2019ལོའི་དུས་ཆེན་དང་གུང་གསེང་འགའི་བཀོད་སྒྲིག་སྐོར་གྱི་རྒྱལ་སྲིད་སྤྱི་ཁྱབ་ཁང་གཞུང་དོན་ཐིང་གི་བརྡ་ཐོ།
སྤེལ་དུས 2018-12-14
ཡོང་ཁུངས། བོད་ལྗོངས་ཁྲིམས་ལུགས་ཚགས་པར།
རྩོམ་པ་པོ། ཚེ་རིང་གིས་བསྒྲིགས།
ཤིན་ཧྭ་གསར་འགྱུར་ཁང་དུ་པེ་ཅིང་ནས་ཟླ་12ཚེས་6ཉིན་གློག་འཕྲིན་འབྱོར་གསལ། 2019ལོའི་དུས་ཆེན་དང་གུང་གསེང་འགའི་བཀོད་སྒྲིག་སྐོར་གྱི་རྒྱལ་སྲིད་སྤྱི་ཁྱབ་ཁང་གཞུང་དོན་ཐིང་གི་བརྡ་ཐོ་ཆ་ཚང་གཤམ་གསལ། ཞིང་ཆེན་དང་། རང་སྐྱོང་ལྗོངས། ཐད་གཏོགས་གྲོང་ཁྱེར་བཅས་ཀྱི་མི་དམངས་སྲིད་གཞུང་དང་། རྒྱལ་སྲིད་སྤྱི་ཁྱབ་ཁང་གི་པུའུ་ཨུད་ཁག་དང་ཐད་གཏོགས་སྒྲིག་གཞི་ཁག་ལ། རྒྱལ་སྲིད་སྤྱི་ཁྱབ་ཁང་གི་ཆོག་མཆན་ཐོབ་པ་བརྒྱུད། ད་ལྟ་2019ལོའི་གནམ་ལོ་གསར་ཚེས་དང་། དཔྱིད་གསར་དུས་ཆེན། དྭངས་གསལ་དུས་ཚིགས། ངལ་རྩོལ་དུས་ཆེན། ལྔ་པའི་ཚེས་ལྔའི་དུས་ཆེན། ཟླ་མཆོད་དུས་ཆེན། རྒྱལ་སྟོན་བཅས་ཀྱི་གུང་གསེང་གི་ཞིབ་ཕྲའི་བཀོད་སྒྲིག་བརྡ་ཐོ་གཏོང་རྒྱུ་ཡིན།གཅིག གནམ་ལོ་གསར་ཚེས། 2018ལོའི་ཟླ་12ཚེས་30ཉིན་ནས་2019ལོའི་ཟླ་1ཚེས་1ཉིན་བར་ཁྱོན་ངལ་གསོ་ཉིན་གསུམ་ཡིན། 2018ལོའི་ཟླ་12ཚེས་29ཉིན་ཏེ་། གཟའ་སྤེན་པར་ལས་ཀ་ཡིན། གཉིས། དཔྱིད་གསར་དུས་ཆེན། ཟླ་2ཚེས་4ནས་ཚེས་10ཉིན་བར་ཁྱོན་ངལ་གསོ་ཉིན་བདུན་ཡིན། ཟླ་2ཚེས་2ཉིན་ཏེ་གཟའ་སྤེན་པ་དང་ཟླ་2ཚེས་3ཉིན་ཏེ་གཟའ་ཉི་མར་ལས་ཀ་ཡིན། གསུམ། དྭངས་གསལ་དུས་ཚིགས། ཟླ་4ཚེས་5ཉིན་དང་གཟའ་མཇུག་མཉམ་དུ་ངལ་གསོ་ཡིན། བཞི། ངལ་རྩོལ་དུས་ཆེན། ཟླ་5ཚེས་1ཉིན་ངལ་གསོ་ཡིན། ལྔ། ལྔ་པའི་ཚེས་ལྔའི་དུས་ཆེན། ཟླ་6ཚེས་7ཉིན་དང་གཟའ་མཇུག་མཉམ་དུ་ངལ་གསོ་ཡིན། དྲུག ཟླ་མཆོད་དུས་ཆེན། ཟླ་9ཚེས་13ཉིན་དང་གཟའ་མཇུག་མཉམ་དུ་ངལ་གསོ་ཡིན། བདུན། རྒྱལ་སྟོན། ཟླ་10ཚེས་1ནས་ཚེས་7ཉིན་བར་ཁྱོན་ངལ་གསོ་ཉིན་བདུན་ཡིན། ཟླ་9ཚེས་29ཉིན་ཏེ་གཟའ་ཉི་མ་དང་ཟླ་10ཚེས་12ཉིན་ཏེ་གཟའ་སྤེན་པར་ལས་ཀ་ཡིན། དུས་ཆེན་དང་གུང་གསེང་རིང་། ས་ཁུལ་ཁག་དང་སྡེ་ཚན་ཁག་གིས་སྡོད་བྱ་དང་། བདེ་འཇགས། བདེ་སྲུང་སོགས་ཀྱི་ལས་དོན་བཀོད་སྒྲིག་ཡག་པོ་བྱེད་དགོས་པ་དང་། ཐོལ་བྱུང་དོན་རྐྱེན་ཆེན་པོ་ཐོན་ཚེ་གཏན་འབེབས་ལྟར་དུས་ཐོག་ཏུ་སྙན་སེང་ཞུ་བ་མ་ཟད་ཐག་གཅོད་་འོས་འཚམ་བྱས་ཏེ་མི་དམངས་མང་ཚོགས་རྣམས་འཆམ་མཐུན་དང་བདེ་འཇགས་ལྡན་པའི་ངང་དུས་ཆེན་དང་གུང་གསེང་ལ་རོལ་རྒྱུའི་འགན་ལེན་བྱེད་དགོས།རྒྱལ་སྲིད་སྤྱི་ཁྱབ་ཁང་གཞུང་དོན་ཐིང་གིས།
2018ལོའི་ཟླ་12ཚེས་4ཉིན།