དུས་ཚིགས་སྔོན་མ་གསུམ་གྱི་རིང་དུ་བོད་ལྗོངས་ཀྱི་ཡུལ་སྐོར་ལས་རིགས་ཀྱི་སྤྱིའི་ཡོང་འབབ་སྒོར་དུང་ཕྱུར༥༥ལས་བརྒལ་བ།
སྤེལ་དུས 2010-11-08
ཡོང་ཁུངས། ཀྲུང་གོའི་བོད་ལྗོངས་གསར་འགྱུར་དྲ་བ།
རྩོམ་པ་པོ། ལྗོན་སྨྱུག་ནས་བསྒྱུར།
གསར་འགོད་པས་བོད་རང་སྐྱོང་ལྗོངས་ཡུལ་སྐོར་ཅུས་ནས་ཤེས་གསལ་ལྟར་ན། ཟླ༡པོ་ནས༩པའི་བར་དུ། ལྗོངས་ཡོངས་ཀྱིས་སྔ་གཞུག་ཏུ་རྒྱལ་ཁབ་ཕྱི་ནང་གི་ཡུལ་སྐོར་བ་ཁྱོན་སྡོམ་ཁྲི༥༨༢ལས་བརྒལ་བར་སྣེ་ལེན་བྱས་ཤིང་། དེ་ནི་ལོ་སྔོན་མའི་དུས་མཚུངས་དང་བསྡུར་ན་བརྒྱ་ཆའི༢༢.༦འཕར་བ་དང་། ཡུལ་སྐོར་སྤྱིའི་ཡོང་འབབ་སྒོར་ཁྲི༥༥༨༠༨༦རག་པས། བརྒྱ་ཆའི༤༠.༣ཇེ་མང་དུ་སོང་བ་རེད།
ད་ལོའི་དུས་ཚིགས་སྔོན་མ་གསུམ་གྱི་རིང་།བོད་ལྗོངས་ཀྱི་ཡུལ་སྐོར་དཔལ་འབྱོར་འཁོར་རྒྱུག་གི་ཐད་ལ་ཁྱད་ཆོས་གཙོ་བོ་གསུམ་མངོན་ཡོད་དེ། གཅིག་ནི། ཡུལ་སྐོར་ལ་སྐུལ་བའི་ནུས་ཤུགས་ཇེ་ཆེར་བཏང་བ། རྒྱལ་ཕྱི་རྒྱལ་ནང་གི་ཡུལ་སྐོར་རྣམས་ཡུལ་སྐོར་ལ་སྐུལ་བའི་དུས་མཚུངས་སུ། རང་སྐྱོང་ལྗོངས་ཡུལ་སྐོར་ཅུས་ཀྱིས་མཚམས་སྦྱོར་ཚན་པ་བེད་སྤྱད་དེ། ཡུལ་སྐོར་ལ་སྐུལ་བའི་དྲིལ་སྒྲོག་གི་བྱེད་ཐབས་གསར་སྤྱད་པ་སྟེ། ཀྲུང་དབྱང་བརྙན་འཕྲིན་ཁང་དང་། ཡུལ་སྐོར་འཁོར་སྐར་བརྙན་འཕྲིན། ཀྲུང་གོའི་ཡུལ་སྐོར་དྲ་བ། བོད་ལྗོངས་གསར་འགྱུར་དྲ་བ་སོགས་མཚམས་སྦྱོར་ཚན་པ་ཁག་གི་སྟེང་དུ་ཡུལ་སྐོར་མཚམས་སྦྱོར་དང་ཡུལ་སྐོར་གྱི་ཞབས་ཞུའི་ཆ་འཕྲིན་སོགས་བཀོད་གཏོང་བྱས་པས། ཡུལ་སྐོར་ལ་སྐུལ་བའི་དྲིལ་སྒྲོག་གི་ཕན་འབྲས་ཧ་ཅང་མངོན་གསལ་ཡིན་པ་རེད།
གཉིས་ནི། ལྗོངས་ནང་ཁུལ་དུ་ཡོང་བའི་ཡུལ་སྐོར་བ་རྒྱུན་ཆད་མེད་པར་ཇེ་མང་དུ་ཕྱིན་པ། དེའི་ནང་དུ་ཀང་ཨའོ་ཐེ་ཡི་ཡུལ་སྐོར་བ་མི༨༦༣༤ལ་སྣེ་ལེན་བྱས་པ་དང་། བརྒྱ་ཆའི་༥༧.༥ཇེ་མང་དུ་སོང་ཡོད། གླིང་ཆེན་ཨེ་ཤ་ཡའི་ཡུལ་སྐོར་བ་མི༤༨༦༠༦ལ་སྣེ་ལེན་བྱས་པ་དང་། བརྒྱ་ཆའི༣༤.༧ཇེ་མང་དུ་སོང་ཡོད། ཡོ་རོབ་ཀྱི་ཡུལ་སྐོར་བ་མི༧༧༦༠༤ལ་སྣེ་ལེན་བྱས་ཤིང་། བརྒྱ་ཆའི༢༧.༢འཕར་ཡོད། གླིང་ཆེན་ཨ་མེ་རི་ཁའི་ཡུལ་སྐོར་བ་མི༣༩༢༡༩ལ་སྣེ་ལེན་བྱས་པ་དང་། བརྒྱ་ཆའི༣༨.༧ཇེ་མང་དུ་སོང་ཡོད། རྒྱ་མཚོ་ཆེན་པོའི་གླིང་ཆེན་ནས་ཡོང་བའི་ཡུལ་སྐོར་བ་མི༨༣༣༨ལ་སྣེ་ལེན་བྱས་པ་དང་། བརྒྱ་ཆའི༧༦.༤ཇེ་མང་དུ་སོང་ཡོད།
གསུམ་ནི། བོད་པས་བོད་ལྗོངས་སུ་ཡུལ་སྐོར་བྱེད་མཁན་ཇེ་མང་དུ་འགྲོ་ལྟས་ཡོད་པ། ལྗོངས་ནང་ཁུལ་ནས་སྒེར་གྱི་རླངས་འཁོར་བསྐོར་ནས་ལྟ་སྐོར་དུ་འགྲོ་བ་དང་། མཇལ་སྐོར་དུ་འགྲོ་བ། ཉིན་གཅིག་གི་ཡུལ་སྐོར་བྱེད་མཁན་སོགས་ཇེ་མང་དུ་ཕྱིན་ཡོད། སྡོམ་རྩིས་ལྟར་ན། ད་ལོའི་དུས་ཚིགས་སྔོན་མ་གསུམ་གྱི་ནང་དུ་ལྗོངས་ཡོངས་ཀྱིས་“ཉིན་གཅིག་ལ་ཡུལ་སྐོར་བྱེད་པའི”ཡུལ་སྐོར་བ་མི༡༦༩༣༧༩༣ལ་སྣེ་ལེན་བྱས་ཤིང་། དེ་ནི་ལོ་སྔོན་མའི་དུས་མཚུངས་ལས་བརྒྱ་ཆའི༢༣.༨ཇེ་མང་དུ་སོང་ཡོད་པ་རེད།