ཉེ་ཆར། ཀོང་ཀྲོའུ་གྲོང་ཁྱེར་པའེ་ཡུན་ཁུལ་དུ་སྐྱེས་པ་ཞིག་གིས་རིམས་ནད་དང་འབྲེལ་བའི་དཀྲོག་གཏམ་བཟོས་པས། པའེ་ཡུན་ཉེན་རྟོག་ཕྱོགས་ཀྱིས་ཁྲིམས་ལྟར་ཆད་པ་བཅད་པ་དང་བརྗོད་གཞི་འདིར་དྲ་གྲོགས་མང་པོས་དོ་ཁུར་བྱེད་ཀྱིན་འདུག
“ང་ལ་རིམས་ནད་འགོས་ཡོད”ཅེས་སྐྱེས་པ་ཞིག་གིས་གུང་གསེང་ལ་རོལ་ཆེད་རིམས་ནད་རྫུན་ཞུ་བྱས།
ཟླ12པའི་ཚེས25ཉིན་གྱི་དགོང་མོར། རང་ཉིད་ལ“ཉིང་སྐྱུར་བརྟག་དཔྱད་འབྲས་བུ་གདགས་གཤིས་རེད”ཅེས་པའི་གནས་ཚུལ་ཞིག་གིས་ཀུང་སི་ག་གེ་མོའི་སྐད་འཕྲིན་ཚོགས་པའི་ནང་གྲགས་འགུལ་ཆེན་པོ་བཟོས།
གནས་ཚུལ་བསྒྲགས་མཁན་ལས་བཟོ་བ་དེས་ཧྥུའུ་ཧྲན་གྱི་སྨན་ཁང་ཞིག་གིས་བཏོན་པའི“ཉིང་སྐྱུར་བརྟག་དཔྱད་འབྲས་བུ་གདགས་གཤིས་ཡིན་པའི”སྙན་ཞུ་ཡི་གེ་ཞིག་ཀྱང་ཟུར་དུ་བཀོད་ཡོད། དེ་ནི་གནས་ཚུལ་ཆེན་པོ་ཞིག་ཡིན་པ་སྨོས་མེད་རེད། དེས་ཀུང་སིའི་སྐད་འཕྲིན་ཚོགས་པར་གྲགས་འགུལ་ཆེན་པོ་བཟོས་པས་ཚོགས་པའི་ནང་གི་མི་རྣམས་ཀྱིས་ཧྥོ་ཧྲན110ལ་ཁ་པར་ཡང་ཡང་གཏོང་གིན་ཡོད།
ཟླ12པའི་ཚེས26ཉིན་གྱི་ཞོགས་པར། ཞག་མ་གཅིག་གི་རིང་ལ་མྱུར་བཤེར་བྱས་པ་བརྒྱུད་མི་དམངས་ཉེན་རྟོག་པས་པའེ་ཡུན་རིན་ཧུ་ས་ཁོངས་ནས“རིམས་ནད་འགོས་ཡོད”ཟེར་མཁན་གྱི་སྐྱེས་པ་ལེང་ཆེ་གེ་མོ་རྙེད་པ་དང་། འཕྲལ་མར་རིམས་འགོག་མི་སྣར་གཞོགས་འདེགས་བྱས་ཏེ་ལེང་ཆེ་གེ་མོ་མྱུར་དུ་སྨན་ཁང་གི་ལོགས་བཀར་ནད་ཁུལ་དུ་བསྐྱལ་ནས་བརྟག་དཔྱད་བྱས། ཞིབ་བཤེར་མཇུག་འབྲས་ལས་མངོན་པར་གཞིགས་ན། ལེང་ཆེ་གེ་མོའི་གཟུགས་པོའི་གནས་ཚུལ་རྒྱུན་ལྡན་ཡིན་པ་དང་ཉིང་སྐྱུར་ཞིབ་དཔྱད་ཚད་ལེན་ནི་སྲིབ་གཤིས་ཡིན་པ་ལས་རྒྱུན་གཏན་མིན་པའི་གནས་ཚུལ་གཞན་གང་ཡང་མ་བྱུང་།
མི་དམངས་ཉེན་རྟོག་པའི་རྩད་འདྲི་བྱས་མཐར་ལེང་ཆེ་གེ་མོས་ཡེ་ཤུའི་འཁྲུངས་སྐར་གྱི་གུང་གསེང་ལ་རོལ་འདོད་ཀྱང་ཀུང་སིས་ཆོག་མཆན་མ་ཐོབ་པས། སྐད་འཕྲིན་ནང་ནས་བརྡ་ཁྱབ་བཟོ་མཁན་གྱི་དྲ་གྲོགས་ཤིག་བཙལ་ནས་དེར་སྨན་ཁང་གི་ཉིང་སྐྱུར་བརྟག་དཔྱད་འབྲས་བུའི་སྙན་ཞུ་ཞིག་རྫུན་བཟོ་བྱེད་དུ་བཅུག་པ་དང་འབྲེལ་སྙན་ཞུའི་ཡི་གེ་ཀུང་སིའི་ལས་དོན་ཚོགས་པའི་ནང་བསྐུར་བ་ཡིན་ཞེས་སྦ་གསང་མེད་པར་བཤད།
དེ་དང་ཆབས་ཅིག་མི་དམངས་ཉེན་རྟོག་པས་ལེང་ཆེ་གེ་མོར་དོགས་གཞི་ཡོད་པའི་གནས་ཚུལ་གཞན་དག་ཡོད་པ་དང་། རང་ཉིད་ཀྱི་ཐོབ་ཐང་དང་ཀུང་སིའི་ལས་ཞུགས་ཆ་འཕྲིན་གཅིག་མཚུངས་མིན་པ་ཤེས་རྟོགས་བྱུང་། ལེང་ཆེ་གེ་མོས་ཉིང་སྐྱུར་བརྟག་དཔྱད་འབྲས་བུའི་སྙན་ཞུ་རྫུན་བཟོ་བྱས་པ་དེ་རང་ཉིད་ཀྱིས་བཟོས་པ་ཞིག་ཡིན་ལ། དེའི་དམིགས་ཡུལ་ནི་ཀུང་སིར་བདེ་བླག་ངང་དགོངས་པ་ཞུ་ཆེད་ཡིན། ཁོང་རང་ཉིད་ཀྱི་མིང་ལའང“ལེང་གེ་མོ”ཞེས་མི་འབོད་པར“ལེང་ཆེ་གེ་མོ”ཞེས་པ་དེ་ཡིན་པ་དང་། ཁོང་གིས་རང་གི་གཅེན་པོ“ལེང་གེ་མོ”ཡི་ཐོབ་ཐང་ཆ་འཕྲིན་རྫུས་སྤྱོད་བྱས་ནས་ཀུང་སིའི་ལས་ཞུགས་འགྲོ་ལུགས་གཉེར་བ་ཡིན་ཞེས་གསལ་བཤད་བྱས་པ་རེད།
མིག་སྔར་ལེང་ཆེ་གེ་མོས་དཀྲོག་གཏམ་སྤེལ་བ་དང་། རིམས་ནད་རྫུན་ཞུ་བྱས་པ། མི་གཞན་གྱི་ཐོབ་ཐང་ལག་ཁྱེར་རྫུས་སྤྱོད་བྱས་པ་བཅས་ཀྱི་རྐྱེན་གྱིས་ཉེན་རྟོག་ཕྱོགས་ཀྱིས་ཁྲིམས་ལྟར་སྲིད་འཛིན་བཀག་ཉར་ཉིན20བྱས་པ་དང་འབྲེལ་དངུལ་ཆད་སྒོར500བཅད་པ་རེད།
དྲ་གྲོགས་ཚང་མས་འདིའི་ཐད་དཔྱད་གླེང་ཆེན་པོ་བྱས་སོང་སྟེ།
ལ་ལ་ཁོང་ཁྲོ་ཆེན་པོ་ལངས་བཞིན་འདུག་ལ།
ལ་ལ་ཞིག་གིས“རིམས་ནད་ཀྱིས་ཀུ་རེ་མ་རྩེད”ཅེས་འཁང་ར་བྱེད་བཞིན་འདུག
ཡང་འགའ་ཞིག་གིས“དོན་མེད་རྫུན་གཏམ་བཤད་ན་མཇུག་འབྲས་རང་གིས་འཁུར་དགོས”ཞེས་དང་།
ཡང་ཁ་ཤས་ཀྱིས“རང་ཁ་གསེར་གྱི་སྒོ་མོ། ། རང་སྲོག་གཅོད་པའི་སྟ་རེ། །”ཞེས།
རང་སྡུག་རང་གིས་ཉོས་པ་རེད་སོགས་གླེང་བཞིན་འདུག
རྩོམ་སྒྲིག་པ། བདེ་སྒྲོལ།
