ཧྥ་རན་སེའི་ཙུང་ཐུང་མཱ་ཁེ་ལུང་གིས་དེ་རིང་ནས་བཟུང་རང་རྒྱལ་ལ་རྒྱལ་དོན་འཚམས་འདྲི་བྱེད་པ། ཚོགས་ཆེན་བཅུ་དགུ་པའི་དགོངས་དོན་བགྲོ་གླེང་འཛིན་གྲྭ་སློབ་འགོ་ཚུགས་པ། བོད་སྐྱོད་འབུམ་རམས་པའི་ཞབས་ཞུ་ཚོགས་པས་མུ་མཐུད་རིག་སྟོབས་རོགས་སྐྱོར་བྱས་པ། བོད་ལྗོངས་ཀྱི་གཞོན་ནུ་ལོ་ཆུང་གི་ཚན་རིག་ལས་དོན་ཁང་ཐོག་མ་ལྷ་སར་བཙུགས་པ། བོད་ཀྱིས་རང་སྐྱོང་ལྗོངས་རིམ་པའི་མངོན་མིན་རིག་གནས་ཤུལ་བཞག་རྣམ་གྲངས་བརྒྱ་ལྷག་ཙམ་གསར་དུ་བསྣན་པ། ཞིང་ལས་དངུལ་ཁང་བོད་ལྗོངས་ཡན་ལག་དངུལ་ཁང་གིས“ངོ་རིས་བཤེར་ནས་དངུལ་ལེན་པའི”བྱེད་ནུས་བཏོན་པ། ཀྲུང་དབྱང་གི་ཁོར་ཡུག་སྲུང་སྐྱོབ་སྐོར་ཞིབ་རུ་ཁག་ཨང་དྲུག་པས་བོད་ལྗོངས་ལ་གྱོད་དོན་༡༧བརྒྱུད་སྤྱོད་བྱས། བོད་ལྗོངས་ཀྱི་གྲོང་གསེབ་ཀྱི་མི་སྡོད་ཁོར་ཡུག་བཅོས་སྒྲིག་ལ་གྲུབ་འབྲས་མངོན་གསལ་དོད་པོ་ཐོབ་པ། བོད་ཡིག་དཔེ་མཛོད་ཀྱི་གཞི་གྲངས་ལྟེ་གནས་དབུ་བརྙེས་པའི་མཛད་སྒོ་ཀྲུང་གོའི་བོད་རིག་པ་ཞིབ་འཇུག་ལྟེ་གནས་སུ་སྤེལ།
ཀྲུང་གོའི་བོད་ལྗོངས་དྲ་བ། > ཁྲིམས་ལུགས། > གྱོད་ལྟར་ཁྲིམས་གླེང་།

ཁྱི་ལ་རྡོ་རྩེད་མ་བྱེད་བྱིས་པ་ཚོ། ཁྱི་ཡིས་ཁྱོད་ལ་རྨུག་ན་སུ་ལ་བརྗོད།

སྤེལ་དུས 2017-08-30 ཡོང་ཁུངས། བོད་ཀྱི་དྲ་བ། རྩོམ་པ་པོ། ནོར་བུས་བསྒྲིགས།
           བཀྲ་ལོས་རུ་སྤོར་ནས་སྟོན་སར་འགྲོ་སྐབས་སུ། ཁོའི་རྗེས་སུ་ཁྲིད་པའི་ཁྱི་ལ་ཁྱིམ་མཚེས་ཀྱི་ལོ་བརྒྱད་ཅན་གྱི་བྱིས་པ་དོན་ཁོས་རྡོ་འགའ་འཕངས་པས་ཁྱིས་ན་ཟུག་མ་བཟོད་པར་ཁོ་བོར་སོ་ཁ་ཤས་བཏབ། རྫོང་སྨན་ཁང་དུ་ཁྲིད་དེ་སྨན་ཁང་གིས་བརྟག་དཔྱད་བྱས་མཐར།ཉིན་གཅིག་ལྷག་འགོར་སོང་བས་རྨ་ཁ་རྣག་པ་དང་། ལུས་ནས་ཁྲག་ཐོན་པ་མང་པས་སྨན་ཁང་དུ་བསྡད་ནས་སྨན་བཅོས་བྱེད་དགོས་བྱུང་སྟེ། ཉིན་༡༧རིང་སྨན་གསོ་བྱས་ཤིང་སྨན་ཡོན་སྒོར་༣༢༦༠བཀོལ། ཉིན་འདི་འགའི་རིང་ལ་བཀྲ་ལོ་ཚང་སྟོན་སར་སོང་ནས་བྱིས་པ་ལ་ཐེངས་གཅིག་ཀྱང་ལྟ་རུ་མ་ཡོང་བས་དོན་ཁོའི་ཕ་རྒན་གྱིས་ཁྲིམས་ཁང་ལ་ཞུ་གཏུག་བྱས་ཏེ་བྱིས་པའི་སྨན་ཡོན་དང་། འཚོ་བའི་གྲོན་དངུལ་སོགས་བཀྲ་ལོས་འཇལ་དགོས་པའི་རེ་བ་བཏོན། ཁྲིམས་ཁང་གིས་སྨན་རིན་དང་འཚོ་བའི་གྲོན་དངུལ་ཕྱོགས་གཉིས་ལ་ཕྱེད་ཀ་བྱས་ཏེ་སྨན་རིན་ལ་སྒོར་༡༦༣༠དང་འཚོ་བའི་ཁ་སྣོན་སྒོར་༤༠༠སྤྲོད་དགོས་པའི་ཁྲིམས་ཐག་བཅད།

          བཀྲ་ལོས་ཅི་ཞིག་ལ་འགྲོ་གྲོན་འདི་དག་ཁུར་དགོས་སམ་ཞེ་ན། འདི་ནི་རང་རྒྱལ་བཅའ་ཁྲིམས་ནང་སྲོག་ཆགས་ཀྱིས་གཞན་ལ་གནོད་འཚེ་བཏང་བ་ནི་ཁེ་དབང་ལ་གནོད་འཚེ་བཏང་བའི་འགན་འཁྲི་དམིགས་བསལ་ཞིག་ཡིན་ལ། སྲོག་ཆགས་གསོ་མཁན་ལ་ནོར་འཕྱུག་ཡོད་དམ་མེད་ཀྱང་རུང་སྲོག་ཆགས་ཀྱིས་གཞན་ལ་གནོད་འཚེ་བཏང་ཚེ། དམངས་དོན་སྐྱིན་ཚབ་ཀྱིས་འགན་འཁྲི་ཁུར་དགོས་ཞེས་གཏན་ཁེལ་བྱས་ཡོད། གྱོད་གཞི་འདིའི་གནས་ཚུལ་དངོས་ལ་བལྟས་ན་དོན་ཁོ་ལ་ཁྱིས་རྨུག་པ་དེ། ཁོ་རང་གི་སྤྱོད་པ་མ་བསླངས་པ་ཡིན་པས། དམངས་དོན་འགན་འཁྲི་ལས་རྒྱུ་འབྲས་ཀྱི་འགན་འཁྲིའི་རྩ་དོན་གཞིར་བཟུང་ནས། བཀྲ་ལོས་འགན་ཁུར་ཇེ་ཡང་དུ་བཏང་ཆོག  དེ་བས་ཁྲིམས་ཁང་གིས་བཀྲ་ལོས་འགྲོ་གྲོན་ཡོངས་ཀྱི་ཕྱེད་ཀ་ཁུར་དགོས་པའི་ཁྲིམས་ཐག་བཅད་པ་རེད།