ཀྲུང་གོའི་བོད་ལྗོངས་དྲ་བ། > ཁྲིམས་ལུགས། > བཅའ་ཁྲིམས་རྒྱུན་ཤེས།

ཁ་གསབ་དངུལ་སྤར་འདུག དངོས་འབྲེལ་སྤར་འདུག

སྤེལ་དུས 2021-02-02 ཡོང་ཁུངས། བོད་ལྗོངས་ཉིན་ཚགས། རྩོམ་པ་པོ།

གྲོང་སྡོད་ལས་བྱེད་པའི་འཚོ་བའི་ཁ་གསབ་ཚད་གཞི་མཐོ་རུ་བཏང་ནས་གྲོང་སྡོད་ལས་བྱེད་པའི་ལས་ཀའི་སྤྲོ་སེམས་འཕེལ་བར་བྱས་པ།

གྲོང་སྡོད་ལས་དོན་རུ་ཁག་གི་རུ་མིའི་འཚོ་བའི་ཆུ་ཚད་མཐོ་རུ་བཏང་ནས་བོད་རང་སྐྱོང་ལྗོངས་ཏང་ཨུད་དང་སྲིད་གཞུང་གི་ཐུགས་ཁུར་དང་བྱམས་སྐྱོང་དོན་ཐོག་ཏུ་ཏན་ཏིག་འཁྱོལ་བ་བྱ་ཆེད། བོད་རང་སྐྱོང་ལྗོངས་ནོར་སྲིད་ཐིང་དང་བོད་རང་སྐྱོང་ལྗོངས་སྔོན་གཏོད་ལེགས་བརྩོན་དང་རྨང་བརྟན་དམངས་ཕན་འགོ་ཁྲིད་ཚོགས་ཆུང་གཞུང་ལས་ཁང་གིས《གྲོང་སྡོད་ལས་དོན་རུ་ཁག་གི་རུ་མིའི་འཚོ་བའི་ཁ་གསབ་ཚད་གཞི་མཐོ་རུ་གཏོང་རྒྱུའི་སྐོར་གྱི་བརྡ་ཐོ》བཀྲམ་པ་རེད།

2021ལོའི་ཟླ1ཚེས1ཉིན་ནས་བཟུང་། གྲོང་སྡོད་ལས་དོན་རུ་ཁག་གི་རུ་མིའི་འཚོ་བའི་ཁ་གསབ་ཚད་གཞི་ནི། རིགས་གཉིས་པའི་ས་ཁུལ་གྱི་མི་རེར་ཉིན་རེར་ཁ་གསབ་སྒོར52.5ཡིན་པ་ནས་མི་རེར་ཉིན་རེར་ཁ་གསབ་སྒོར70བར་སྤར་བ་དང་། རིགས་གསུམ་པའི་ས་ཁུལ་གྱི་མི་རེར་ཉིན་རེར་ཁ་གསབ་སྒོར70.2ཡིན་པ་ནས་མི་རེར་ཉིན་རེར་ཁ་གསབ་སྒོར90བར་སྤར་བ། རིགས་བཞི་པའི་ས་ཁུལ་གྱི་ས་བབ་མཐོ་ཚད་སྨི5000མན་གྱི་མི་རེར་ཉིན་རེར་ཁ་གསབ་སྒོར88.8ཡིན་པ་ནས་མི་རེར་ཉིན་རེར་ཁ་གསབ་སྒོར110བར་སྤར་བ། རིགས་བཞི་པའི་ས་ཁུལ་གྱི་ས་བབ་མཐོ་ཚད་སྨི5000ཡན（སྨི་5000ཚུད）གྱི་མི་རེར་ཉིན་རེར་ཁ་གསབ་སྒོར92ཡིན་པ་ནས་མི་རེར་ཉིན་རེར་ཁ་གསབ་སྒོར120བར་སྤར་ཡོད་པ་རེད།

གྲོང་སྡོད་ལས་དོན་རུ་ཁག་གི་རུ་མིའི་འཚོ་བའི་ཁ་གསབ་ཚད་གཞི་ལེགས་སྒྲིག་བྱས་པས་གྲོང་སྡོད་ལས་དོན་མི་སྣའི་འཚོ་བ་དང་ལས་ཀའི་ཐོབ་ཐང་སྔར་བས་ལེགས་སུ་ཕྱིན་པ་དང་། གྲོང་སྡོད་ལས་དོན་པའི་ལས་ཀའི་སྤྲོ་སེམས་འཕེལ་ཡོད། དེ་གྲོང་སྡོད་ལས་བྱེད་པའི་འགན་ལེན་ལྕག་སྐུལ་ལམ་སྲོལ་འཐུས་ཚང་དུ་གཏོང་བ་དང་གྲོང་སྡོད་ལས་བྱེད་པས་དབུལ་སྐྱོར་འཐབ་ས་དང་པོར་ལས་དོན་སྒྲུབ་པ་དང་ལས་གཏོད་བྱ་རྒྱུར་ལྕག་སྐུལ་དང་རྒྱབ་སྐྱོར་བྱེད་པའི་ངོས་ནས་བརྗོད་ན་དོན་སྙིང་གལ་ཆེན་ལྡན་ཡོད་པ་རེད།

རྩོམ་སྒྲིག་པ། བདེ་སྒྲོལ།