ཚོགས་ཆེན་བཅུ་དགུ་པའི་དགོངས་དོན་མཛུབ་ཁྲིད་དུ་བྱས་ཏེ། ཆོས་ལུགས་དང་སྤྱི་ཚོགས་རིང་ལུགས་ཀྱི་སྤྱི་ཚོགས་གཉིས་འཚམ་མཐུན་ཡོང་པ་བྱ་དགོས། ནུབ་བྱང་དགེ་འོས་སློབ་ཆེན་གྱིས་དགེ་འོས་སློབ་མ་བགྲང་ལས་འདས་པ་བསྐྱངས་པ། གཞིས་རྩེ་གྲོང་ཁྱེར་གྱི་གཞུང་ལམ་ཐོག་རླངས་འཁོར་ཤར་གཏོང་ཐུབ་ཚད་སྤྱི་ལེ་ཁྲི་1.7ཟིན་པ། ལོ་རྒྱུས་ཡུན་རིང་ལྡན་པའི་ཞོ་ལེགས་ཀྱི་བོད་ཤོག བོད་ལྗོངས་གཞིས་རྩེས་གླུ་ལེན་གར་འཁྲབ་ཀྱིས་གནམ་ལོ་གསར་པ་བསུ་བ། ལྕགས་ལམ་སྡེ་ཁག་གིས་སྦྲེལ་མཐུད་དྲ་བ་བརྒྱུད་ནས་ཟས་རིགས་མངག་ཉོའི་ཞབས་ཞུ་རིམ་སྤོར་བྱས་ཏེ། མེ་འཁོར་མ་བསྐོར་གོང་གི་ཆུ་ཚོད་གཅིག་གི་སྔོན་དུ་མངག་ཉོ་བྱས་ཆོག་པ། ལྷ་སའི་ཚོགས་འདུ་གཉིས། ལྷ་ས་གྲོང་ཁྱེར་མི་དམངས་འཐུས་ཚོགས་སྐབས་བཅུ་གཅིག་པའི་ཚོགས་འདུ་ཐེངས་གསུམ་པར་གྲོས་གཞི་106འབྱོར། ལོ་གསར་གྱི་ཚོང་ར་འཁྲུག་ཆ་དོད་པོར་འགྱུར་བཞིན་ཡོད་པ། ཁྲོན་བོད་ལྕགས་ལམ་ལྷ་ས་ནས་ཉིང་ཁྲི་བར་གྱི་ལམ་བུའི་བསམ་གྲུབ་གླིང་ཕུག་ལམ་ཤར་བགྲོད་ཐུབ་པ། ཧྥ་རན་སེའི་ཙུང་ཐུང་མཱ་ཁེ་ལུང་གིས་དེ་རིང་ནས་བཟུང་རང་རྒྱལ་ལ་རྒྱལ་དོན་འཚམས་འདྲི་བྱེད་པ།
ཀྲུང་གོའི་བོད་ལྗོངས་དྲ་བ། > གསོ་རིག > འཕྲོད་བསྟེན་རྒྱུན་ཤེས།

རྒྱུན་དུ་འཆམ་འཆམ་དུ་སོང་ན་བུད་མེད་ཀྱི་སྙིང་རྒུད་ཉེན་ཁ་ཇེ་ཆུང་དུ་འགྲོ་བ།

སྤེལ་དུས 2018-04-20 ཡོང་ཁུངས། མཚོ་སྔོན་བོད་ཡིག་གསར་འགྱུར། རྩོམ་པ་པོ། སྒྲོལ་མས་བསྒྲིགས།
          འཆམ་འཆམ་དུ་འགྲོ་བ་ནི་སྟབས་བདེ་བའི་འགུལ་སྐྱོད་བྱེད་སྟངས་ཤིག་ཡིན། ཨ་མེ་རི་ཁའི་ཞིབ་འཇུག་གསར་པ་ཞིག་ལས་མངོན་པ་ལྟར་ན།བུད་མེད་དར་མ་རྣམས་གཟའ་འཁོར་གཅིག་གི་ནང་འཆམ་འཆམ་དུ་ཐེངས་གཉིས་ལ་སོང་ན་སྙིང་རྒུད་ནད་ཀྱི་ཉེན་ཁ་ཇེ་ཉུང་དུ་འགྲོ་བ་རེད།
          ཞིབ་འཇུག་དེ་ནི་ཨ་མེ་རི་ཁའི་པུའུ་ལང་སློབ་ཆེན་སྙིང་ནད་རིག་པའི་ཆེད་མཁས་པས་རྩ་འཛུགས་བྱས་ཏེ་སྤེལ་བ་ཞིག་ཡིན་ལ། ལོ50ཡན་གྱི་བུད་མེད་ཁྲི་8.9ལྷག་ལ་དུས་ཡུན་ལོ་བཅུའི་རིང་རྗེས་འདེད་ཞིབ་འཇུག་བྱས་པ་ལས་ཤེས་པ་རེད། འཆམ་འཆམ་དུ་སོང་ན་སྙིང་ལ་སྲུང་སྐྱོབ་བྱེད་པའི་ནུས་པ་མངོན་གསལ་ཐོན་ཐུབ་པ་དང་། དེས་སྙིང་རྒུད་ནད་ཀྱི་ཉེན་ཁ་ཇེ་དམའ་རུ་གཏོང་བའི་ཕན་ནུས་ནི་ལུས་པོའི་ལྗིད་ཚད་དང་ལུས་རྩལ་གཞན་པའི་གོམས་གཤིས་དང་འབྲེལ་བ་གང་ཡང་མེད། ཞིབ་ཏུ་བཤད་ན་གཟའ་འཁོར་རེར་འཆམ་འཆམ་དུ་ཐེངས་གཅིག་སོང་ན་བུད་མེད་ཀྱི་སྙིང་རྒུད་ཉེན་ཁ5%ཡིས་ཇེ་དམའ་རུ་གཏོང་ཐུབ་པ་དང་།འཆམ་འཆམ་དུ་འགྲོ་བའི་ཐེངས་གྲངས་ཇེ་མང་དུ་སོང་བ་དང་བསྟུན་ནས་སྙིང་རྒུད་ནད་ཀྱི་ཉེན་ཁ་དེ་བས་ཀྱང་ཇེ་ཉུང་དུ་འགྲོ་ངེས་རེད།གཟའ་འཁོར་རེར་འཆམ་འཆམ་དུ་ཐེངས་གཉིས་སོང་ན་སྙིང་རྒུད་ཉེན་ཁ20%ཇེ་དམའ་རུ་འགྲོ་སྲིད།གལ་ཏེ་ཉི་མ་རེ་རེ་བཞིན་འཆམ་འཆམ་དུ་སོང་ན།སྙིང་རྒུད་ཉེན་ཁ35%ཇེ་དམའ་རུ་འགྲོ་ཐུབ།དེ་ལས་གཞན་ཞིབ་འཇུག་མི་སྣས་ད་རུང་གལ་ཏེ་ཉིན་རེར་འཆམ་འཆམ་དུ་འགྲོ་བའི་དུས་ཡུན་སྐར་མ་40ལས་བརྒལ་ན།བུད་མེད་ལ་སྙིང་རྒུད་ནད་ཕོག་པའི་ཚད25%ཡིས་ཇེ་དམའ་རུ་འགྲོ་ཐུབ་པ་དང་།གོམ་པའི་དལ་མགྱོགས་ཀྱི་ནུས་པའང་མི་འདྲ་བ་རེད།སྤྱིར་བཏང་གི་གོམ་པ་ལས་གོམ་པ་མགྱོགས་པོར་སོང་ན་སྙིང་རྒུད་ཉེན་ཁ38%ཀྱིས་ཇེ་དམའ་རུ་གཏོང་ཐུབ།
          སྙིང་གིས་ལུས་ཡོངས་ལ་རྒྱུན་ལྡན་གྱི་ཁྲག་འདོན་མི་ཐུབ་པའི་སྐབས་སུ་སྙིང་རྒུད་ནད་བྱུང་བ་རེད།ནད་གཞི་ཚབས་ཆེན་ཡིན་པའི་སྐབས་སུ་དབུགས་ཧད་དེ་རྡོ་སྐས་དང་རི་མགོ་སོགས་སུ་འགོ་མི་ཐུབ་ལ། གཉིད་ཉལ་བའི་སྐབས་སུའང་དབུགས་འབྱིན་རྔུབ་བྱེད་དཀའ་བ་སོགས་ཀྱི་གནས་ཚུལ་འབྱུང་སྲིད།1/3གི་སྙིད་རྒུད་ནད་པ་ནི་ནད་ཕོག་པའི་ལོ་གཅིག་གི་ནང་དུ་ཤི་འགྲོ་བ་དང་།ནད་འདིའི་གསོན་ཚད་ནི་ཐན་སྐྲན་ནད་ཁ་ཤས་ལས་ཀྱང་དམའ་བ་རེད།དེར་བརྟེན་སྙིད་རྒུད་ནི་ཚེ་སྲོག་ལ་ཉེན་ཁ་ཡོད་པའི་ནད་རིགས་ཚབས་ཆེན་ཞིག་ཡིན་པས།འཆམ་འཆམ་དུ་སོང་ན་སྙིང་རྒུད་ནད་ཀྱི་ཉེན་ཁ་ཇེ་ཆུང་དུ་འགྲོ་བ་ཤེས་པ་འདི་ནི་ང་ཚོར་མཚོན་ན་དོན་སྙིང་གལ་ཆེན་ལྡན་པ་ཞིག་རེད།ཞིབ་འཇུག་དེའི་རྩོམ་པ་པོ་སོ་མུའུ་ཝེར·ལེ་སི་ལ་ཡིས“ང་ཚོས་འཆམ་འཆམ་དུ་སོང་ན་སྙིང་རྒུད་ནད་འགོག་ཐུབ་པ་ཤེས་ནའང་མི་ཁ་ཤས་ཀྱིས་ད་རུང་འཆམ་འཆམ་དུ་འགྲོ་བར་ཕན་ནུས་གང་ཡང་མེད་པར་འདོད་ཀྱིན་ཡོད།ཐེངས་འདིའི་ཞིབ་འཇུག་དབྱེ་ཞིབ་ལས་རྒྱུན་དུ་འཆམ་འཆམ་དུ་སོང་ན་ནད་ཕོག་ཚད་ཇེ་ཉུང་དུ་འགྲོ་བ་གསལ་པོར་ཤེས་ཐུབ”ཟེར།