༄༅།།མི་རིགས་མཐུན་སྒྲིལ་ནི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་འགན་ལེན་གལ་ཆེན་ཡིན།
སྤེལ་དུས 2017-08-30
ཡོང་ཁུངས། ཀྲུང་གོའི་བོད་ལྗོངས་དྲ་བ།
རྩོམ་པ་པོ། ལྷག་ཚེས་ཞུས།
རང་རྒྱལ་ནི་མི་རིགས༥༦ལས་གྲུབ་པའི་མི་རིགས་མང་བའི་རྒྱལ་ཁབ་གཅིག་གྱུར་ཞིག་ཡིན། བསྒྱུར་བཅོས་སྒོ་འབྱེད་ལོ་ངོ་༣༠བྱས་ཚུན་དུ། ཏང་གི་འགོ་ཁྲོད་འོག་རང་རྒྱལ་མི་རིགས་ཁག་གིས་བློ་གཅིག་སེམས་གཅིག་དང་ཕྱར་བ་གྲུ་འདེགས། ལག་གདང་སྦྲེལ་ནས་མདུན་དུ་སྐྱོད་པ་བཅས་བྱས་པ་དང་། རྒྱལ་སྤྱི་དང་རྒྱལ་ནང་གི་འགྲན་སློང་དང་གནོན་ཤུགས་སྣ་ཚོགས་ལ་ཁ་གཏད་འཇལ་བ་མ་ཟད་དེའི་ཉམས་ཚོད་ཀྱང་ཐེག་པར་བྱས་ནས་དཔལ་འབྱོར་འཕེལ་རྒྱས་དང་། ཆབ་སྲིད་བརྟན་ལྷིང་། རིག་གནས་དར་རྒྱས། སྤྱི་ཚོགས་འཆམ་མཐུན། མི་དམངས་བདེ་སྐྱིད་བཅས་ཡོང་བའི་རྣམ་པ་བཟང་པོ་སྲུང་འཛིན་བྱས་ཡོད། མི་རིགས་ཀྱི་འབྲེལ་བ་མཐུན་སྦྱོར་དང་མི་རིགས་མཐུན་སྒྲིལ་སྲུང་སྐྱོང་བྱེད་པའི་སྐོར་གྱི་ང་ཚོའི་ཏང་གི་རིགས་པའི་གཞུང་ལུགས་དང་བྱེད་ཕྱོགས་སྲིད་ཇུས་བཅས་ཟམ་མི་འཆད་པར་དུས་བསྟུན་འཕེལ་རྒྱས་འགྲོ་བ་དང་། རླབས་ཆེ་ཉམས་བརྗིད་ཀྱི་དེང་རབས་ཅན་དུ་འགྱུར་བའི་འཛུགས་སྐྲུན་ལག་ལེན་གྱིས་མི་རིགས་མཐུན་སྒྲིལ་དང་ཡར་ཐོན་ལས་དོན་ལ་རྒྱུན་མི་འཆད་པར་གསོན་ཤུགས་སྣོན་པ། རྒྱལ་ཡོངས་མི་རིགས་ཁག་གི་མི་དམངས་ཀྱི་མཐུན་སྒྲིལ་ཆེན་པོ་སྔར་ལས་སྲ་བརྟན་དུ་འགྱུར་བ་བཅས་ཀྱིས་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་བ་གཞག་རླབས་པོ་ཆེ་འཕེལ་རྒྱས་ཟམ་མི་འཆད་པ་ཡོང་བར་འགན་ལེན་བརྟན་པོ་བྱས་ཡོད།