གསར་འགོད་པས་སྤྱི་ཟླ༥པའི་ཚེས༡༧ཉིན་གྱི་སྔ་དྲོར་སྐོང་ཚོགས་བྱས་པའི་བོད་རང་སྐྱོང་ལྗོངས་ཀྱི་གྲོང་གསེབ་ཀྱི་མ་མཐའི་འཚོ་བའི་འགན་སྲུང་ལམ་ལུགས་དང་དབུལ་སྐྱོར་གསར་སྤེལ་སྲིད་ཇུས་ཕན་འབྲས་ལྡན་པའི་ངང་འབྲེལ་མཐུད་བྱེད་པའི་ཚོད་ལྟའི་ལས་དོན་གྱི་སྐུལ་སློང་ཚོགས་འདུའི་སྟེང་ནས་ཤེས་རྟོགས་བྱུང་གསལ། ད་ལོར། བོད་ལྗོངས་ཀྱིས་ས་ཁུལ(གྲོང་ཁྱེར་)༧གྱི་རྫོང༧དུ་གྲོང་གསེབ་ཀྱི་མ་མཐའི་འཚོ་བའི་འགན་སྲུང་ལམ་ལུགས་དང་དབུལ་སྐྱོར་གསར་སྤེལ་སྲིད་ཇུས་ཀྱི་ལམ་ལུགས་གཉིས་འབྲེལ་མཐུད་བྱེད་པའི་ཚོད་ལྟའི་ལས་དོན་ཕན་འབྲས་ལྡན་པའི་ངང་སྤེལ་རྒྱུ་ཡིན་པ་རེད།
བོད་རང་སྐྱོང་ལྗོངས་དབུལ་སྐྱོར་གཞུང་ལས་ཁང་གི་འགན་ཁུར་མི་སྣས། རྒྱལ་ཁབ་ཀྱི་འབྲེལ་ཡོད་བླང་བྱ་ལྟར། ད་ལོར། བོད་ལྗོངས་ཀྱིས་ནག་ཆུ་ས་ཁུལ་གྱི་སྙེ་རོང་རྫོང་སོགས་ས་ཁུལ(གྲོང་ཁྱེར་)བདུན་གྱི་རྫོང༧དུ་ལམ་ལུགས་གཉིས་པོའི་འབྲེལ་མཐུད་བྱེད་པའི་ཚོད་ལྟའི་ལས་དོན་སྤེལ་ནས། སང་ལོར་ལྗོངས་ཡོངས་སུ་ཁྱབ་རྡལ་བྱ་རྒྱུ་ཡིན་ཞེས་གསུངས།