མི་བསད་རྗེས་བྲོས་བྱོལ་བྱས་པའི་གྱོད་གཞི་ཞིག་རྩད་ཆོད་འདུག
སྤེལ་དུས 2021-04-06
ཡོང་ཁུངས། སེམས་ཀྱི་ཞིང་ཁམས།
རྩོམ་པ་པོ།
སྤྱི་ཟླ་༤ཚེས་༤ཉིན། ལྷ་ས་གྲོང་ཁྱེར་གྲོང་སྐོར་བྱང་ལམ་དུ་འགྲིམ་འགྲུལ་ལས་འཛོལ་ཐོན་ནས་བྲོས་བྱོལ་དུ་སོང་རྗེས་མི་གཅིག་རྐྱེན་ལམ་དུ་ཤོར་བ་རེད། ལྷ་ས་གྲོང་ཁྱེར་སྤྱི་བདེ་ཅུད་འགྲིམ་འགྲུལ་ཉེན་རྟོག་ཉིང་ལག་རུ་ཁག་གིས་དོན་དེར་མཐོང་ཆེན་གནང་ནས། འཕྲལ་དུ་ཉེན་རྟོག་པ་སྒྲིག་འཛུགས་བྱས་ཏེ། བརྙན་མིག་ལས་ཉེ་འཁོར་དུ་བལྟས་པ་བརྒྱུད། གྱོད་གཞི་ཐོན་པའི་ཉིན་མོར་འགྲིམ་འགྲུལ་ལས་འཛོལ་ཐོན་རྗེས་མི་བསད་ནས་གྲོས་བྱོལ་དུ་སོང་བའི་གྱོད་གཞི་དེ་རྩད་ཆོད་པ་རེད།
རླངས་འཁོར་གཏོང་མཁན་ཚེ་ཆེ་གེ་མོ་འཛིན་བཟུང་བྱས་ཏེ་ཉེན་རྟོག་པར་རྩིས་སྤྲད་པ་རེད། ལས་འཛོལ་ཐོན་རྗེས་དུས་ཐོག་ཏུ་རླངས་འཁོར་ཁ་བཀག་ནས་སྲོག་སྐྱོབ་བྱས་མེད་ལ་མིག་བལྟ་ཙམ་ཡང་མ་བྱས་པར། མུ་མཐུད་རླངས་འཁོར་བཏང་ནས་ལས་འཛོལ་ཐོན་ས་ནས་བྲོས་བྱོལ་བྱས་ཏེ། ཁྲིམས་ལུགས་ཀྱི་རྒྱ་ལས་ཐར་བའི་དམིགས་ཡུལ་བཅངས་པ་དེས། གློག་འཁོར་གཏོང་མཁན་དེ་གྲོངས་པ་རེད།
ཚེ་ཆེ་གེ་མོས་འགྲིམ་འགྲུལ་ལས་འཛོལ་ཐོན་རྗེས་བྲོས་བྱོལ་དུ་ཕྱིན་པའི་སྐོར་མ་གསང་དྲང་པོས་ངོས་ལེན་བྱས་པར་མ་ཟད། གྲོང་བྱང་འགྲིམ་འགྲུལ་ཉེན་རྟོག་རུ་ཆེན་དུ་ཚེ་ཆེ་གེ་མོ་གནོང་འགྱོད་ཆེན་པོས་མིག་ཆུ་ཤོར་བ་རེད།
འགྲིམ་འགྲུལ་ལས་འཛོལ་ཐོན་ནས་བྲོས་བྱོལ་དུ་ཕྱིན་པའི་ཚེ་ཆེ་གེ་མོས་འགྱོད་པ་ཆེན་པོས། གལ་སྲིད་གནས་ཚུལ་དེ་ལྟ་བུ་ཐོན་ཚེ། བྲོས་བྱོལ་རྩ་བ་ནས་མི་བྱེད་པར་ལམ་སང་༡༡༠དང་༡༢༠ཁ་པར་བརྒྱག་དགོས་པ་ལས་བྲོས་བྱོལ་དུ་འགྲོ་རྒྱུ་མི་འདུག དེ་ལས་ལྡོག་ཚེ་འགྱོད་པ་སྐྱེས་ཀྱང་འཕྱི་དྲགས་འདུག
མིག་སྔར། ཚེ་ཆེ་གེ་མོའི་འགྲིམ་འགྲུལ་ལས་འཛོལ་ཐོན་ནས་བྲོས་བྱོལ་དུ་ཕྱིན་པའི་གནས་ཚུལ་དེར་ལྷ་ས་འགྲིམ་འགྲུལ་ཉེན་རྟོག་པས་ཁྲིམས་ལྟར་ཉེས་དོན་བཀག་ཉར་བྱས་ཤིང་། གྱོད་གཞི་དེ་ད་ལྟ་མུ་མཐུད་ཐག་གཅོད་བྱེད་བཞིན་ཡོད་པ་རེད།
རྩོམ་སྒྲིག་པ། བདེ་སྒྲོལ།