ལྷ་ས་གྲོང་ཁྱེར་གྱི་སྤྱི་བདེ་ཉེན་རྟོག་པས་འབྲོག་ཁུལ་དུ་དུག་འགོག་སྒྲོག་འགྲེལ་བྱེད་སྒོ་སྤེལ།
སྤེལ་དུས 2020-06-12
ཡོང་ཁུངས། བོད་ལྗོངས་འཕྲིན་དྲ།
རྩོམ་པ་པོ།
འབྲོག་ཁུལ་མང་ཚོགས་ཚོས་དུག་རྫས་ལ་ངོས་འཛིན་གང་ལེགས་ཡོང་བ་བྱེད་པ་དང་། དུག་རྫས་སྔོན་འགོག་དང་དུག་མི་འཐེན་པའི་འདུ་ཤེས་སྔར་བས་ཟབ་ཏུ་གཏོང་བ་མ་ཟད། དུག་རྫས་ཀྱི་གནོད་འཚེ་འགོག་པའི་ནུས་པ་ཆེ་རུ་གཏོང་ཆེད། ཉེ་དུས། ལྷ་ས་གྲོང་ཁྱེར་སྤྱི་བདེ་ཅུས་དུག་འགོག་ཉིང་ལག་རུ་ཁག་གི་མི་དམངས་ཉེན་རྟོག་པས་རྒྱལ་སྤྱིའི་དུག་འགོག་ཉིན་མོ་སླེབས་ཉེའི་མཚམས་སུ་འདམ་གཞུང་རྫོང་འབྲོག་ཁུལ་དུ་སྐྱོད་ནས་དུག་འགོག་ཆེད་དོན་སྒྲོག་འགྲེལ་བྱས་པ་དང་སྦྲགས་ཁྲིམས་ལུགས་སློབ་གསོའི་ལས་དོན་ཡང་སྤེལ་བ་རེད། དྲིལ་བསྒྲགས་ཚོགས་ཆུང་གིས་ད་དུང་དུག་འགོག་ཤེས་བྱའི་ཀློག་དེབ180ལྷག་ཙམ་དང་རིགས་ཁག་གི་དྲིལ་བསྒྲགས་དཔྱད་ཡིག200ཙམ་སྤྲད་པས། མང་ཚོགས150ལྷག་ཙམ་ལ་སློབ་གསོ་ཐེབས་ཡོད་པ་དེས་ས་གནས་དེ་གའི་འབྲོག་ཁུལ་མང་ཚོགས་ཀྱིས་དུག་འགོག་འཐབ་རྩོད་ནང་ཞུགས་པའི་ཧུར་སེམས་སྐོང་འཐེན་གང་ལེགས་ཐུབ་རྒྱུ་རེད།།