ཙན་དན་དམར་པོ་ལྐོག་ཚོང་གི་གྱོད་གཞི་ཁྲིམས་ཐག་བཅད་པ།
སྤེལ་དུས 2019-01-04
ཡོང་ཁུངས། བོད་ལྗོངས་ཁྲིམས་ལུགས་ཚགས་པར།
རྩོམ་པ་པོ། ཚེ་རིང་གིས་བསྒྲིགས།
2018ལོའི་ཟླ་10ཚེས་26ཉིན། གཞིས་རྩེ་གྲོང་ཁྱེར་འབྲིང་རིམ་མི་དམངས་ཁྲིམས་ཁང་གིས་ཙན་དན་དམར་པོ་ལྐོག་ཚོང་དང་འབྲེལ་བ་ཡོད་པའི་ཉེས་གསོག་དོགས་ཅན་5ལ་ཁྲུན་ཐག་བཅད་པའི་ནང་། ཉེས་ཅན་གཏེ་པོ་ཅང་ཆེ་གེ་མོར་ལོ་གསུམ་གྱི་དུས་བཀག་བཙོན་འཇུག་གི་ཁྲིམས་ཐག་བཅད་པ་དང་ཉེས་གསོག་དོགས་ཅན་5པོས་གོང་གཏུག་བྱས་མེད་པས། ཁྲུན་ཐག་བཅད་པ་དེ་ད་ཆ་ནུས་པ་ཐོན་ཡོད།
2017ལོའི་ཟླ་11པའི་ཚེས་1ཉིན། གཉའ་ནང་འགག་སྒོ་ལས་ཁུངས་ལྐོག་ཚོང་ཞིབ་བཤེར་ཡན་ལག་ཅུས་ཀྱིས་གཞིས་རྩེ་གྲོང་ཁྱེར་བསམ་གྲུབ་རྩེ་ཆུས་ཀྱི་མཛོད་ཁང་ཞིག་ནས་ལྐོག་ཚོང་བྱས་པའི་ཙན་དན་དམར་པོ་སྤྱི་རྒྱ་1716.8དང་རིན་ཐང་སྒོར་ཁྲི་185.32ཟིན་པའི་གྱོད་གཞི་ཞིག་རྩད་ཆོད་པ་མ་ཟད། ཉེས་གསོག་དོགས་ཅན་5བདེ་བླག་ངང་བཟུང་བ་རེད།
ཙན་དན་དམར་པོ་ནི《སྟོངས་ལ་ཉེ་བའི་བདག་ཏུ་མ་བཟུང་བའི་སྲོག་ཆགས་དང་རྩི་ཤིང་གི་སྣ་ཁའི་རྒྱལ་སྤྱིའི་ཚོང་དོན་སྤྱི་ཆིངས》ཀྱི་ཟུར་བཀོད་IIཔར་འཁོད་པའི་ཕྱིར་གཏོང་དང་ནང་འདྲེན་བྱེད་མི་ཆོག་པའི་རིགས་རེད། ཙན་དན་དམར་པོ་ནང་འདྲེན་བྱེད་དགོས་ན་ངེས་པར་དུ་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྟོངས་ལ་ཉེ་བའི་དངོས་རིཌ་ནང་འདྲེན་ཕྱིར་གཏོང་དོ་དམ་གཞུང་ལས་ཁང་གིས་གཉེར་བའི《སྟོངས་ཉེའི་དངོས་རིཌ་ནང་འདྲེན་བྱ་ཆོག་པའི་ཆོག་འཐུས་ལག་ཁྱེར》རག་རྗེས། གཞི་ནས་འགག་སྒོ་སྒྲོལ་བའི་འགྲོ་ལུཌ་གཉེར་ཆོག་གི་ཡོད།