་མི་ཆོག་པའི་རིགས་ཁྱིམ་བདག་གམ་ལྟ་སྐྱོང་མཁན་ལ་དོ་དམ་སློབ་གཅུན་བྱེད་དུ་འཇུག་རྒྱུ་དང་། དགོས་པ་ཡོད་ཚེ་བཅའ་ཁྲིམས་ལྟར་ཆེད་མངགས་སྒྱུར་བཀོད་སློབ་གསོ་གཏོང་དགོས།