མཚོ་སྔོན་ཞིང་ཆེན་གྱིས་དོན་རྐྱེན་བཟོས་པའི་སྐྱེལ་འདྲེན་ཁེ་ལས་ཆེན་པོ་བཅུ་དམར་རྗེན་དུ་བཏོན་པ།
སྤེལ་དུས 2019-12-27
ཡོང་ཁུངས། ཀྲུང་གོ་བོད་ཀྱི་དྲ་བ།
རྩོམ་པ་པོ།
ཟླ12ཚེས25ཉིན་གསར་འགོད་པས་ཞིང་ཆེན་སྤྱི་བདེ་ཐིང་འགྲིམ་འགྲུལ་ཉེན་རྟོག་སྤྱི་ཁྱབ་རུ་ཁག་ནས་ཤེས་རྟོགས་བྱས་པར་གཞིགས་ན། 2019ལོའི་ལོ་འཁོར་གྱི་འགྲིམ་འགྲུལ་དོན་རྐྱེན་གནས་ཚུལ་གྲལ་བཤེར་བྱས་པ་བརྒྱུད་སྤྱི་ཁྱབ་རུ་ཁག་གིས་འགྲིམ་འགྲུལ་བདེ་འཇགས་ཀྱི་ཉེན་ཁ་མངོན་གསལ་དོད་པའི་ཁེ་ལས10བདམས་པ་དང་གཞུང་ལམ་འགྲུལ་སྐྱེལ་དང་ཟོག་འདྲེན་ཁེ་ལས་བཅུ་བོར་ཁོངས་གཏོགས་འགྲུལ་སྐྱེལ་དང་ཟོག་འདྲེན་རླངས་འཁོར་ཁྲོད་མི་ཤི་རྨས་ཀྱི་གཞུང་ལམ་འགྲིམ་འགྲུལ་དོན་རྐྱེན་བྱུང་ཡོད་པ་རེད།
ཁེ་ལས་དེ་དག་ནི་ཟི་ལིང་ཧྲུན་ཞང་འཕྲུལ་སྒུལ་འཁོར་རིགས་ཞབས་ཞུ་ཚད་ཡོད་ཀུང་སི། 2019ལོར་འགྲིམ་འགྲུལ་དོན་རྐྱེན་ཐེངས5བྱུང་སྟེ་མི་3ཤི་བ་དང་མི་3རྨས་འདུག ཟི་ལིང་གྲོང་ཁྱེར་སྐྱེལ་འདྲེན་ཚད་ཡོད་ཀུང་སིའི་ཤར་ཕྱོགས་རླངས་འཁོར་གླ་གཏོང་ལས་རིགས། 2019ལོར་འགྲིམ་འགྲུལ་དོན་རྐྱེན་ཐེངས6བྱུང་ནས་མི་2ཤི་བ་དང་མི་8ལ་རྨས་སྐྱོན་ཕོག་འདུག ཟི་ལིང་འགྲུལ་ཟོག་སྐྱེལ་འདྲེན་ཚོང་དོན་ཀུང་སི། 2019ལོར་འགྲིམ་འགྲུལ་དོན་རྐྱེན་ཐེངས3བྱུང་ནས་མི་2ཤི་བ་དང་མི་3ལ་རྨས་སྐྱོན་ཕོག་འདུག ཟི་ལིང་སྤྱི་སྤྱོད་རླངས་འཁོར་ཚོགས་པ་ཚད་ཡོད་འགན་འཁྲི་ཀུང་སི། 2019ལོར་འགྲིམ་འགྲུལ་དོན་རྐྱེན་ཐེངས6བྱུང་ནས་མི་2ཤི་བ་དང་མི་4ལ་རྨས་སྐྱོན་ཕོག་འདུག ཟི་ལིང་ཧྥུའུ་ཁྲང་ཧྲུན་ཟོག་འགྲེམས་ཚད་ཡོད་ཀུང་སི། 2019ལོར་འགྲིམ་འགྲུལ་དོན་རྐྱེན་ཐེངས6བྱུང་ནས་མི་3ཤི་བ་དང་མི་8ལ་རྨས་སྐྱོན་ཕོག་འདུག མཚོ་སྔོན་ཞིང་ཆེན་ཀྲུང་གོ་གཞོན་ནུ་ཡུལ་སྐོར་ལས་དོན་ཁང་གླ་གཏོང་རླངས་འཁོར་ཚད་ཡོད་ཀུང་། 2019ལོར་འགྲིམ་འགྲུལ་དོན་རྐྱེན་ཐེངས7བྱུང་ནས་མི་2ཤི་བ་དང་མི་6ལ་རྨས་སྐྱོན་ཕོག་འདུག མཚོ་སྔོན་རུའེ་ཏ་གླ་གཏོང་རླངས་འཁོར་ཚད་ཡོད་ཀུང་སི། 2019ལོར་འགྲིམ་འགྲུལ་དོན་རྐྱེན་ཐེངས3བྱུང་ནས་མི་2ཤི་བ་དང་མི་2ལ་རྨས་སྐྱོན་ཕོག་འདུག མཚོ་ཤར་གྲོང་ཁྱེར་ཐུང་ཏ་རླངས་འཁོར་སྐྱེལ་འདྲེན་ཚད་ཡོད་འགན་འཁྲི་ཀུང་སི། 2019ལོར་འགྲིམ་འགྲུལ་དོན་རྐྱེན་ཐེངས6བྱུང་ནས་མི་3ཤི་བ་དང་མི་11ལ་རྨས་སྐྱོན་ཕོག་འདུག གུང་ཧོ་རྫོང་ཏུང་ཧྲུན་རླངས་འཁོར་སྐྱེལ་འདྲེན་ཚད་ཡོད་འགན་འཁྲི་ཀུང་སི། 2019ལོར་འགྲིམ་འགྲུལ་དོན་རྐྱེན་ཐེངས4བྱུང་ནས་མི་3ཤི་བ་དང་མི་1ལ་རྨས་སྐྱོན་ཕོག་འདུག གུང་ཧོ་རྫོང་རླངས་འཁོར་སྐྱེལ་འདྲེན་ཚད་ཡོད་འགན་འཁྲི་ཀུང་སི་དང་པོ། 2019ལོར་འགྲིམ་འགྲུལ་དོན་རྐྱེན་ཐེངས3བྱུང་ནས་མི་2ཤི་བ་དང་མི་2ལ་རྨས་སྐྱོན་ཕོག་འདུག
གསར་འགོད་པས་ཤེས་རྟོགས་བྱུང་བར་གཞིགས་ན། ཁེ་ལས་བཅུ་པོས་ལོ་གཅིག་རིང་འགྲིམ་འགྲུལ་དོན་རྐྱེན་ཁྱོན49བྱུང་བ་དང་། མི་24ཤི་བ་དང་མི་48ལ་རྨས་ཕོག་འདུག སྤྱི་ཁྱབ་རུ་ཁག་དོན་རྐྱེན་སྔོན་འགོག་རུ་ཁག་གིས་བཤད་པ་ལྟར་ན། འགྲོས་ཚད་ཚད་ལས་བརྒལ་ནས་བྱུང་པའི་དོན་རྐྱེན་གྱིས་སྤྱིའི་དོན་རྐྱེན་གྱི་བརྒྱ་ཆའི36.7ཟིན། བདེ་འཇགས་འགྲིམ་འགྲུལ་ལ་བར་ཆད་བཟོས་ནས་བྱུང་པའི་དོན་རྐྱེན་གྱིས་སྤྱིའི་དོན་རྐྱེན་གྱི་བརྒྱ་ཆའི་21.36ཟིན། གཞན་ཁྲིམས་འགལ་བྱ་སྤྱོད་གཞན(གཏན་ཁེལ་ལྟར་གཡོ་གཟུར་མ་བྱས་པ། རླངས་འཁོར་འཁོར་ལམ་གང་འདོད་ཀྱིས་བསྒྱུར་བ་སོགས)གྱིས་སྤྱིའི་དོན་རྐྱེན་གྱིས་བརྒྱ་ཆའི41.9ཟིན་པ་རེད། །
རྩོམ་སྒྲིག་པ། བདེ་སྒྲོལ།