ཚོགས་ཆེན་བཅུ་དགུ་པའི་དགོངས་དོན་མཛུབ་ཁྲིད་དུ་བྱས་ཏེ། ཆོས་ལུགས་དང་སྤྱི་ཚོགས་རིང་ལུགས་ཀྱི་སྤྱི་ཚོགས་གཉིས་འཚམ་མཐུན་ཡོང་པ་བྱ་དགོས། ནུབ་བྱང་དགེ་འོས་སློབ་ཆེན་གྱིས་དགེ་འོས་སློབ་མ་བགྲང་ལས་འདས་པ་བསྐྱངས་པ། གཞིས་རྩེ་གྲོང་ཁྱེར་གྱི་གཞུང་ལམ་ཐོག་རླངས་འཁོར་ཤར་གཏོང་ཐུབ་ཚད་སྤྱི་ལེ་ཁྲི་1.7ཟིན་པ། ལོ་རྒྱུས་ཡུན་རིང་ལྡན་པའི་ཞོ་ལེགས་ཀྱི་བོད་ཤོག བོད་ལྗོངས་གཞིས་རྩེས་གླུ་ལེན་གར་འཁྲབ་ཀྱིས་གནམ་ལོ་གསར་པ་བསུ་བ། ལྕགས་ལམ་སྡེ་ཁག་གིས་སྦྲེལ་མཐུད་དྲ་བ་བརྒྱུད་ནས་ཟས་རིགས་མངག་ཉོའི་ཞབས་ཞུ་རིམ་སྤོར་བྱས་ཏེ། མེ་འཁོར་མ་བསྐོར་གོང་གི་ཆུ་ཚོད་གཅིག་གི་སྔོན་དུ་མངག་ཉོ་བྱས་ཆོག་པ། ལྷ་སའི་ཚོགས་འདུ་གཉིས། ལྷ་ས་གྲོང་ཁྱེར་མི་དམངས་འཐུས་ཚོགས་སྐབས་བཅུ་གཅིག་པའི་ཚོགས་འདུ་ཐེངས་གསུམ་པར་གྲོས་གཞི་106འབྱོར། ལོ་གསར་གྱི་ཚོང་ར་འཁྲུག་ཆ་དོད་པོར་འགྱུར་བཞིན་ཡོད་པ། ཁྲོན་བོད་ལྕགས་ལམ་ལྷ་ས་ནས་ཉིང་ཁྲི་བར་གྱི་ལམ་བུའི་བསམ་གྲུབ་གླིང་ཕུག་ལམ་ཤར་བགྲོད་ཐུབ་པ། ཧྥ་རན་སེའི་ཙུང་ཐུང་མཱ་ཁེ་ལུང་གིས་དེ་རིང་ནས་བཟུང་རང་རྒྱལ་ལ་རྒྱལ་དོན་འཚམས་འདྲི་བྱེད་པ།
ཀྲུང་གོའི་བོད་ལྗོངས་དྲ་བ། > གསོ་རིག > འཕྲོད་བསྟེན་རྒྱུན་ཤེས།

སྐད་འགག་པ་ནི་མིད་པའི་གནད་དོན་ཡིན་པའི་ངེས་པ་མ་མཆིས་པར་སྐྲན་ནད་ཀྱིས་བསྐྱེད་པ་ཡིན་ཡང་སྲིད།

སྤེལ་དུས 2018-03-09 ཡོང་ཁུངས། མདོ་ལྷོའི་དྲ་བ། རྩོམ་པ་པོ། སྒྲོལ་མས་བསྒྲིགས།
          དུས་རྒྱུན་འཚོ་བའི་ཁྲོད་དུ།  མི་མང་པོ་ཞིག་ལ་སྐད་འགག་པའི་གནས་ཚུལ་བྱུང་མྱོང་ངེས་རེད།  འོན་ཀྱང་།  མི་མང་ཆེ་བས་དེ་ནི་ཆེས་སྤྱིར་བཏང་གི་གནད་དོན་ཞིག་ལ་བསམ་བཞིན་ཡོད་ཅིང་།  ཆུ་ཁོལ་ཅུང་ཟད་འཐུང་ན་ཉིན་འགའི་རྗེས་སེལ་འགྲོ་བར་འདོད་ཀྱིན་ཡོད། དོན་དངོས་སུ། སྐད་འགག་པ་ལ་རྒྱུ་རྐྱེན་མང་པོ་ཞིག་ཡོད་ཅིང་།  དེ་ཐག་གཅོད་བྱས་པ་མ་བཟང་ཚེ་ལུས་ཕུང་གི་བདེ་ཐང་ལ་གནོད་པ་ཆེན་པོ་སྐྱེལ་ངེས་ཡིན།  དེས་ན།  ང་ཚོས་སྐྱོན་མེད་དུ་འདོད་པའི་གནད་དོན་ཆུང་ངུ་འདིའི་ཤུགས་སུ་མཉམ་འཇོག་བྱ་དགོས་པ་གང་དག་ཡོད་ཅེ་ན།
          དོན་དངོས་སུ། སྐད་འགག་པ་ནི་ནད་རིགས་ཤིག་མ་ཡིན་པར། དེ་ནི་མིད་པའི་རྒྱུན་མཐོང་གི་སྣང་ཚུལ་ཞིག་རེད།  དེ་ལ་སྐད་སྦུག་གིས་བསྐྱེད་པ་ཡིན་སྲིད་ཅིང་།  ནད་རིགས་ཚབས་ཆེན་ཞིག་གི་བྱེ་བྲག་གི་ནད་རྟགས་ཡིན་ཡང་སྲིད།  མི་དམངས་ཉིན་རེའི་ཚགས་པར་ཕྱི་རྒྱལ་པར་མས་བསྒྲགས་པ་ལྟར་ན།  སྐད་ཆ་བཤད་པ་མང་དྲགས་པ་དང་སྐད་མཐོ་དྲགས་པ་སོགས་གོམས་གཤིས་ངན་པ་ལས་སྐད་འགག་པ་ལས་གཞན།  གཤམ་གྱི་རྒྱུ་རྐྱེན་འདི་དག་གིས་ཀྱང་སྐད་འགག་པར་བྱེད་ངེས་ཡིན།
          1. བྱེ་བྲག་གི་ནད་འགྱུར། དཔེར་ན་མགྱོགས་པའི་རང་བཞིན་གྱི་མིད་པའི་གཉན་ཚད་དང་། དལ་བའི་རང་བཞིན་གྱི་མིད་པའི་གཉན་ཚད། སིབ་བི། རྒྱུ་བརྡུགས་ཚད་རིམས་སོགས། 
          2. ཚོར་ལོག་སྣང་ཚུལ། དཔེར་ན་སྨན་རིགས་ཁ་ཅིག་དང་མེ་ཏོག་གི་རྡུལ་སོགས་ལས་ཚོར་ལོག་བསྐྱེད་པ།
          3 .གྲེ་བ་སྤྲིད་པ་། གློ་གཅོང་དང་། ཨོལ་གོང་རྨེན་སྐྲན། མིད་པའི་འབྲས་སྐྲན་སོགས་ལས་གྲེ་བ་སྤྲིད་པའི་སྣང་ཚུལ་འབྱུང་ཡང་སྲིད།
          4. ལུས་པོ་ཡོངས་ཀྱི་རང་བཞིན་གྱི་ནད་རིགས། དཔེར་ན་གསང་རྒྱུད་ཟགས་གཤེར་འཁྲིག་པ་དང་། སྙིང་གི་ནད། ཕོ་བའི་ནད་རིགས་སོགས།
          གཞན་ཡང་། གསོ་རིག་ཆེད་མཁས་པས་གསུངས་པ་ལྟར་ན། སྐད་འགག་པ་ནི་གློ་བའི་སྐྲན་ནད་ཀྱི་དུས་རིམ་ཆེས་སྔ་བའི་སྐབས་ཀྱི་ཁྱད་རྟགས་ཤིག་ཡིན་ཏེ། གློ་བའི་སྐྲན་ནད་བྱུང་རྗེས་སུ་སྐྲན་ཐུམ་གྱིས་གྲེ་བ་སོགས་སྐད་འདོན་བྱེད་ཀྱི་དབང་རྩར་གནོད་པ་བྱས་ཏེ། སྐད་འགག་པར་འགྱུར་བ་ཡིན། སྐད་འགག་པ་འདི་རིགས་ལ་སྤྱིར་བཏང་གློ་བུར་དུ་འབྱུང་ཞིང་། མགྱོགས་མྱུར་སྒོས་འཕེལ་རྒྱས་སུ་འགྲོ་བའི་ཁྱད་ཆོས་ཡོད། ཧ་ཅང་ལྕི་བའི་སྐབས་སུ་སྐད་སྒྲ་རྩ་བ་ནས་ཉམས་པར་འགྱུར་ཞིང་། དུས་མཚུངས་སུ་ནད་པ་མང་པོ་ཞིག་ལ་བྲང་ཁ་ན་བར་འགྱུར་ངེས་ཡིན། 
          སྐད་འགག་པའི་སྣང་ཚུལ་བྱུང་ཚེ་ཅི་བྱ་དགོས་སམ།  དེའི་ཐད་དུ་ཆེད་མཁས་པའི་གསུངས་རྒྱུར།  ནད་ཐོག་སྨན་བཅོས་ཀྱི་སྐབས་སུ།  སྐད་ཇེ་སྦོམ་དུ་འགྲོ་བ་དང་།  སྐད་འགག་པ། ཐ་ན་སྐད་འདོན་མི་ནུས་པ་སོགས་ཀྱི་སྣང་ཚུལ་རྒྱུན་པར་འབྱུང་བཞིན་ཡོད་ཅིང་།  ནད་བསྐྱེད་པའི་ལྕི་ཡང་ནི་གཅིག་འདྲ་མིན་པར་ཅི་རིགས་ཤིག་ཡོད།  ནད་རྟགས་ཡང་བའི་སྐབས་སུ་བསྟེན་མི་དགོས་པར་ཁམས་གསོ་ཅུང་ཟད་བྱས་པས་ཆོག  ཅུང་ལྕི་བའི་རིགས་ནི་སྨན་ཁང་དུ་སོང་ནས་ཚད་ལྡན་གྱི་སྨན་བཅོས་བྱེད་དགོས་ལ།  དེ་ལས་ལྡོག་ན་ཉེན་ཁ་ཆེ་བར་འགྱུར་ཏེ།  དཔེར་ན་སྐད་སྒྲ་རྩ་བ་ནས་ཉམས་པ་སོགས་ཀྱང་འབྱུང་བར་འགྱུར་རོ།
          གོང་གི་གནས་ཚུལ་དག་ཕྱོགས་བསྡོམས་བྱས་ཚེ།  ང་ཚོས་སྐད་འགག་པ་སོགས་གནད་དོན་ཆུང་བ་འདི་རིགས་ལའང་གཏན་ནས་སྣང་ཆུང་མི་བྱེད་པར།  ཧ་ཅང་གཟབ་ནན་གྱིས་དབྱེ་ཞིབ་བྱ་དགོས།  ལྷག་པར་དུ་སྐད་འགག་པའི་དུས་ཡུན་ཅུང་ཟད་རིང་ཞིང་ཅུང་ལྕི་བའི་སྐབས་སུ། དུས་ཐོག་ཏུ་སྨན་ཁང་དུ་སོང་སྟེ་སྨན་བཅོས་བྱ་དགོས།