ཚོགས་ཆེན་བཅུ་དགུ་པའི་དགོངས་དོན་མཛུབ་ཁྲིད་དུ་བྱས་ཏེ། ཆོས་ལུགས་དང་སྤྱི་ཚོགས་རིང་ལུགས་ཀྱི་སྤྱི་ཚོགས་གཉིས་འཚམ་མཐུན་ཡོང་པ་བྱ་དགོས། ནུབ་བྱང་དགེ་འོས་སློབ་ཆེན་གྱིས་དགེ་འོས་སློབ་མ་བགྲང་ལས་འདས་པ་བསྐྱངས་པ། གཞིས་རྩེ་གྲོང་ཁྱེར་གྱི་གཞུང་ལམ་ཐོག་རླངས་འཁོར་ཤར་གཏོང་ཐུབ་ཚད་སྤྱི་ལེ་ཁྲི་1.7ཟིན་པ། ལོ་རྒྱུས་ཡུན་རིང་ལྡན་པའི་ཞོ་ལེགས་ཀྱི་བོད་ཤོག བོད་ལྗོངས་གཞིས་རྩེས་གླུ་ལེན་གར་འཁྲབ་ཀྱིས་གནམ་ལོ་གསར་པ་བསུ་བ། ལྕགས་ལམ་སྡེ་ཁག་གིས་སྦྲེལ་མཐུད་དྲ་བ་བརྒྱུད་ནས་ཟས་རིགས་མངག་ཉོའི་ཞབས་ཞུ་རིམ་སྤོར་བྱས་ཏེ། མེ་འཁོར་མ་བསྐོར་གོང་གི་ཆུ་ཚོད་གཅིག་གི་སྔོན་དུ་མངག་ཉོ་བྱས་ཆོག་པ། ལྷ་སའི་ཚོགས་འདུ་གཉིས། ལྷ་ས་གྲོང་ཁྱེར་མི་དམངས་འཐུས་ཚོགས་སྐབས་བཅུ་གཅིག་པའི་ཚོགས་འདུ་ཐེངས་གསུམ་པར་གྲོས་གཞི་106འབྱོར། ལོ་གསར་གྱི་ཚོང་ར་འཁྲུག་ཆ་དོད་པོར་འགྱུར་བཞིན་ཡོད་པ། ཁྲོན་བོད་ལྕགས་ལམ་ལྷ་ས་ནས་ཉིང་ཁྲི་བར་གྱི་ལམ་བུའི་བསམ་གྲུབ་གླིང་ཕུག་ལམ་ཤར་བགྲོད་ཐུབ་པ། ཧྥ་རན་སེའི་ཙུང་ཐུང་མཱ་ཁེ་ལུང་གིས་དེ་རིང་ནས་བཟུང་རང་རྒྱལ་ལ་རྒྱལ་དོན་འཚམས་འདྲི་བྱེད་པ།
ཀྲུང་གོའི་བོད་ལྗོངས་དྲ་བ། > གསོ་རིག > འཕྲོད་བསྟེན་རྒྱུན་ཤེས།

སྐེ་རྩ་འཁྱོག་པ་སྟེ་སྐེ་ཚིགས་མཁྲེགས་པོར་གྱུར་ན་འགུལ་སྐྱོད་བྱེད་ཆོག་གམ།

སྤེལ་དུས 2018-03-12 ཡོང་ཁུངས། ཀྲུང་གོ་བོད་ཀྱི་དྲ་བ། རྩོམ་པ་པོ། སྒྲོལ་མས་བསྒྲིགས།
          ཞོགས་པར་མལ་ལས་ལངས་རྗེས་སྐེ་རྩ་འགུལ་མི་ཐུབ་པ་དང་། ཅུང་ཙམ་འགུལ་ནའང་ན་ཟུག་དྲག་པོ་ལངས་པའི་ཚོར་སྣང་འབྱུང་། དེ་ནི་ཕལ་ཆེར་སྐེ་རྩ་འཁྱོག་པ་སྟེ་སྐེ་ཚིགས་མཁྲེགས་པོར་གྱུར་བ་ཡིན་སྲིད། སྐེ་རྩ་འཁྱོག་པ་སྟེ་སྐེ་ཚིགས་མཁྲེགས་པོར་གྱུར་བའི་ནད་འབྱུང་ཚད་མང་ཆེ་བ་ནི་ན་གཞོན་དང་དར་མའི་སྐོར་ཡིན་ལ། ནང་སྒོས་སུ་མགོ་མར་སྒུར་ནས་ལས་ཀ་ལས་པའམ་འཁྱག་སར་ཉལ་རྒྱུར་དགའ་བའི་མི་ལ་འབྱུང་བ་རེད། ཡིན་ནའང་། ཉེ་བའི་ལོ་འདི་འགར།  གློག་ཀླད་དང་ལག་འཁྱེར་ཁ་པར་ཚད་ལས་བརྒལ་ཏེ་བཀོལ་སྤྱོད་བྱས་པས། སྐེ་རྩ་འཁྱོག་པའི་ནད་འདི་ན་གཞོན་ལོ་ཆུང་དང་ཐ་ན་བྱིས་པ་རྣམས་ལ་ཡང་འབྱུང་བཞིན་ཡོད།    སྐེ་རྩ་འཁྱོག་པ་སྟེ་སྐེ་ཚིགས་མཁྲེགས་པོར་གྱུར་བའི་ནད་ཅི་ལྟར་བྱུང་བ་ཡིན་ནམ།
          སྐེ་རྩ་དང་དཔུང་བའི་ཤ་གནད་འགུལ་སྤྱོད་མང་དུ་བྱས་པ་དང་། གཉིད་སྟངས་མི་འགྲིག་པ། ཡང་ན་བསིལ་ཞིང་བརླན་ཆེ་བའི་ཁོར་ཡུག་ཏུ་སྡོད་པ་བཅས་ཀྱིས་སྐེ་ཚིགས་ཀྱི་ཤ་གྲིམ་ལ་རྩ་འཁུམ་བྱུང་སྟེ། ན་ཟུག་ལངས་པ་དང་འགུལ་མི་ཐུབ་པ་རེད།
          སྐེ་རྩ་འཁྱོག་པ་སྟེ་སྐེ་ཚིགས་མཁྲེགས་པོར་གྱུར་བའི་རྒྱུན་མཐོང་གི་རྒྱུ་རྐྱེན་ནི། གཅིག མགོ་མར་སྒུར་ནས་ལས་ཀ་ལས་པ་དང་། དུས་ཚོད་རིང་བོར་གློག་ཀླད་དང་ལག་འཁྱེར་ཁ་པར་བཀོལ་སྤྱོད་བྱས་ཏེ་སྐེ་དང་དཔུང་བའི་ཤ་གྲིམ་ལ་གནོད་པ་བཟོས་པ། གཉིས། གཉིད་སྟངས་མི་འགྲིག་པ་སྟེ། སྔས་མགོ་མཐོ་དྲགས་པའམ་ཡང་ན་ཉལ་གདན་སྲ་དྲགས་པ་དང་སྙི་དྲགས་པ། གསུམ། མ་ཉལ་བའི་སྔོན་དང་གཉིད་ལོག་པའི་སྐབས་སུ་སྐེ་རྩ་དང་ཕྲག་པར་གྲང་འཁྱག་ཐེབས་པ། བཞི། སྔོན་ཆད་སྐེ་དང་ཕྲག་པར་གནོད་པ་ཐེབས་ཏེ། སྐེ་ཚིགས་ཀྱི་ནད་དམ་ཡང་ན་ཕྲག་པའི་གཉན་ཚད་ཡོད་པ། ལྔ། འགུལ་སྐྱོད་བྱེད་ཚད་ཉུང་བས། སྐེ་དང་ཕྲག་པའི་ཕུང་གྲུབ་ལ་ཁྲག་མཁོ་འདོན་བྱེད་མ་ཐུབ་པ་བཅས་ཡིན།
སྐེ་རྩ་འཁྱོག་པ་སྟེ་སྐེ་ཚིགས་མཁྲེགས་པོར་གྱུར་བའི་ནད་བྱུང་རྗེས་ཅི་ལྟར་བཅོས་དགོས།
          གཅིག སྐེ་རྩ་འཁྱོག་པའི་གནས་ལ་དོ་སྣང་བྱ་དགོས། སྐེ་རྩ་འཁྱོག་པའི་ནད་ནི་ཚབས་ཆེ་བ་ཞིག་མིན་མོད། འོན་ཀྱང་མི་ཉུང་ཤས་ཤིག་ལ་སྐེ་རྩའི་ཆ་ཤས་ཀྱི་ཕུང་གྲུབ་ལ་གནོད་པ་ཚབས་ཆེན་ཡོད་པ་རེད། མྱུར་བའི་རང་བཞིན་གྱི་སྐབས་སུ་ཤུགས་དྲག་པོས་སྐེ་གཅུས་པ་དང་། ཡང་ན་རང་ཉིད་དམ་མི་གཞན་པས་ཤུགས་དྲག་པོས་སྐེ་ཚིགས་གཅུས་ཚེ་སྐེ་ཚིགས་ལ་གནོད་པ་ཚབས་ཆེན་བཟོ་སྲིད། སྐེ་རྩ་འཁྱོག་པ་མྱུར་བའི་སྐབས་སུ་དེ་ལ་སྲུང་སྐྱོབ་ལེགས་པོ་བྱས་ནས་འགུལ་སྐྱོད་ཇེ་ཉུང་དུ་གཏོང་དགོས། གཉིས། དྲོད་དུགས་བྱ་དགོས། ལག་ཕྱིས་ཚ་འདེ་དང་ཆུ་ཚའི་འགྱིག་རྐྱལ་དེ་སྐེ་རྩ་འཁྱོག་པའི་གནས་སུ་སྐར་མ་བཅུ་ནས་བཅོ་ལྔའི་བར་བརླན་ནས་དྲོད་དུགས་བྱེད་པ་དང་། ཐེངས་གཅིག་གིས་ན་ཟུག་ཡོངས་སུ་སེལ་མ་ཐུབ་ན། ཉིན་གཅིག་ལ་ཐེངས་གཉིས་ནས་ཐེངས་གསུམ་བར་དྲོད་དུགས་བྱ་དགོས།  བྱེད་ཐབས་འདི་སྟབས་བདེ་ཞིང་ཕན་ནུས་བཟང་།
སྐེ་རྩ་འཁྱོག་པ་ཡང་བསྐྱར་འབྱུང་བར་ཅི་ལྟར་སྔོན་འགོག་བྱ་དགོས།
          སྐེ་རྩ་དང་ཕྲག་པར་སྲུང་སྐྱོབ་ལེགས་པོ་མ་བྱས་ན། ཡང་བསྐྱར་སྐེ་རྩ་འཁྱོག་པའི་ནད་ཚབས་ཆེན་འབྱུང་སྲིད། སྐེ་རྩ་དང་ཕྲག་པའི་ཤ་གྲིམ་འགུལ་སྐྱོད་ལེགས་པོ་བྱེད་པ་དང་། ཡུན་རིང་ལ་བཙོག་ནས་མི་འདུག་པར་དུས་ཚོད་སྐར་མ་སུམ་ཅུ་ནས་ཞེ་ལྔའི་ནང་ཡར་ལངས་ནས་འགུལ་སྐྱོད་རེ་བྱེད་དགོས། འོན་ཀྱང་སྐེ་མཇིང་དང་སྒལ་ཚིགས་ཤུགས་དྲག་པོས་འགུལ་སྐྱོད་བྱེད་མི་རུང་།ཡུན་རིང་བཙོག་ནས་ལས་ཀ་མི་ལས་པ་དང་། མགོ་དེ་འདྲ་མར་མི་སྒུར་བ། སྒལ་ཚིགས་ནང་དུ་མི་རྡིབ་པ་བཅས་བྱས་ཏེ། ལུས་པོ་ལྷོད་ལྷོད་དུ་འདུག་དགོས།
          ཆོས་ཉིད་ལྡན་པའི་འགུལ་སྐྱོད་ཀྱི་གོམས་སྲོལ་ལེགས་པོ་ཆགས་སུ་འཇུག་དགོས། འགུལ་སྐྱོད་ཀྱིས་ང་ཚོའི་བྱ་བའི་ལས་ཆོད་ཇེ་མཐོར་གཏོང་ཐུབ་པར་མ་ཟད། ད་རུང་ང་ཚོའི་ལུས་པོ་ཡང་སྲུང་སྐྱོབ་བྱེད་ཐུབ། དབྱང་ལྡན་འགུལ་སྐྱོད་ཀྱིས་ང་ཚོའི་ལུས་པོའི་ཕུང་གྲུབ་ལ་ཁྲག་འདོན་པ་ལེགས་བཅོས་བྱེད་ཐུབ་པས། སྐེ་རྩ་འཁྱོག་པའི་ནད་ཡང་བསྐྱར་འབྱུང་བར་སྔོན་འགོག་ལེགས་པོ་བྱེད་ཐུབ། སྐེ་དང་ཕྲག་པའི་ཤ་གྲིམ་ལ་སྦྱོང་བརྡར་ལེགས་པོ་བྱས་ཚེ། སྐེ་དང་ཕྲག་པའི་ནད་རིགས་སྣ་ཚོགས་འབྱུང་བ་ནུས་ཡོད་སྒོས་སྔོན་འགོག་བྱེད་ཐུབ།
          སྐེ་རྩ་འཁྱོག་པ་སྟེ་སྐེ་ཚིགས་མཁྲེགས་པོར་གྱུར་རྗེས། སྐེ་རྩ་དང་ཕྲག་པར་ན་ཟུག་ཆེན་པོ་ལངས་པ་དང་རང་ཉིད་ཀྱིས་ན་ཟུག་སེལ་མ་ཐུབ་ན། སྨན་ཁང་དུ་སོང་ནས་སྨན་བཅོས་བྱ་དགོས།