ལོ་གསར་རིང་རླངས་འཁོར་ཆུང་གྲས་དག་ལ་ལམ་གླ་མི་དགོས།
སྤེལ་དུས 2021-02-04
ཡོང་ཁུངས། ཀྲུང་གོའི་བོད་ལྗོངས་དྲ་བ།
རྩོམ་པ་པོ།
《རྒྱལ་སྲིད་སྤྱི་ཁྱབ་ཁང་གཞུང་དོན་ཐིང་གི2021ལོའི་དུས་ཆེན་འགའི་ངལ་གསོའི་ཉིན་མོ་བཀོད་སྒྲིག་བྱེད་པའི་སྐོར་གྱི་བརྡ་སྦྱོར》གཞིར་བཟུང་སྟེ། 2021ལོའི་ལོ་གསར་གྱི་གུང་གསེང་གཏོང་བའི་དུས་ཚོད་དེ་ཟླ2པའི་ཚེས11ཉིན་ནས་ཚེས17ཉིན་བར་ཁྱོན་བསྡོམས་ཉིན7ཡིན། ཟླ2པའི་ཚེས7ཉིན(གཟའ་ཉི་མ)དང་ཟླ2པའི་ཚེས20ཉིན(གཟའ་སྤེན་པ)ལས་ཚོགས་སུ་ཞུགས་དགོས།
འགྲིམ་འགྲུལ་སྐྱེལ་འདྲེན་པུའུ་ཡིས“ད་ལོའི་ལོ་གསར་རིང་རྒྱལ་ཡོངས་ཀྱི་ལམ་གྲོན་བསྡུ་བའི་གཞུང་ལམ་གྱིས་མུ་མཐུད་དུ་ཟླ2པའི་ཚེས11ཉིན་གྱི་ཆུ་ཚོད0ནས་ཚེས17ཉིན་གྱི་ཆུ་ཚོད24བར་འགྲུལ་སྐྱེལ་རླངས་འཁོར་ཆུང་གྲས་ཏེ། རྐུབ་སྟེགས7ཅན་དང་ཡང་ན་དེ་ལས་ཆུང་བའི་རླངས་འཁོར་ཆུང་གྲས་ལ་ལམ་གླ་བསྡུ་རྒྱུ་མིན”ཞེས་གསལ་བཤད་བྱས།
འགྲིམ་འགྲུལ་སྐྱེལ་འདྲེན་པུའུ་ཡིས་ད་དུང་ལོ་གསར་གྱི་སྐབས་སུ་ཕྱིའི་དགོས་མིན་འགྲོ་སྐྱོད་ཇེ་ཉུང་དུ་གཏོང་དགོས་ཤིང་། གལ་ཏེ་ངེས་པར་དུ་འགྲོ་སྐྱོད་བྱེད་དགོས་བྱུང་ཚེ་རིམས་ནད་སྔོན་འགོག་ཚོད་འཛིན་ཡག་པོ་བྱེད་དགོས་པ་དང་། འགྲོ་སྐྱོད་ཀྱི་ལམ་ཐིག་འཆར་འགོད་ལུགས་མཐུན་བྱེད་པ། སྔོན་མ་ནས་འབྲེལ་ཡོད་ཆ་འཕྲིན་ངེས་པར་བྱས་ནས་ལམ་སྐབས་ཀྱི་བདེ་འཇགས་ལ་འགན་ལེན་བྱེད་དགོས་པའི་འབོད་སྐུལ་བཏང་བ་རེད།
རྩོམ་སྒྲིག་པ། བདེ་སྒྲོལ།