ཀྲུང་དབྱང་སྒྲིག་ཨུད་རྒྱལ་ཁབ་ལྟ་བཤེར་ཨུ་ལྷན་གྱི་དྲ་ཚུགས་ཐོག“སྤྱོད་ཚུལ་བཞིའི”གནད་དོན་གྱི་དཔེ་མཚོན་གྱོད་དཔེ་10བརྡ་ཁྱབ་བཏང་བ།
སྤེལ་དུས 2020-06-12
ཡོང་ཁུངས། མི་དམངས་ཉིན་རེའི་ཚགས་པར།
རྩོམ་པ་པོ།
ཉིན་ཤས་གོང་། ཀྲུང་དབྱང་སྒྲིག་ཨུད་རྒྱལ་ཁབ་ལྟ་བཤེར་ཨུ་ལྷན་དྲ་ཚུགས་ཀྱི“ལྔ་གཅིག་དང་ལྔ་པའི་ཚེས་ལྔའི་དུས་ཆེན་རིང་གི‘སྤྱོད་ཚུལ་བཞིའི’གནད་དོན་གྱི་ལྟ་སྐུལ་ཐེར་འདོན་དམར་འདོན་ཆེད་ཁུལ”དུ་ས་གནས་ཁག་ནས་ཞིབ་བཤེར་ཐག་གཅོད་བྱས་པའི“སྤྱོད་ཚུལ་བཞིའི”གནད་དོན་གྱི་དཔེ་མཚོན་གྱོད་དཔེ་10བརྡ་ཁྱབ་བཏང་བ་རེད། འདི་ནི་ཆེད་ཁུལ་དེར“གཟའ་འཁོར་གཉིས་རེར་བརྡ་ཁྱབ་ཐེངས་རེ་གཏོང་བའི”ལེ་ཚན་བཟོས་ཚུན་གྱི་གཅིག་སྡུད་དམར་འདོན་བྱེད་ཐེངས་གསུམ་པ་ཡིན་པ་རེད།
བརྡ་ཁྱབ་བཏང་བའི་གནད་དོན་དེ་དག་སི་ཁྲོན་དང་། ཀོང་ཏུང་། ཧྲའན་ཤིས། ཉིང་ཤ་སོགས་ཞིང་ཆེན(རང་སྐྱོང་ལྗོངས)10ནས་ཐོན་པ་དང་གཙོ་བོ་སྒྲིག་ཁྲིམས་ལས་འགལ་ནས་འབུལ་རྟེན་བླངས་པ་དང་། སྒྲིག་ཁྲིམས་ལས་འགལ་ནས་གཞུང་དངུལ་སྤྱད་དེ་སྣེ་ལེན་བྱས་པ། སྒེར་འཁོར་གཞུང་གསོ། ཞབས་འདེགས་ཞུ་ཡུལ་གྱིས་བཀོད་སྒྲིག་བྱས་པའི་ཡུལ་སྐོར་དང་ལེན་བྱས་པ། འདས་མཆོད་ལ་ཁ་གཡར་ནས་རྒྱུ་ནོར་བསྡུ་ལེན་བྱས་པ་སོགས་རིགས་སྣ་ཚོགས་ཚུད་པས། དེས་ལྔ་གཅིག་དང་ལྔ་པའི་ཚེས་ལྔའི་དུས་ཆེན་རིང་གི‘སྤྱོད་ཚུལ་བཞིའི’གནད་དོན་བསྐྱར་དུ་ལྷག་པར་བཀག་སྡོམ་བྱ་རྒྱུར་ཟིལ་གནོན་གྱི་ནུས་པ་ཅུང་ཆེ་ཙམ་ལྡན་ཡོད་པ་རེད།