ཁྲུང་ཆིང་གྲོང་ཁྱེར་ཝན་ཀྲོའུ་ཁུལ་འབྲི་ཆུའི་ཟམ་ཆེན་གཉིས་པའི་སྟེང་བགྲོད་པའི་སྤྱི་སྤྱོད་རླངས་འཁོར་ཞིག་འབྲི་ཆུའི་ནང་དུ་ལྷུང་བ། མཚོ་སྔོན་གོར་མོ་གྲོང་ཁྱེར་འབྲི་ཆུའི་ཆུ་འགོ་གྲོང་ཚོར་ཕར་རོགས་ཚུར་གཅེས་ཀྱིས་བདེ་སྐྱིད་ལྡན་པའི་འཚོ་བ་སྐྱེལ་བ། དཔལ་དགེའི་ཆུ་བསྐྱིལ་མཚེའུའི་འཕྲིན་གསར། འབྲི་ཆུའི་འགག་འཁྱིལ་མཚེའུ་གཞི་རྩའི་ཆ་ནས་རྒྱུན་རྣམ་སླར་གསོ་བྱུང་བ་དང་རོགས་སྐྱོབ་གོ་རིམ་ལྡན་པའི་ངང་བྱེད་བཞིན་ཡོད་པ། གནས་མཆོག་ལྷ་སར་མཐུན་སྒྲིལ་མེ་ཏོག་རབ་ཏུ་བཞད་། ཆོས་དབྱིངས་སྐྱིད་ཀྱིས་ཡང་རྒྱལ་སྤྱིའི་འགྲན་སྡུར་ལས་ཨང་དང་པོ་བླངས། ཀྲུང་གོའི་མི་རིགས་སྐད་ཡིག་ཡིག་སྒྱུར་ཅུས་ཀྱིས་བོད་ཡིག་རིག་ནུས་ཡིག་སྒྱུར་མཉེན་ཆས་ཁྱབ་སྤེལ་ཚོགས་འདུ་སྤོས་ལྡན་གྲོང་དུ་འཚོགས་པ། ཚོགས་ཆེན་བཅུ་དགུ་པའི་དགོངས་དོན་མཛུབ་ཁྲིད་དུ་བྱས་ཏེ། ཆོས་ལུགས་དང་སྤྱི་ཚོགས་རིང་ལུགས་ཀྱི་སྤྱི་ཚོགས་གཉིས་འཚམ་མཐུན་ཡོང་པ་བྱ་དགོས། ནུབ་བྱང་དགེ་འོས་སློབ་ཆེན་གྱིས་དགེ་འོས་སློབ་མ་བགྲང་ལས་འདས་པ་བསྐྱངས་པ། གཞིས་རྩེ་གྲོང་ཁྱེར་གྱི་གཞུང་ལམ་ཐོག་རླངས་འཁོར་ཤར་གཏོང་ཐུབ་ཚད་སྤྱི་ལེ་ཁྲི་1.7ཟིན་པ།
ཀྲུང་གོའི་བོད་ལྗོངས་དྲ་བ། > གསོ་རིག > འཕྲོད་བསྟེན་རྒྱུན་ཤེས།

ཨ་རིས་ཨེ་ཙི་གསོ་ནད་ཀྱི་རིམས་འགོག་སྨན་ཁབ་གསར་པ་གསར་སྤེལ་བྱས་འདུག

སྤེལ་དུས 2019-01-07 ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས། རྩོམ་པ་པོ། ཚེ་རིང་གིས་བསྒྲིགས།
      ཨ་རིས་ཨེ་ཙི་གསོ་ནད་ཀྱི་རིམས་འགོག་སྨན་ཁབ་གསར་པ་གསར་སྤེལ་བྱས་ཤིང་། སྤྲེའུར་ཚོད་ལྟ་བྱས་ནས་བདེན་དཔང་ཐོབ་པ།

      2018ལོའི་ཟླ་12 ཚེས་28 ཉིན། ཤིན་ཧྭ་གསར་འགྱུར་ཁང་ནས་གནས་ཚུལ་སྤེལ་བར་གཞིགས་ན། ཨ་རིའི་ཞིབ་འཇུག་མི་སྣས་ཉེ་དུས་ཨེ་ཙི་གསོ་ནད་ཀྱི་རིམས་འགོག་སྨན་ཁབ་གསར་པ་ཞིག་གསར་སྤེལ་བྱས་། སྤྲེའུར་ཚོད་ལྟ་བྱས་ནས་མངོན་པར། སྨན་ཁབ་དེའི་རིགས་གཏིགས་ཚེ་ཨེ་ཙིའི་ནད་དང་ཆ་འདྲ་བའི་ནད་དུག་འགོག་ཐུབ་པར་བཤད་ཅིང་། གནས་ཚུལ་དེས་ཨེ་ཙི་ནད་སྔོན་འགོག་བྱེད་པར་རེ་བ་གསར་པ་བྱིན།
      ཨ་རིའི་ཁི་རེ་སི་ཏོ་ཧྥུ་སོགས་ཞིབ་འཇུག་སྡེ་ཁག་གི་ཞིབ་འཇུག་མི་སྣས་ཉེ་དུས་ཨ་རིའི་རིག་གཞུང་དུས་དེབ《རིམས་འགོག》ཐོག་འབྲེལ་ཡོད་གྲུབ་འབྲས་སྙན་སེང་ཞུས། ཁོང་ཚོས་ཨེ་ཙི་ནད་དུག་སྤྲི་དཀར་ཤུན་པགས་ཐད་ཀྱི་ཞན་ཆ་དེར་དམིགས་ནས་རིམས་འགོག་སྨན་ཁབ་འདི་གསར་གཏོད་གནང་བ་དང་། དེས་རིམས་འགོག་སྨན་ཁབ་འགོག་གཟུགས་འབྱུང་སྲིད་པར་མ་ཟད། རིམས་འགོག་མ་ལག་ལས་ཐོན་པ་དང་དེའི་འགོག་གཟུགས་ནད་དུག་དང་འབྲེལ་བའི་ཞན་ཆ་ལ་ཕར་རྒོལ་བྱེད་ཐུབ་པས། སྲུང་སྐྱོབ་ཀྱི་བྱེད་ནུས་ཐོན་ཐུབ།

      ཞིབ་འཇུག་མི་སྣས་གང་གཱའི་ཀླུང་གི་སྤྲེའུ་ཁ་ཤས་ལ་སྦྱོར་ཚད་མི་འདྲ་བའི་རིམས་འགོག་སྨན་ཁབ་གསར་པ་གཏིགས་པ་ན། དེའི་ནང་ནས་སྤྲེའུ་ལ་ལའི་ལུས་ཕུང་དུ་ཆུ་ཚད་མཐོ་བའི་འགོག་གཟུགས་དང་། གཞན་ལ་ལར་ཆུ་ཚད་དམའ་བའི་འགོག་གཟུགས་བསྐྱེད་ཐུབ་པ་བྱུང་། མིའི་རིགས་ཀྱི་ཨེ་ཙི་འགོས་ནད་ཀྱི་ནད་དུག་དང་ཧ་ཅང་མཚུངས་པའི་སྤྲེའུ་ལ་ནད་དུག་འགོག་པའི་ནུས་པ་ཐོན་པ་དེས། ཕྱིན་ཆད་སྨན་ཁབ་འདི་རིགས་སྤྱད་ཆོག་པའི་གཏན་ཁེལ་བྱུང་ཞེས་ཞིབ་འཇུག་པས་གསུངས།
      ངོ་སྤྲོད་བྱས་པར་གཞིགས་ན། དེའི་གོང་དུ། ཨེ་ཙི་གསོ་ནད་ཀྱི་རིམས་འགོག་སྨན་ཁབ་ཞིབ་འཇུག་གསར་སྤེལ་གྱི་བསམ་ཕྱོགས་ཁ་ཤས་ནི་རིམས་འགོག་མ་ལག་གིTཕྲ་ཕུང་སོགས་ཀྱིས་ནུས་པ་འདོན་པར་བརྟེན། རིམས་འགོག་སྨན་ཁབ་གསར་པ་དེ་རིགས་ལ་བརྟེན་ནས་གོང་གསལ་འགོག་གཟུགས་ནུས་པ་ཐོན་གྱི་ཡོད་པ་རེད། དེའི་ནུས་པའི་རྒྱུ་རྐྱེན་རྩ་བ་ནས་མི་འདྲ་སྟེ། ཨེ་ཙི་ནད་སྔོན་འགོག་བྱེད་པར་བསམ་ཕྱོགས་གསར་པ་ཁ་སྣོན་བྱས་ཡོད།
      མ་འོངས་པར་ཞིབ་འཇུག་མི་སྣའི་འཆར་གཞི་ལྟར་ན། མིའི་རིགས་ཀྱི་ནད་ཐོག་སྨན་བཅོས་ཀྱི་ཚོད་ལྟ་སྤེལ་ཏེ་སྔ་ཙམ་ནས་རིམས་འགོག་སྨན་ཁབ་གསར་པ་དེ་དངོས་སུ་སྤྱོད་མགོ་ཚུགས་རྒྱུ་རེད།