ཚོགས་ཆེན་བཅུ་དགུ་པའི་དགོངས་དོན་མཛུབ་ཁྲིད་དུ་བྱས་ཏེ། ཆོས་ལུགས་དང་སྤྱི་ཚོགས་རིང་ལུགས་ཀྱི་སྤྱི་ཚོགས་གཉིས་འཚམ་མཐུན་ཡོང་པ་བྱ་དགོས། ནུབ་བྱང་དགེ་འོས་སློབ་ཆེན་གྱིས་དགེ་འོས་སློབ་མ་བགྲང་ལས་འདས་པ་བསྐྱངས་པ། གཞིས་རྩེ་གྲོང་ཁྱེར་གྱི་གཞུང་ལམ་ཐོག་རླངས་འཁོར་ཤར་གཏོང་ཐུབ་ཚད་སྤྱི་ལེ་ཁྲི་1.7ཟིན་པ། ལོ་རྒྱུས་ཡུན་རིང་ལྡན་པའི་ཞོ་ལེགས་ཀྱི་བོད་ཤོག བོད་ལྗོངས་གཞིས་རྩེས་གླུ་ལེན་གར་འཁྲབ་ཀྱིས་གནམ་ལོ་གསར་པ་བསུ་བ། ལྕགས་ལམ་སྡེ་ཁག་གིས་སྦྲེལ་མཐུད་དྲ་བ་བརྒྱུད་ནས་ཟས་རིགས་མངག་ཉོའི་ཞབས་ཞུ་རིམ་སྤོར་བྱས་ཏེ། མེ་འཁོར་མ་བསྐོར་གོང་གི་ཆུ་ཚོད་གཅིག་གི་སྔོན་དུ་མངག་ཉོ་བྱས་ཆོག་པ། ལྷ་སའི་ཚོགས་འདུ་གཉིས། ལྷ་ས་གྲོང་ཁྱེར་མི་དམངས་འཐུས་ཚོགས་སྐབས་བཅུ་གཅིག་པའི་ཚོགས་འདུ་ཐེངས་གསུམ་པར་གྲོས་གཞི་106འབྱོར། ལོ་གསར་གྱི་ཚོང་ར་འཁྲུག་ཆ་དོད་པོར་འགྱུར་བཞིན་ཡོད་པ། ཁྲོན་བོད་ལྕགས་ལམ་ལྷ་ས་ནས་ཉིང་ཁྲི་བར་གྱི་ལམ་བུའི་བསམ་གྲུབ་གླིང་ཕུག་ལམ་ཤར་བགྲོད་ཐུབ་པ། ཧྥ་རན་སེའི་ཙུང་ཐུང་མཱ་ཁེ་ལུང་གིས་དེ་རིང་ནས་བཟུང་རང་རྒྱལ་ལ་རྒྱལ་དོན་འཚམས་འདྲི་བྱེད་པ།
ཀྲུང་གོའི་བོད་ལྗོངས་དྲ་བ། > གསོ་རིག > འཕྲོད་བསྟེན་རྒྱུན་ཤེས།

བོད་སོག་གསོ་རིག་ལས་ཁམས་གསོ་བདེ་སྲུང་དང་སྲོལ་རྒྱུན་བཅོས་ཐབས་སྐོར།

སྤེལ་དུས 2018-04-12 ཡོང་ཁུངས། མཚོ་སྔོན་བོད་ཡིག་གསར་འགྱུར། རྩོམ་པ་པོ། སྒྲོལ་མས་བསྒྲིགས།
           བོད་སོག་གསོ་བ་རིག་པའི་གཞུང་ལས་དུས་ཚིགས་ལྟར་ལྭ་བ་དང་སྡོད་ཁང་བརྗེ་སྤོར་བྱ་དགོས། ཁོར་ཡུག་ལ་འཚམ་པོ་ཡོང་རྒྱུ་ནི་ལུས་ཟུངས་གསོ་བ་དང་ཚེ་ཐག་ཇེ་རིང་དུ་གཏོང་བའི་དམིགས་ཡུལ་ཡིན། གནམ་གཤིས་ཀྱི་འགྱུར་བ་ལྟར་ལྭ་བ་བརྗེ་སྤོར་བྱེད་པ་དང་། དྲོད་བརྟེན་འཁྱགས་གཡོལ་སོགས་སྤྱིར་བཏང་གི་ཤེས་བྱ་ཡིད་ལ་ངེས་དགོས་པ་ལས་གཞན་ད་དུང་དུས་ལྟེ་ཟ་མ་སྙོམ་སྒྲིག་བྱེད་པར་མཉམ་འཇོག་དགོས། དུས་ཚིགས་དང་མཐུན་པོ་བྱུང་ན་གཟུགས་གཞི་བདེ་ཐང་དང་ནད་འགོག་ནུས་པ་ཇེ་མཐོར་འགྲོ་ཐུབ།
གསུམ། བོད་སོག་གསོ་བ་རིག་པའི་གཞུང་ལུགས་ལས་དམིགས་བསལ་གྱི་བཅོ་ཐབས།
           (གཅིག)སོག་པོའི་གསོ་བ་རིག་པའི་གཞུང་ལས་མགོ་ཡོམ་བཅོ་ཐབས་ལག་རྩལ་ནི་སོག་རིགས་གསོ་བ་རིག་པའི་གཞུང་ལུགས་ནང་གི་མགོ་ཡོམ་སྨན་བཅོས་བྱེད་ཐབས་ཤིག་ཡིན། དངོས་ལུགས་ཀྱི་མགོ་ཡོམ་བྱེད་ཐབས་བེད་སྤྱད་ནས་ནད་རྟགས་མེད་པར་བཟོས་ཏེ་སྨན་བཅོས་བྱེད་ནུས་ཐོན་དགོས། མགོ་ཡོམ་བཅོ་ཐབས་ལ་དབྱེ་ན་རྡོ་ལུ་དང་དབྱུག་པ། རྐང་མཐིལ་རྡུང་བ་སོགས་ཡོད། མགོ་ཡོམ་སླར་གསོ་བྱུང་བ་དང་རླུང་ཁྲག་འཁོར་རྒྱུག ཤ་གཟུགས་སྙོམ་སྒྲིག་སོགས་ཀྱི་བྱེད་ནུས་ལྡན་པ་དང་། མགོ་ཡོམ་དང་མགོའི་གཞོགས་ཕྱེད་ན་བ། ནང་ཁྲོལ་གྱི་དབང་པོར་རྨས་ཕོགས་པ། སྐེད་པར་གནོད་བྱུང་བ་སོགས་ལ་མངོན་གསལ་གྱི་ནུས་པ་ཐོན་གྱི་ཡོད།
           (གཉིས) ཟངས་ཁོག་བཅོས་ཐབས། ཟངས་དམར་གྱི་རྒྱུ་ཆ་གཙོ་བྱས་ནས་ལས་སྣོན་བྱས་པ་ཡིན་ལ། ཟངས་དམར་གྱི་དངོས་ལུགས་ཁྱད་ཆོས་དང་ལུས་ཕུང་བདེ་སྲུང་བྱེད་ནུས་བེད་སྤྱད་དེ་མེ་ཕོར་རྒྱག་པའི་སྲོལ་རྒྱུན་གྱི་རང་བྱུང་བཅོས་ཐབས་ཤི་ཡིན། རྩ་ལམ་གྱི་ཁྲག་དབུགས་སེལ་བ་དང་སྙིང་རྩའི་རྩ་ལམ་བྱེད་ནུས་ལ་སྐུལ་འདེད་གཏོང་བར་ཕན་པ་དང་། བཟང་སྐྱོར་ངན་འཇོམས་དང་གདགས་སྲིབ་དོ་མཉམ།རྒྱུས་པ་གསོ་ཞིང་ཁྲག་རྩ་བསང་བ། རླུང་སེལ་བ། ཟུག་འཇོམས་སྐྲངས་འཇགས། ཚ་ཤོར་དུག་སེལ། ལུས་སྟོབས་རྒྱས་ཤིང་བདེ་ཐང་ཡོང་བར་ཕན་ནུས་ལྡན།
           (གསུམ།)སོག་རིགས་ཀྱི་གསོ་བ་རིག་པའི་གཞུང་ལས་རུས་པ་བཅོ་ཐབས། དེར་དབྱེ་ན་ལེགས་སྒྲིག་དང་། གཏན་འཇོག་པ། འཕུར་མཉེས། སྨན་ལུམ། ནད་གཡོག་དང་བྱེད་ནུས་སྦྱོང་བརྡར་སོགས་རིམ་པ་དྲུག་བརྒྱུད་དགོས། ཡོ་བྱད་སྤྱད་ནས་རུས་པ་འབྱོར་དུ་འཇུག་སྐབས་སྔོན་ལ་ཆང་བཅུད་མང་པོ་འདུས་པའི་ཆང་རུས་ཆག་གི་གནས་དང་རུས་ཚིགས་ཀྱི་སྟེང་གཏོར་བ་དང་། དེའི་འཕྲོར་ཡངས་མོའི་ངང་འཕུར་མཉེས་བྱས་ན་དུག་སེལ་བ་དང་། རྩ་དཀར་གསོ་ཞིང་ཁྲག་རྩ་བསང་བའི་བྱེད་ནུས་ཐོན། རུས་པ་བཅོ་ཐབས་ལ་དབྱེ་ན་རུས་ཆག་ལེགས་སྒྲིག་བྱེད་ཐབས། རུས་ཆག་གི་གནས་ལ་འཕུར་མཉེས་བྱེད་ཐབས་སོགས་ཡོད། དེ་དག་བྱེད་ཐབས་བདེ་ལ་སྨན་བཅོས་ཕན་འབྲས་མངོན་གསལ་ཡིན་པ། ན་ཟུག་འཇོམས་པ། དུག་སེལ། ལུས་སྟོབས་རྒྱས་ཤིང་བདེ་ཐང་ཡོང་བ་སོགས་ཀྱི་བྱེད་ནུས་ལྡན།
           (བཞི)མགོ་བོར་སྐམ་ཁབ་གདབ་པའི་སྨན་བཅོས་བྱེད་ཐབས། དེ་ནི་མགོ་བོའི་གསང་མིག་སྟེང་སྐམ་ཁབ་གདབ་པའི་ནད་རིགས་འགོག་བཅོས་ཀྱི་གསོ་ཐབས་ལ་ཟེར། ཀླད་པའི་ཁྲག་རྩའི་ནད་དང་མགོ་ན་བ། མགོ་ཡུ་འཁོར་བ་སོགས་ལ་ཁྱད་མཚར་བའི་ཕན་འབྲས་ཐོན་གྱི་ཡོད།
           (ལྔ) སྐམ་ཁབ་བསྲོ་བའི་སྨན་བཅོས་བྱེད་ཐབས། དེ་ནི་མིའི་ལུས་པོའི་གསང་མིག་ལ་གསེར་ཁབ་དང་དངུལ་ཁབ་གདབ་སྟེ། མེ་ཡིས་བསྲོས་རྗེས་ཟུག་གཟེར་སློང་དུ་བཅུག་ན། ནད་རིགས་འགོག་བཅོས་ཀྱི་དམིགས་ཡུལ་མངོན་འགྱུར་བྱ་ཐུབ་པ་དང་། སྲོལ་རྒྱུན་གྱི་ཕྱི་བཅོས་བཅོ་ཐབས་ཤིག་ཡིན། དེ་ལ་རླུང་ཁྲག་འཁོར་རྒྱུག་དང་། གཉན་ཁ་འཇོམས་པ། རྩ་དཀར་གསོ་ཞིང་རླུང་རྒྱུ་བ། འབྱར་བག་འབྱིན་པ། རིམས་འགོག་ནུས་ཤུགས་ཇེ་མཐོར་གཏོང་བ། འགོག་ཤུགས་ཇེ་དྲག་ཏུ་གཏོང་བ་སོགས་ཀྱི་ཁྱད་ཆོས་ལྡན།
           (དྲུག) མེ་བཙའ་ཡི་སྨན་བཅོས་བྱེད་ཐབས། བསྲོ་ཐབས་ཀྱི་རྨང་གཞིའི་སྟེང་འཕེལ་རྒྱས་ཡོང་བའི་སྨན་རྫས་མ་ཡིན་པའི་སྨན་བཅོས་བྱེད་ཐབས་ཤིག་ཡིན། ཀྲུང་ལུགས་གསོ་བ་རིག་པའི་གཞུང་གི་མེ་བཙའི་གསོ་ཐབས་དང་འདྲ་པོ་ཡོད་ལ། མིའི་ལུས་སྟེང་གི་གསང་མིག་བསྲེགས་ནས་ཟུག་གཟེར་བསླངས་ན་རླུང་ཁྲག་དང་གཟུགས་གཞི་ཇེ་དྲག་ཏུ་གཏོང་བའི་དམིགས་ཡུལ་མངོན་འགྱུར་བྱ་ཐུབ། དེ་ལྟར་བྱས་ན་རྒྱུན་མཐོང་གི་ནད་རིགས་གསོ་བཅོས་བྱེད་ཐུབ་པར་མ་ཟད། རླུང་དང་གྲང་བ་སོགས་ཀྱི་ནད་རྟགས་འགོག་བཅོས་ཐད་ཧ་ཅང་ཕན།
           (བདུན) རྒྱབ་རྡུང་བའི་སྨན་བཅོས་བྱེད་ཐབས། འདི་ནི་སྲོལ་རྒྱུན་གྱི་སྨན་བཅོས་བྱེད་ཐབས་ཤིག་ཡིན། རྒྱུ་ཆ་ཁྱད་པར་བས་བཟོས་པའི་ཐོ་བས་མིའི་སྐེད་པ་བརྡུངས་ནས་ན་ཟུག་སློང་བར་བྱེད་པའི་ནད་རིགས་འགོག་བཅོས་ཀྱི་བྱེད་ཐབས་ལ་ཟེར། གདགས་སྲིབ་སྐྱེད་པ་དང་སྙོམ་སྒྲིག ཁྲག་རྒྱུན་འཁོར་རྒྱུག གློ་སྙིང་གི་ནུས་པ་སླར་གསོ་ཐུབ་པ་སོགས་ཀྱི་བྱེད་ནུས་ལྡན། ཤ་གནད་ན་བ་དང་། མཁལ་རྐེད་ན་བ་སོགས་དལ་བའི་རང་བཞིན་གྱི་ནད་སྔོན་འགོག་དང་བཅོ་བའི་ནུས་པ་ལྡན།
           (བརྒྱད) ཇ་ཆང་གི་སྨན་བཅོས་བྱེད་ཐབས། དེ་ནི་བསྲོ་ཐབས་ཀྱི་སྨན་བཅོས་བྱེད་ཐབས་ཤིག་ལ་ཟེར། ཇ་དང་ཆང་ལུས་སྟེང་དུ་བྱུག་པའི་ནད་རིགས་འགོག་བཅོས་བྱེད་ཐབས་ཤིག་ལ་ཟེར། གཙོ་བོ་ན་ཟུག་འཇོམས་པ་དང་། རྩ་གསོས་གྲང་འདོན། ལུས་པོའི་བྱེད་ནུས་སླར་གསོ་བྱེད་པར་ཕན། བྱེད་ཐབས་དེའི་རིགས་ནི་ཕོ་བ་དང་རྒྱབ་ངོས་ཏེ་ཅུང་ཁོད་ཡངས་པའི་གནས་སུ་བྱུགས་ནས་བཀོལ་ན་ཕོ་བ་ན་བ་དང་། ཟས་འཇུ་དཀའ་བ། གྲང་ཤ་ལངས་ནས་སྐྱུག་པ་དང་ཁོག་པ་བཤལ་བ། དེ་མིན་མཁལ་མ་དང་ལྒང་བུ། རྐེད་པ་དང་ཉྭ་སྟི། ཤ་གནད་ལ་རྨས་ཕོག་པ་སོགས་གསོ་བཅོས་བྱ་ཐུབ། (མུ་འགོད།)