དགུན་དུས་བོད་ལྗོངས་སུ་གནས་སྐོར་དུ་ཡོང་མཁན་རིམ་བཞིན་ཇེ་མང་དུ་གྱུར། གྲོང་ཚོར་དགུན་ཁའི་གུང་གསེང་གི་གསབ་སྦྱོང་འཛིན་གྲྭ་གཉེར་བ། མཚོ་སྔོན་གྱིས་ཆུ་བོ་དང་མཚོའི“གང་བྱུང་བཞིའི” གནད་དོན་756དག་ཐེར་བྱས་པ། བདེན་འཚོལ་དུས་དེབ་ཐོག་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་ལོ་རྒྱུས་དངོས་གཙོ་རིང་ལུགས་རྒྱུན་འཁྱོངས་ཀྱིས་དེང་རབས་ཀྲུང་གོའི་མར་ཁེ་སི་རིང་ལུགས་འཕེལ་རྒྱས་ཀྱི་མཐོ་ཚད་གསར་པ་རྒྱུན་ཆད་མེད་པར་གཏོད་དགོས་ཞེས་པ་སྤེལ་བ། བོད་རང་སྐྱོང་ལྗོངས་སྲིད་གྲོས་སྐབས་བཅུ་གཅིག་པའི་ཚོགས་འདུ་ཐེངས་གསུམ་པ་གཟབ་རྒྱས་ངང་འགོ་ཚུགས་པ། མང་ཚོགས་ཀྱི“མགྲིན་ཚབ་པ”ཡག་པོ་ཞིག་བྱེད་ཀྱི་ཡིན། “པེ་ཅིང་དུ་འཛོམས་པ”ཞེས་པའི་སྐབས་དང་པོའི་རྒྱལ་སྤྱིའི་ཐང་གའི་སྒྱུ་རྩལ་འགྲེམས་སྟོན་དང་འཛམ་གླིང་ཐང་གའི་སྒྱུ་རྩལ་ཚོགས་ཆེན་པེ་ཅིང་དུ་གཟབ་རྒྱས་ངང་སྤེལ་བ། 2019ལོའི་རྒྱལ་ཡོངས་ཕུལ་བྱུང་དགེ་རྒན་གྱི་གཟེངས་རྟགས་ཐོབ་མཁན་དགེ་རྒན་ལྷ་རྩེ་རྒྱལ། “ཕྱིར་སྐྱོད་དཀའ་བའི”དཀའ་གནད་བསལ་བས་མང་ཚོགས་ལ་སྟབས་བདེ་བྱུང་བ། མང་ཚོགས་ཚོའི་བདེ་ཐང་གི་སྲུང་སྐྱོང་པ།
ཀྲུང་གོའི་བོད་ལྗོངས་དྲ་བ། > རྩོམ་རིག > ལོ་རྒྱུས།

རུ་ལས་སྐྱེས།

སྤེལ་དུས 2021-01-26 ཡོང་ཁུངས། འཕྲིན་སྟེགས། རྩོམ་པ་པོ།
《 ཆོས་འབྱུང་མཁས་པའི་དགའ་སྟོན》 ལས། 
བོད་ཡུལ་འཕྲུལ་བློན་མཛངས་པའི་མི་བདུན་གྱི། ། 
ཐོག་མར་གྱུར་པ་རུ་ལས་སྐྱེས་འདི་ཡིན། ། 
མཛངས་པའི་ལས་སུ་ཤིང་བསྲེགས་སོལ་བ་བྱུང་། ། 
དེ་ཡིས་རྡོ་བཞུས་གསེར་དངུལ་ཟངས་ལྕགས་བྱུང་། ། 
ཤིང་ལ་མིག་ཕུག་གཤོལ་དང་གཉའ་ཤིང་བྱས། ། 
ས་གཞི་བརྐོས་ནས་ཕུ་ཆུ་ཡུར་དུ་དྲངས། ། 
རྨོན་པ་དོར་བསྡེབས་སྤང་ཐང་ཞིང་དུ་རྨོས། ། 
བརྒལ་བས་མི་ཐར་ཆུ་ལ་ཟམ་པ་བཙུགས། ། 
རྨོས་པའི་ལོ་ཏོག་ཐོག་མར་འདི་ནས་བྱུང་། །
 ཞེས་གསལ་བ་ལྟར་དུ།བློན་པོ་འདི་ནི་བཙན་པོ་གདུང་རབས་དགུ་བ་སྤུ་དེ་གུང་རྒྱལ་གྱི་དུས་སུ་བྱུང་བ་ཡིན། 
        རུ་ལས་སྐྱེས་ནི་སྤྱི་ལོ་དུས་རབས་དང་པོ་ཙམ་ནས་བྱུང་བ་དང་། མིང་གཞན་ལ་ངར་སོས་པོ་ཡང་ཟེར། བཤད་རྒྱུན་ལ་བོད་རྒྱལ་སྤུ་དེ་གུང་རྒྱལ་དང་ཕ་མི་གཅིག་ལ་མ་གཅིག་པའི་སྤུན་ཡིན་པར་བཞེད་ཅིང་དེས་བོད་རྒྱལ་སྤུ་དེ་གུང་རྒྱལ་དང་མཉམ་དུ་སྤུ་རྒྱལ་རྒྱལ་སྲིད་ལོ་ངམ་གྱི་ལག་ནས་འཕྲོག་རྗེས་བློན་ཆེན་གྱི་འགན་བཞེས་ཤིང་བོད་ཁུལ་གྱི་དཔལ་འབྱོར་འཛུགས་བསྐྲུན་དང་ཆབ་སྲིད་བརྟན་འཇགས་ཡོང་བ་ལ་བྱས་རྗེས་ཆེན་པོ་བཞག་ཡོད་པ་མ་ཟད། གྲོང་ལ་སྔ་བ་འཕྱིང་བ་སྟག་རྩེ་བཞེངས་ཤིང་གྲོང་དང་གྲོང་བརྡལ་ཆགས་པའི་རྣམ་པ་ཐོག་མ་བྱུང་། ཤིང་ལ་མིག་ཕུག་ནས་གཤོལ་དང་གཉའ་ཤིང་བཟོས་ཏེ་མཛོ་གླང་དོར་ལ་བསྡེབས་ནས་སྤང་ཐང་ཞིང་དུ་བསྒྱུར་ཞིང་ཡུར་ལས་ཆུ་དྲངས་ནས་ཞིང་ལས་ཐོན་སྐྱེས་རྒྱ་ཆེར་སྤེལ་བ། འབྲི་གཡག ར་ལུག  རྐྱང་རྒོད་སོགས་འདུལ་ནས་ཁྱིམ་ཕྱུགས་སུ་བསྒྱུར་ཅིང་ཕྱུགས་རིགས་འཕེལ་རྒྱས་དང་ཕྱུགས་ལས་ཀྱི་རྣམ་པ་ཐོག་མ་བྱུང་བ་མ་ཟད་རྒྱ་ཆེར་སྤེལ། ཤིང་བསྲེགས་ནས་སོལ་བ་རུ་བསྒྱུར། དེ་ནས་སླར་ཡང་སོལ་བའི་མེ་ཤུགས་ལ་བརྟེན་ནས་གཏེར་རྡོ་བཞུས་ཏེ་གསེར་དངུལ་ཟངས་ལྕགས་སོགས་བཏོན་ནས་བོད་དུ་གསེར་དང་དངུལ་དང་། ཟངས། ལྕགས་སོགས་ཀྱི་རྒྱན་ཆ་དང་ཉེར་མཁོའི་ཡོ་བྱད་སོགས་བཟོས་ཏེ་སྔོན་རྒྱལ་བོ་གོང་མ་རྣམས་ལས་ལྷག་པའི་འཕེལ་རྒྱས་ཆེན་པོ་བྱུང་ཞིང་། ཆུ་བོ་ཆེན་པོའམ་བརྒལ་བར་དཀའ་བའི་གཙང་བོ་ལ་ཟམ་པ་བཙུགས་པ་དང་བགྲོད་དཀའ་བའི་ས་རུ་ལམ་བསྐྲུན་ཏེ་འགྲིམ་འགྲུལ་གྱི་སྟབས་ཇེ་བདེར་བཏང་བ་སོགས་སྐབས་དེའི་སྤྱི་ཚོགས་འཕེལ་རྒྱས་དང་ཆབ་སྲིད་བརྟན་པོ་ཡོང་བ་ལ་འགྱུར་ལྡོག་ཆེན་པོ་བྱུང་བས་བོད་ཀྱི་མཛངས་མི་དང་པོའི་གྲས་སུ་བཞག་པ་རེད།