ཁྲིམས་གཞུང་གསལ་བའི་མེ་ལོང་།
སྤེལ་དུས 2020-12-21
ཡོང་ཁུངས། ཀྲུང་གོའི་བོད་ཀྱི་གསར་འགྱུར་དྲ་བ།
རྩོམ་པ་པོ།
ཁུལ་ཆུང་གི་གློག་སྐས་བརྡ་ཆའི་ཡོང་འབབ་སུ་ལ་དབང་ངམ།
ཁུལ་ཆུང་གི་གློག་སྐས་ནང་བརྡ་ཆ་མང་པོ་སྦྱར་ཡོད། བརྡ་ཆ་དེ་དག་གི་ཡོང་འབབ་སུ་ལ་དབང་ངམ་ཞེ་ན། དམངས་དོན་ཁྲིམས་གཞུང་གི་དོན་ཚན་ཉིས་བརྒྱ་གྱ་གཉིས་གཞིར་བཟུང་། འཛུགས་སྐྲུན་ཚན་པ་དང་སྡེ་ལས་ཞབས་ཞུའི་ཁེ་ལས་སམ་ཡང་ན་དོ་དམ་པ་གཞན་སོགས་ཀྱིས་དོ་བདག་གི་ཐུན་མོང་ལས་བྱུང་བའི་ཡོང་འབབ་ཆ་ཤས་ནས་ལུགས་མཐུན་གྱི་མ་གནས་འཕྲི་རྗེས་དེ་མིན་གྱི་ཡོང་འབབ་དོ་བདག་ལ་དབང་གི་ཡོད།
སྐྱེད་ཆེའི་བུ་ལོན་གཏན་འགོག་བྱེད་དགོས།
གྲོགས་པོས་དངུལ་བུན་གཡར་ཚེ། སྐྱེད་ཀ་ཇི་ལྟར་བརྩི་དགོས་སམ་ཞེ་ན། སྐྱེད་ཆེའི་བུ་ལོན་རྩིས་རྒྱག་སྐབས། དམངས་དོན་ཁྲིམས་གཞུང་གི་དོན་ཚན་དྲུག་བརྒྱ་བརྒྱད་ཅུ་གཞིར་བཟུང་། སྐྱེད་ཆེའི་བུ་ལོན་གཏོང་མི་ཆོག་པ་དང་། དངུལ་བུན་གཡར་བའི་སྐྱེད་ཀ་རྒྱལ་ཁབ་ཀྱི་འབྲེལ་ཡོད་གཏན་འབེབས་ལས་བརྒལ་མི་རུང་བ། དངུལ་བུན་གཡར་བའི་གན་རྒྱའི་ནང་སྐྱེད་ཀ་སྤྲོད་པའི་ཐད་ཁ་ཆད་མེད་རིཌ་ལ་སྐྱེད་ཀ་མེད་པར་བརྩི་རྒྱུ་རེད།
དངུལ་བུན་གཡར་བའི་གན་རྒྱའི་ནང་སྐྱེད་ཀ་སྤྲོད་པར་ཁ་ཆད་གསལ་པོ་མེད་པ་དང་། དོ་བདག་གིས་ཁ་གསབ་གྲོས་མཐུན་བཞག་མེད་རིགས་ལ་ས་གནས་སམ་ཡང་ན་དོ་བདག་གི་ཉོ་ཚོང་བྱེད་སྟངས་དང་། ཉོ་ཚོང་གོམས་གཤིས། ཁྲོམ་རའི་སྐྱེད་ཚད་སོགས་ཀྱི་རྒྱུ་རྐྱེན་ལ་གཞིགས་ནས་སྐྱེད་ཀ་གཏན་འཁེལ་བྱེད་དགོས། རང་བྱུང་མིའི་དབར་དངུལ་གཡར་རིགས་ལ་སྐྱེད་ཁ་མེད་པར་བརྩི་རྒྱུ་རེད།
རྩོམ་སྒྲིག་པ། བདེ་སྒྲོལ།